جبروت ...امراءه

اللقاء الاول

استيقظت حياة من نومها وقامت من السرير و بدلت ملابسها الي البدله رسميه ونزلة الي الاسفل
الداده عائشه: صباح الخير يا حياة يا بنتي
حياة: صباح النور ياداده عملتيلي النسكفيه يا حبيبتي
عائشه: ايوه يا حياة جاهز والاكل كمان جاهز بس يا بنتي ممكن اكلمك في موضوع
حياة وهي تجلس على المائده: اعدي طيب يا داده و كلي و قولي الموضوع اللي انتي عيزاني فيه
عائشه وهي تجلس: انا بقول يا حياة روحي اعدي مع نوران و مي واسراء
حياة: انتِ زهقتي مني ولا ايه يا داده
عائشه: لا طبعا يا حبيبتي بس انا مش عجباني اعدتك لوحدك دي
حياة: ومين قالك اني اعده لوحدي اومال انتي ايه دا انتي اللي مربياني
عائشه: بردو مينعش انتي كده يعتبر اعده لوحدك انا كبرت و مسيري هموت
حياة: لو سمحتي يا ماما متقوليش كلمت موت دي تاني انتي عارفه اني بكرها
عائشه: طيب حتى هتيهم يعدوا معاكي
حياة: خلاص يا ماما اقفلي على الموضوع ده انا مش هروح اعد معاهم ولا هما هيجوا يعدوا معايا ماشي
عائشه: بس ....
قاطعتها حياة وهي تقبل جبينها و تقوم: ربنا يخليكي ليا يا امي يا حبيبتي وميحرمنيش منك يلا بقا انا هروح الشركه سلام
عائشه: سلام يا بنتي
خرجت حياة وتوجهت الي الشركه
حياة قبل ان تدخل مكتبها توجهت الي السكرتيره
حياة: صباح الخير يا شوشو عامله ايه
شيماء: الحمد لله يا حياة انتي اللي عامله ايه
حياة: تمام الحمد لله ماشي الحال
شيماء: حياة نوران بتقولك متنسيش في كمان ساعتين اجتماع مع شركة السيوفي
حياة: ماشي ابعتيلي نوران والاتنين التانين على مكتبي
شيماء: حاضر
دخلت حياة الي مكتبها الي ان فتح الباب من دون طرق
نوران وهي تدخل: عايزه ايه يا بت
حياة: ايه يا بت دي اتعدلي يا بت انتي
اسراء: خلاص خلاص انتي هتتحولي ولا ايه بتهزر معاكي
حياة بامر: الهزار ده برا الشركه هنا شغل وبس فاهمين
مي: خلاص فاهمين يا ست حياة
نوران: شيماء قالت ان انتي عيزانا
حياة: ايوه عيزاكوا انا عايزه ملف الصفقه الجديده
اسراء: اللي مع شركة السيوفي
حياة: ايوه
مي وهي تعطيها الملف: انا و نوران كنا متوقعين انك هتطلبيه مننا
حياة: كويس انكوا عارفين صحيح هو مين اللي بيدير الشركه دي
نوران: واحد اسمه عمر السيوفي و المفرود ابوه احمد السيوفي هو اللي مأسسها بس ادى المسؤليه لابنوا عمر
حياة: انتي قلتي اسم ابوه ايه
نوران: احمد السيوفي
حياة: احمد السيوفي امممم والله لو طلع اللي بفكر فيه لخليه يشوف النجوم في عز الطهر
مي: هو ايه اللي بتفكري فيه
حياة: هتعرفي بعدين
ثم اجرت اتصال
حياة: الو يا رحمه تعليلي حالاً في مكتبي
رحمه: حاضر ثواني وهكون قدامك
حياة: ماشي ثم اغلقت الخط
اسراء: حياة هو اللي افتكرتوا ده صح ده يبقا نهار اسود لو اللي بفكر فيه صح
نوران: هو ايه حد فيكوا انتو الاتنين يفهمنا
اسراء:ركزوا في الاسم شويه و انتوا هتعرفوا
نوران: اسم اني واحد عمر و لا احمد السيوفي
مي : احمد السيوفي
اسراء ايوه
نوران: ايوه ايوه عرفت
مي: و انا كمان عرفت والله ووقعت تحت ايد حياة يا احمد يا سيوفي
سمعوا طرق على الباب
حياة ادخلي يا رحمه
رحمه : سلام عليكم
الكل: وعليكم السلام
رحمه في ايه يا حياة خضتيني
حياة: بصي يا رحمه انا عايزه كل المعلومات عن احمد السيوفي صاحب شركة السيوفي للحديد و الصلب و عايزه صورتوا نص ساعه ساعه بالكتير و تكون كل المعلومات عندي
رحمه: حاضر يا حياة
ثم خرجت
حياة: و انتوا كمان روحوا شوفوا وراكوا ايه و انا هروح المكتب علشان اللواء عايزنا
مي: طيب بس ما تتأخريش على الاجتماع
حياة: ماشي
ثم خرجوا وخرجت حياة ايضا
!!!!!!!!!!!!!!!!!!!!!!!!!!!!!!!!!!!!
