المقدمة~♡
رواية باللهجة الليبية من كتاباتي❤
رواية خيالية وماتمثل اي شي مالواقع
أنا الكاتبة"عيون البراءة" عمري16 سنة نقدملكم قصة"معاناة الخدم " كأول قصة نقوم بنشرها وارجو انها تعجبكم اعطوني ارأكم تجاهها
سنحكي عن القصة وعن النوع اللي اخترته لتكون فيه القصة
1. مقدمة مجهولة٠
2. حزن بسيط٠
3. بعض الفكاهة٠
4. عاطفية٠
5. قليل من العنف٠
التأكيد ان القصة موش لها اي ارتباط بقناعتي اطلاقاً ما فيهاش حاجة تجسد قناعتي لكن اخترت النوع هذا لأن معظم قارئي القصص مراهقين وينجذبوا لمثل الروايات العاطفية هذي
بعض الادوات اللي نستعمل فيهن بالقصة:-
النقطة"٠" لاكتمال كلام الشخص
نجمتين"**" اكتمال المشهد
علامة الاستفهام"؟" للسؤال
نجمة ذهبية"🌟" شخص من العائلة المذكورة في القصة
"~•••*" ايقاف مؤقت للموقف
وبعض الإيموجيز"😂😉😡😒😠😍😏😘😑😅😓😭😢" للتعبير عن وجه المتحدث
وملاحظة مهمة :الرواية ما تحكي عن اي واقع خيالية وموش مقتبسة من شي*🌹
~~~~~~~~~~~~~~~~~~~~~~~~~~~~
بداية القصة
~♡حين يكون بداخلنا هموم كثيرة لقولها لا نستطيع نطقها فتخرج على هيئة دموع♡~
٠
٠
٠
ما كنت حياً إذ لم تكن لي قيمة فوجود كرامتي اهم ما في الكون🌺🌺
٠
٠
٠
لا يمكن لظالم ان تدوم سعادته ما دام قلبه يحكمه الظلام 💓
٠
~♡~♡~
تمشي وهي موش فاهمة شنو إلي حولها عليش كل الأصوات العالية إلي تسمع فيهن تلتفت يمينها ويسارها تشوف إلي يأمر وإلي يخدم تسأل في داخلها هي أي نوع من البشر توا تكون تمشي في ممرات ضيقة وما تشوفش في السماء بوسعها كي ما اعتادت تشوف فيها زمان وما تشوف في جمال الشمس ولا تشم في الهواء العليل إلي اعتادت تمشي فيه تشوف في الضلام في كل مكان حوليها يدفوا فيها اشخاص لابسين دبش حراس وصلوا للدار ضيقة بمسافة مترين في مترين فيها سريرين دفعوها جوى منها وفي بنت متكيا على وحدة مالسراير
حارس: وريها شنو إلي تديرها٠
قمعزت عالسرير لاخر وقعدت اتفكر وهي مصدومة ملي شافاته
بعدها قالت: أنا وين٠
البنت اتخزر فيها واتبحت في جهه أخرى
عادت السؤال: أنا وين٠
البنت ما جاوبتش وبحتت فيها بخزرة وبحتت في اتجاه ثاني٠
قعدن وقت في نفس الوضعية
البنت: شنو اسمك٠
رانيا: رانيا٠
البنت: اسمعيني يا رانيا٠
رانيا: نبي نفهم أنا وين٠
البنت: قتلك اسمعيني ما تسأليش مرة أخرى نبي انفهمك أنك خادمة٠
رانيا: خادمة!
