س:ايه هى الmuster اللى نزلت من يومين دى و يعنى ايه اصلا ماستر ؟!
ج:قبل ما اتكلم عن ايه هى دى حابه نفهم حاجتين مهمين الاول وهما ال daum fan café و ال official fan club ...
1.daum fan café :
ده واحد من السوشيال ميديا المشهور جدا فى كوريا مخصص لكل الفانز اللى بيحبوا اى مشهور فى كوريا(كل هدفه ان الفانز يتواصلوا مع المشهورين اللى بيحبوهم ويكلموهم بس ) ،
الابلكيشن ده فيه حساب خاص لbts (وبيكون لكل مشهور كورى حسابه الخاص عليه) بينزلوا عليه منشورات ويكلموا مع الفانز اللى فيه ، بس الفكره انه اصلا بالكورى بس (بما انه كورى 💁😂) ،طبعا احنا نقدر نعمل عليه حساب بالفعل و نعمل فولو ل حساب bts و نقدر نعلى بالمستوى فيه باننا نجاوب على اسئله ونعمل تاسكات على الفانكافيه فكده نعلى بمستوى حسابنا (وبيكون فية اسأله بالانجلش عشان الارمى العالمى ) .
2.official fan club:
ده عضويه بفلوس بتشترك فيها، بيجهيت/bts بتديها لمدة سنه كامله لصاحب العضويه (وبتتجدد كل سنه ) ، كل سنه المشاركين بيتسموا generation (جيل) مثلا: المشاركين فى سنة 2016 كان اسمهم =جيل 2016 (2016 generation) .
بتشترك بأنك بتسجل وبتدفع فلوس الاشتراك وبتبقى وقتها عضو رسمى جواها ..
طب لازمتها ايه ؟!
هى ليها فايديتين :
1. عشان bts تبقى معاها عدد من الاعضاء (بتسترزق منهم يعنى😂😂)
2. بتدى العضويه دى مميزات كثير جدددا لصاحبها منها : خصومات على المشتريات و بتديك صلاحيات خاصه بالاعضاء اللى مشتركين لمشتريات خاصه بيهم لوحدهم ، خصومات فى سعر تيكيتات الحفلات فى كوريا، بتديك فرصه تروح تتفرج على حفلات الكومباك اللى بنتفرج عليها دى ، ومن اهم الحجات دى انها بتتعمل لاصحاب العضويه ما يسمى ب "مقابله الفانز / fan meeting " خاص بس بيهم ودى بتكون حفله بتتعملهم كل سنه اسمها ال MUSTER 😂💔
3.BTS MUSTER :
هى حفله بتتعمل كل سنه لصاحبى عضوية ال FAN CLUB و اتسمت muster عشان ترجمتها "التجمع العسكرى " ف ده بيمثل اننا ارمى و هما ال bulletbroof (معنى كلمة بانغتان الكوريه بالعربى ) ف تجمعهم ده بيكون كأنه تجمع عسكرى.
بى تى اس لكل generation بتعمله muster ، ف بما ان bts بقالها 5 سنين و دى هتكون ال generation الخامسه ف عشان كده ده هيكون ال muster الخامس ، ولكل سنه الmuster بيكون ليها اسم
2014 = 1st fan meeting: muster
2015 = BTS 2nd muster: ZIP CODE : 22920
2016 = BTS 3rd muster: ARMY.ZIP+
2017 = BTS 4th muster: Happy Ever After
2018 = BTS 5th muster: magic shop
واللى مش فاهم معناهم 😂😅:
- بصوا 22920 دى كانت وقتها عدد الساعات اللى bts والارمى كانوا عاشوها مع بعض لحد يومها💜🙈
- والسنه اللى وراها بقت zip + اللى هو عشنا مع بعض اكثر
- وبعدها سموها happy ever after يعنى هنعيش مع بعض بسعاده للأبد 💜💜
- والسنادى بقت magic shop و اللى احنا بقينا المحل السحرى الخاص ببعضنا ، اللى وقت مابنزعل بنهرب لبعض وبنكون قوه لبعضنا (احنا قوتهم وهما قوتنا) 💜💜💜
بس كده وبكده اكون جمعتلكم اعتقد الحوار على قد ماقدر 😂💔
_____________________________________
》اى اسئله بخصوص الmuster أو أى حاجه جديده اسألوها فى الكومنتات💜
أنت تقرأ
BTS Universe~♡
Overigكل الهدف تعرفوهم أكثر ، وتعرفوا تاريخهم و معنى كل حاجه بيعملوها💜🌸 #05 - btsjhope #06 - btsjhope #06 - btsrapmonester #07 - btssuga #09 - جونجكوك #10 - btsjimin #19 - kimseokjin #23 - btsrapmonester #40 - btssuga #72 - btsjimin