في مبنى العمليات الخاصه
دخلت حياة المكتب وجدت الفريق جميعه موجود
حياة: ايه انتو هنا من بدري
ادم:لا لسه جايين
حياة: ماشي يلا بينا سيادة اللواء عايزنا
جاسر: حاضر يلا بينا
عند اللواء سعد
حياة: صباح الخير يا سيادة اللواء حضرتك عايزنا
سعد: ايوه اعدوا علشان اقول ليكم المهمه الجديده
معتز: مهمة ايه يا فندم
سعد: في واحد اسموا احمد السيوفي انتي تعرفيه يا حياة اكيد
حياة وعيناها تطلقان شرار:ايوه اعرفوا عز المعرفه
سعد: طيب هو هيحول كميت مخدرات و اسلحه لناس اجانب و احنا عايزين نقبض عليه و اكيد فرقه اسود الليل هيعرفوا يقبضوا عليه
ادم: و احنا هنبقا قد الثقه دي
جاسر: بس البضاعه هتتحول امتى
سعد: بعد شهر
حياة: و انا اكيد هقبض عليه و هو بيسلم البضاعه و مش هسيبه يفلت مني المره دي مش زي كل مره المرادي انا همضي مع شركته عقد و بالعقد ده انا هدمروا
سعد: انا كمان رشحتكوا مش علشان انتو بس احسن فرقه لا علشان تاخدي انتقامك كمان منوا
معتز: ما تفهمونا حاجه بدل ما احنا مش فهمين كده
حياة بغموض و نظرات حارقه: هتعرفوا كل حاجه بس مش دلوقتي
ادم: والله انا خايف من النظرات دي علشان عارف ان اخرتها وحشه
حياة: بس مش ليا ل احمد السيوفي
////////////////////////////////////////////////
في شركه السيوفي
دخل ماهر على عمر
عمر: في ايه يا ماهر مش في باب تخبط عليه
ماهر: خلاص يا عم مش اول مره
عمر: طيب انجز عايز ايه
ماهر: بعد ساعه بالظبط في اجتماع مع شركه المنشاوي الهندسيه
عمر: مش دي اكبر شركه عالميه
ماهر : ايوه الشركه دي تحت ادارة واحده اسمها حياة المنشاوي هي اللي اسستها من تمن سنين
عمر: ليه هي البتاعه دي عمرها كام
ماهر: حياة هانم عمرها 26 سنه و بطل تريقه علشان دي اصغر امراءت اعمال و معروف عنها الجبروت و البرود و كرهها للرجاله
عمر: شعور متبادل والله تلاقيها مش بتفهم في حاجه اصلا
ماهر: ابوس ايدك ما تعملش كده قدامها دي ضابط و ممكن تودينا في ستين داهيه دا غير ان معاها رحمه الشناوي اكبر محاميه و مريم الرفاعي ملقبه بي وحش الانتر نت و بتعرف تخترك الشبكات و توقع الاسهم ف احنا بنتعامل مع ناس مش سهله ف مش عايزين الحركات البايخه اللي بتعملها مع اي واحده بتعمل معاها صفقه ونبي يا شيخ
عمر: هههه تصدق ضحكتني كلهم بنات و زي ما انت بتقول كده ههه على اساس اني هخاف و انا بردوا عمر السيوفي ولا انت نسيت
ماهر: ما نستش بس انت ما تعرفش الشركه اللي بتقف قدامها بتدمر
عمر: خلاص خلاص مش عايز اعرف حاجه تاني يلا بينا فاضل نص ساعه علبال ما نروح
ماهر: ماشي
ثم خرجوا متجهين الي شركة المنشاوي
/////////////////////////////////////////////////////
عند حياة في الشركه