البنت: هذا يعني أنك ما عندكش شأن في المكان هذا سمعتي٠
رانيا: كيف٠
البنت: خلاص المهم توا انفهمك٠
رانيا: شنو٠
البنت: قلتي أن اسمك رانيا إلي نقولها لك ديريها ولا تخشي الحبس٠
رانيا: عليش٠
البنت: ما اترديش على كلامي بسؤال توا يعطوك
ورقة خاصة بيك في الشغل اللي اديريه في كل شهر٠
رانيا: لكن شنو نشتغل٠
البنت: تسيقي وتغسلي وتنظفي اماكن متعبية عفن٠
رانيا: لكن ليش٠
البنت: موش علي راحتك٠
بدت رانيا تبكي 😢
البنت: اسمعي اللي لابسين ازرق في اسود ودبشهم فخم مالكبير لعند الأصغير ذكور مالعائلة "الأوركيد" احترميهم واللي لابسات وردي في ابيض مالكبيرة للصغيرة إناث احترميهن حتى هن مالعائلة النبيلة اوركيد٠
رانيا: لكن شنو عائلة الأوركيد٠
البنت: من يوم وغادي تعيشي بالطريقة هذي احترميهم كلهم٠
البنت: أنت اسمعيني توا يجيبولك بكرا الورقة امتاع العمل الأسبوعي اللي اديريه وفي أي شارع تشتغلي ويعطوك لبسة رصاصية خاصة بالخدم ويعطوك وشاح كان أنت متحجبة توا انت ارقدي وبكرا توا انوريك ايش اديري٠
رانيا: شكرا٠
البنت : عشان اوامر العائلة موش عليشان خوفي عليك٠
بعدها تغطت البنت وارقدت أما رانيا تمت الليل كله تبكي وما رقدتش إلا بعد وقت مالتعب٠*
في الصبح وهي راقدة سمعت صوت حد يناديها : رانيا نوضي يلا رانيا٠
رانيا: نعم هيا توا انوض يا ماما٠
البنت: امك في عينك سموا أسمك يبوك تاخذي الورقة إلي خاصة بيك٠
رانيا ناضت بسرعة: شنو' حاضر٠
صبت رانيا ولبست جاكيت اللي جت بيها ووشاحها وطلعت ماشيا للمكتب شؤون الخدم وهي ماشيا موش فاهمة المكان اللي تمشي فيه مباني نظام عمارات اطوال قرابة ثلاثين دور ولاصقات في بعضهن مالجنب تمشي في ممر زي البلكوني مالدور الثاني ومشت وقت لين اتعبت رقت قريب ثلاث ادوار بعدها وصلت للمكان المطلوب خشت حاسة بخوف طلبوا منها اتقمعز عالكرسي
٠٠: انت رانيا؟
رانيا: نعم٠
٠٠:فهماتك زميلتك شنو المطلوب٠
رانيا: نعم٠
٠٠: أي اخطاء عقابك عسير ٠
رانيا:...
٠٠: انت من سكان القرية الشرقية الي انحرقت ما؟
رانيا ماسكتها العبرة: نعم٠
٠٠: مدينة عائلة الأوركيد متكونة من اربع مناطق شمالية وجنوبية وشرقية وغربية نحن المنطقة الشرقية ومتكونة من سبع شوارع انت الشارع رقم(003) توا يجيبولك جميع مستلزماتك كيفك كيف الخادمات الأخرات تشتغلي من يوم وغادي٠
رانيا: حاضر٠
مدلها الورقة: هذي ورقتك وخوذي دبش الشغل وعدي ابدي اشتغلي٠
رانيا: ااحاضر٠
مشت رانيا بدلت دبشها وصلت الصبح ومشت للشغل بدت تشتغل مع خدم موش عارفتهم مالشارع تشوف فيهم يضاحكوا و جوهم عجبها مع ذلك اتفكر في حياتها اللي تعكرت بعد جا وقت الغدا سمعت حد ينادي ويقول الغداء تعالوا تاكلوا الغداء
شافتهم كلهم يمشوا شور مكان غريب محول عن مكان الشغل فضا المكان ما تمت فيه غير هي لأنها مستغربة الجو
شافتها بنت جتها وقالت: أنت جديدة في الشارع صح؟
رانيا هزت راسها بنعم وهي خايفة
البنت: أنا اسمي وقار وانت شنو اسمك٠
رانيا: اسمي رانيا٠
وقار: تشرفنا' .. نمشوا ناكلوا غدا وتوا نوريك الشارع هذا ونعرفك علي افراد مجموعته٠
مشت رانيا وتغدت جتها وقار
وقار: صحة٠
رانيا :سلمك٠
وقار: تعالي امعاي نسيقوا الدروج اللي ينزلن لوطة وتوا انفهمك
مشت رانيا و كملت مع وقار
خذتها وقار وقمعزن عالدروج
وقار: في شارعنا متعلقين ببعضنا واجد ما حد يسيب حد بس انوريك البنت هاذيك"وصفت شور البنت اللي مع رانيا في الدار"
رانيا: هذي معاي في الدار٠
وقار: افطنيلها هذي بصاصة اسمها مرام اتأيد فالعائلة نحنا انقولوا في حاجات اهانة للعائلة مرة ومرة لكن هي ما تهلبش٠ تسببت في مشاكل واجدات٠
رانيا: اسلوبها حاد٠
وقار: احكيلي' انت منين٠
رانيا سكتت شوي بعدها بدت تبكي بصوت عالي
وقار: آسفة لو انك ما تبيش تحكي عادي٠
لفتت رانيا الأنظار شورها
~♡~♡~♡~♡~♡~♡~♡~♡~
وهذي كانت اول حلقة اتمنى تعجبكم القصة تقبلوا تحياتي😇😍❤
~♡كاتبة القصص المبدعة 👌 Bebe alobaidey ♡~
