لست بحاجة لأحد فقط انني اريد بقاء والدي بجانبي💖🍃
٠
٠
٠
شاب: هذي من٠
بنت: اول مرة انشوفها٠
الشاب: تي وجعتلي راسي٠
البنت: حرام عليك يا مؤيد٠
مؤيد بصوت عالي: خلاص هيا لو أنك ما تبيش تقعدي هنا روحي للدارك٠
سكتت رانيا وقالت: آسفة لكن اذكرت أني توا نعيش هنا ديما٠
كلهم ايبحتوا فيها
رانيا: أنا من القرية الشرقية إلي انحرقت موش عارفة كم مشا علي يوم الحادثة موش عارفة بابا وماما شنو صار بيهم موش عارفة أنا اصلا وين٠
وقار: سمعت بيهم اللي جو منها لكن عدد ضئيل صح؟
رانيا: لكن من من؟
بنت: خلاص انت انسيها الحادثة وعيشي معانا وغيري جوك ما تخليش روحك ديما تبكي لو في خير ايجيبا الله اضحكي اضحك للدنيا تضحكلك٠
شاب: شوفوا الحكيمة نهى٠😂
نهى: يا حقير😡٠
الجميع:😂😂😂٠
رانيا مسحت دموعها وابتسمت😊
نهى: أنا نهى وهذا السامط رامز٠
وقار: رانيا انعرفك عليهم كلهم ولا ما عندكش جو٠
رانيا : عادي٠
وقار: عرفتك على نفسي أنا وقار انحب انكون اجتماعية وقيادية ماهرة وموش عارفة نظر الناس لي شنو عمري 16 سنة' انت كم عمرك٠
رانيا: 15 سنة٠
وقار: هيا توا بما انا مجتمعين كل واحد ايعرف روحة٠
: قتلك أنا نهى عمري 16سنة هوايتي الجري وما انحبش حد ايتكبر علي٠
: أنا رؤى عمري 14 سنة انحب انكون طيبة وما نحبش تبقى عندي عداوة مع حد٠
: انا رامز عمري16 سنة٠
: أنا زياد عمري18سنة٠
: أنا سناء عمري19سنة٠
: أنا عمر عمري 21سنة٠
: أنا جمانة عمري 15سنة٠
وقار: وهذوم موش كلهم الي مشى ايهزب مؤيد ووفاء و فردوس وامجد وهاشم توا تعرفي عليهم انشاء الله وفي غيرهم تبطلي😅٠
رانيا: ماشاء الله تشرفنا٠
نهى: حتى نحن سعدنا بمعرفتك٠
مشى اليوم ورانيا موش فاهمة واجد في المكان إلي هي فيها لكن حاولت تواري حزنها وتبتسم قدام الجميع٠
تشوف في معاملة الحراس وافراد العائلة للخدم وحاسة أنها توا تبهدل وفي نفس الوقت تشوف فالمباني العاليات والشوارع الضيقات اللي بينهن وموش متريحة للأمر٠
مشت رانيا ورقدت وهلبت اليوم هذا اللي مشا بالغصب٠
اليوم الثاني:-
طلعن في الصبح سناء وصاحباتها شافن عمر وجنبه حارس
عمر: شن تبيني انقوللك٠
الحارس: قول الحق٠
عمر: نا ما نكذبش احترم نفسك٠
عمر مد يده يريد يضربه كف على وجه مسكه حارس اخرى
سناء: عمر لا٠
عمر: حول قتلك حول يدك ٠
الحارس: احترم نفسك وهدي روحك احسن ما يصير اللي ما تمناهش٠
شخص مالعائلة الأوركيد: خلاص٠
صبوا الحراس مستقيم احتراما له: سيد زهير🌟٠
قرب زهير من عمر وهو مكتف مسك ضقن عمر
زهير🌟: من انت٠
عمر: ايش دخلك٠
زهير🌟: عارف كلامك هذا شنو عقوبته٠
عمر: مانحسش في انسان٠
زهير🌟: يا بشري' مازلت تراوغ٠
عمر: بأي صفة تسأل٠
مسك زهير🌟 عمر من رقبته: تسأل بأي صفة هذا يدل على انك جاهل ومانك عارف شي عالعائلة وكونك موش عارفني أنا حتى إللي مالعائلة معاي يحترموا في يبي يجيني خادم كيفك"قاطع كلامة عمر"
عمر: انا موش خادم انتوا اللي تشوفوا في الناس هك لأنكم موش بشر٠
زهير🌟 تعقد وقال بصوت عالي: شيلوا للحبس٠
مسكت سناء يد زهير🌟: لا سامحه ارجوك٠
دف زهير سناء لعند ما طاحت
زهير🌟: مقززه'ما تلمسينيش شخص كيفك ما يصحلهش يتكلم مع انسان كيفي٠
زهير🌟: هيا شيلوه بسرعة هذي عقوبة اللي كيفة٠**
زهير🌟 من اعلى المكانات وزير الشباب لقبيلة الأوركيد عمرة 23 سنة ومن اقرب الاشخاص من عمره يتكلم مع شيخ القبيلة الكبير السيد
رمزي🌟**
ناضت رانيا الساعة 8:00 صلت الصبح ومشت للمكان اللي يجتمعوا فيه قبل الساعة9 شافتهم كلهم متعقدين وجوهم مختلف عن امس خافت ووقفت بعيد شوي عنهم تسمع فيهم كل واحد ايهزب ويعارك
غمضلها عيونها حد
رانيا: من؟
وقار حولت يديها ومسكت ايديها الأثنين من وراها وحطت راسها احذى راس رانيا: وقار يعني من' شخبارك اليوم٠
رانيا: كنا جوهم موش تمام٠
وقار وهي مبتسمة:لا مغير رئيس المجموعة محبوس٠
رانيا: من؟
وقار: عمر٠
رانيا: عليش٠
وقار: ما حد عارف الموضوع كويس لكن هو نادرا ما ينحبس موش من امتاعين المشاكل٠
رانيا: ما فيش حد حاضر الموقف٠
وقار: في بنات جن في الاخير ما فهمنش' وزير الشباب للعائلة زهير🌟 لما يجي للمنطقة يبدا يحبس في الخدم وخلاص ٠
بحتت رانيا في سناء وهي تبكي: هذي من٠
وقار: قصدك سناء عمر يكون خالها٠
رانيا: لكن هو شاب كيفها صح؟
وقار: اها٠
رانيا: انا تعرفت عليهم لكن ما حفظتهمش٠
وقار: توا تاخذي ع الوضع ٠
مشى الوقت وهم يراجوا في عمر وبدا يقوم كل حد فواجبه خطمت رانيا شايلة سطل فيه صابون وميه وكان في جانب الشارع الضيق راقد مؤيد وهي مخطمة ازلحقت طاحت على مؤيد وعباتة مية ناض مؤيد : ااااااااوي شنو كنك ما تشوفيش منعمية انت ولا شنو٠
قمعزت رانيا وهي خايفة تشوف في مؤيد وماسكتها العبرة: آسفة٠
مؤيد: بعد ايش اسفة ايش اتديرلي هذي٠
حطت ايديها علي عيونها وبدت تبكي بصوت: اها اها😭😭' ماما نبي ماما٠
تما يبحت فيها باستغراب انها تبكي كي الاطفال
جتها نهى
نهى: كنها يامؤيد٠