دخلت عليها شيماء تخبرها ان الاجتماع قد حان موعده وضعت الملف على مكتبها و هي تتوعد بالانتقام وخرجت
ذهبت عند باب غرفة الاجتماع رات اسراء و مي و نوران واقفات ينتظرونها
حياة: هما جم
مي: ايوه و موجودين جوه
حياة: طيب يلا ندخل ثم دخلت هي اولا و ثلاثتهم ورائها يدعون ان ينتهي الاجتماع على خير
حياة وهي تجلس: صباح الخير
الكل ما عدا عمر: صباح النور
ماهر وهو يسلم على حياة: اهلا بحضرتك حياة هانم انا ماهر الدمنهوري صديق عمر و مدير اعماله
حياة: اهلا بيك
عمر بهمس ل ماهر: مش كنت تقول ان احنا هنشتغل مع راجل مش بنت
حياة وقد سمعته لانها لديها حاسة سمع قوية: راجل بس احسن منك مليون مره وياريت تحترم نفسك بدل ما تشوف وشي الثاني
عمر بسخريه: هتعملي ايه يعني اخرك هتضربيني على كتفي
حياة: اصلك ما جربتش الضربه بتاعتي مش ضربه على الكتف
كاد عمر ان يرد الا ان ماهر كان اسرع في الرد
ماهر: ايه يا جماعه احنا جاين في شغل مش خناقه يلا نمضي العقود
نوران: ماهر بيه معاه حق يا حياة
ماهر: لوسمحتي من غير بيه دي ماهر بس
نوران: ماشي
عمر وهو يوقع العقد ويهمس في اذن ماهر: حسابك معايا لما اروح الشركه
حياة ل اسراء: كان يوم مهبب يوم ما جأت الصفقه دي ده انتو هتتروقوا بس اما نروح
مضت حياة العقد
عمر: مش عارف ازاي انا هستحمل البني ادمه دي
حياة بعصبيه استطاعت اخفائها وراء البرود: انا اللي مش عارفة ازاي هقدر اشوف واحد مستفز زيك كل يوم
مي بهمس ل حياة: معلش يا حياة استحملي شويه
ماهر: طيب احنا مشين دلوقتي و بكرا ان شاء الله هنيجي
حياة : ماشي اتفضلوا مع السلامه
/////////////////////////////////////////////
في مكتب حياة
حياة: لولا ان عمر ده المسؤل عن الشركه و هيبقا جزء من انتقامي لولا اني سكتلوا و مقمتش ضربتوا
نوران: معلش يا حبيبتي استحملي
اسراء: هتعملي معاهم ايه
حياة: احمد السيوفي ده فعلا بقا تحت رحمتي خصوصاً بقا ان انا المسؤله عن قضيتوا
مي: قضيت ايه دي
حياة: تهريب مخدرات و اسلحه فعلا ربنا بيحبني علشان كده وقعوا في طريقي
نوران: يبقا نقول عليه يا رحمن با رحيم صح
حياة: صح
//////////////////////////////////////////////
عند عمر
ماهر: ايه اللي انت عملتوا ده يا بني ادم ده كويس انها مقامتش ضربتك
عمر: حتت بت زي دي تضربني انا ده ولا في احلامها
ماهر : ما انت معاك حق انت متعرفش عنها حاجه
عمر: ومش عايز اعرف انا ناوي اوريها النجوم في عز الطهر
ماهر: والله انا شاكك انها هي اللي هتورينا النجوم في عز الطهر
عمر بثقه: هنشوف
/////////////////////////////////////////////////////////////////////////////////////////////
ده كان اول بارت من روايتي الجديده ان شاء الله تعجبكم و اسفه على الاخطاء الاملائيه