♡. جميلٌ ان تكونَ سبباً في اسعاد احدهم .♡
٠
٠
٠
سناء: صح!!! عليش حبسوك٠
عمر: اتهموني بأني رقيت للدور السابع٠
سناء: عليش؟
عمر: ممنوع علينا نرقوا فوق الدور السادس٠
سناء: قصدي ليش اتهموك٠
عمر: جوني من بعيد وقالوها لي يتبلوا٠
سناء😒: عليك حناطة ما تبيش اتقول٠
عمر: انحس في روحي تعبان نبي نمشي نتكي في مكانّا٠ **
الساعة 6:00 مساء مؤيد مع زياد يقرا في كتب
مؤيد: ايش تبي تدير منها قرايتك للكتب٠
زياد: نحاول نستفيد منها بأي طريقة٠
مؤيد: كيف تبي تستفيد منهن في المكان هذا٠
زياد: انديروا بيهن اي حاجة اهم شي ما نقعدوش
جهالة حتى كان طلعنا مالمكان هذا نقعدوا فاهمين٠
وهم قاعدين مع بعضهم خطمت رانيا من قدامهم بسرعة لأنها خايفة من مؤيد
اتكى مؤيد علي ظهره وقال بصوت واطي: الطشة~٠
زياد: شنو٠
مؤيد انقلب يمينه: شي٠**
في الوقت هذا عمر خذ امجد يبي يوريه حاجة للمكان محول عالشارع
امجد: وين ماشيين٠"امجد العمر 22 "
عمر: اس بس خلي الأمر سر٠
خشوا في زنقة معفنة
امجد حط يده علي خشمه: شنو البنه هذي٠
عمر: وطي صوتك وحاول ما تجيبش الأنظار علينا٠
خشوا جوى منها ووصلوا حدها من غادي
امجد: معاش نقدر انتحمل يا عمر فيش اتدير٠
جوا المكان تراب تمى عمر يحول فلتراب٠
امجد: فيش اتدير٠
عمر بحت فيه: اس٠
امجد😑: كنك٠
طلَّع عمر نقال ماللوطى
امجد: شنو هذا٠
عمر: فيش اتحق فيه٠
امجد: ايش تبي فيه منين جبته٠
عمر: نشتغل في طلعتنا من هن٠
امجد: اسسس را يسمعنا واحد٠
عمر: لعند توا ما قلتها للحد غيرك ما نيش واخذا للشارع والمكان هذا موش محول واجد علي شارعنا٠
امجد: كيف حصلته٠
عمر: سرقته٠
امجد:😱😱 ايش٠
عمر:😊: كي ما سمعت٠
امجد: كيف؟
عمر رده تحت التراب وحط عليه كنايس: هيا نردوا توا ونحكيلك كل حاجة٠**
في الشارع جت بنت مالعائلة اسمها أميرة🌟 للمؤيد
اميرة🌟: مؤيد٠"اميرة العمر 14"
مؤيد مع زياد بحت فيها وتخزر
اميرة🌟: كنك مؤيد ما تبيش تبحت في٠
مؤيد:....
زياد بحت في مؤيد ومؤيد بحت فيه
اميرة🌟: مؤيد٠
مؤيد: خطيني٠
اميرة🌟: عليش انا انحبك٠
مؤيد صبا: ماشي اوكي زياد٠
اميرة🌟 لحقاتة : مؤيد٠
مؤيد: اسمعي تلحقيني تشوفي شنو يصير فيك٠
اميرة🌟: حح.. حاضر٠**
ردت اميرة زعلانة جاها حد مالعائلة اسمه
فراس🌟
فراس🌟: زعلك اللي متعلقة بيه٠
اميرة🌟: شن دخلك٠
فراس🌟: اتحبي خادم وانت من ارقى عائلة٠
اميرة🌟: على اساس انك ما تديرش فيهن الحركات هذين٠
فراس🌟: للإستمتاع بس٠
اميرة🌟: لكن انا مؤيد توا نخليه يحبني ويخش في نسب ارقى العائلات٠**
لما ردوا امجد وعمر خذ عمر امجد للداره
عمر: نحكيلك موش حتصدق٠
امجد: احكي٠
عمر: شفت لبسة الخدم المسموح لهم يخشوا دور الآلات معزوقة في دار خادم ما نعرفش خذيتها ورقيت فوق٠
امجد: عليش تاخذ فيها٠
عمر: لما رديت القيته لابس وحدا اخرى٠
امجد: تخيل عرفوك٠
عمر: خيالك موش بعيد مسكوني لكن غيرت الموضوع٠
امجد: كيف؟
عمر: 😌لو انهم مسكوني اني سارق نقال قد يوصل الأمر للإعدام لحسن حظي كان زهير قاعد رديت علي زهير وعبت في العائلة غيروا العذاب والحبس لمدة ساعات بس ونسوا اللي شاكّين في عليها٠
امجد😑: خبيث' لكن كيف حصلت عليه هو بالذات٠
عمر:😒 تقصقص ايش تبي فيه جبته جبته٠
امجد: قول قول٠
عمر: الله غالب' لما رقيت للدور الآلات طلبت من واحد مالحراس يجيبلي نقال لما جابه لي يحسابني نبي نشتغللهم خليته نين مشى وما فيش حد مالخدم مركز معاي درت روحي نبي ناخذ المنديل من جيب دسيته وخذيت المنديل بعدها درت روحي نبي الحمام مشيت نجري في الحمام حطيت النقال فالكندرة٠
امجد: ما فتشوش٠
عمر: طلعت معالخدم الأخرين فتشوا لكن موش مدقين واجد٠**
الساعة 12:00 في الليل مشى مؤيد للداره يبي يرقد في الطريق شاف رانيا وقدامها راجل كبير مالعائلة يهزب فيها وهي مطبسة قدامه
:ما تشوفيش قدامك انت منعمية٠
رانيا ودموعها ينزلن😢: آسف آسفة٠
مؤيد اذكر كلامه في الصبح"كنك ما تشوفيش منعمية انت ولا شنو"
مؤيد قرّب
الراجل مد يده وضرب رانيا كف علي وجها
رانيا صرخت:ااااه٠ وطاحت لوطى
جا مؤيد يجري
مؤيد: يااا٠
دف الراجل مؤيد ومشى
ازّاحت رانيا شور الساس واتكيت عليه سفطت كرعيها وحطت اركبها قدامها حطت ايديها علي وجها واتكيت براسها علي ركبها وتمت تبكي بصوت😭: آسف آسفااا' ماما نبي ماما٠
طبس مؤيد عليها: اا...ان....انت٠
رانيا مسكت فيه: بابا..بابااا نبي باباو ماما٠
مؤيد😳: ش..شنو٠
رانيا: نبي ماما نبي ماما٠
مؤيد قمعز علي اركبه قدامها: يا انت٠
رانيا: باابا٠
مؤيد: نا موش باتك٠
تبحّت فيه رانيا بعيونها الحمر سرح فيها وعرف انها موش واعية حس بنبض غريب اول مرة تسيرله
رانيا: بابا ما تسيبنيش خليك ديما جنبي٠
مؤيد:....٠ سرحان
بعدها رانيا فقدت وعيها ورقدت متكية عالساس
مؤيد: يااا من يا انتي٠
بعد شوي مؤيد: 😏هاه الطشة~٠ مشى كلّم وقار عشان توعي رانيا وتاخذها للدارها
وقار: كنها٠
-----------------------
وهذا ثالث بارت😊💕
بننشر البارت اللي بعده بعد شوي🌹
ما تنسوا تعلقوا👇😁
بدايتها😂 بس نبي حماس😆
