جبروت ...امراءه

خيانه

اوصلت حياة عمر و ذهبت الي المقابر
حياة وهي تجلس على امام قبر:كلهم واقفين ضدي مفيش غير ادم و ماهر اللي كنت بتحبه و اصحابي هما اللي واقفين معايا في كل حاجه بس عارف يا بابا الحاجه الوحيده اللي مش عارفه انا بعملها صح ولا غلط اني حبيت عمر ثم اكملت و هي تبكي:حتى تيته وقفت ضدي في القرار ده عارف يا بابا النهارده الحكم في قضية احمد اللي موتك انا و ادم مردناش نموتوا زي ما تيته كانت عايزه انا كنت بعمل كل حاجه علشان اوقع احمد و بعدها اتجوزت ابنو علشان اوقعه و اخليه يحبني بس في الاخر انا حبيته انا مش بنكر ان انا شايفه نظرت الحب اللي في عين عمر نظره صادقه بس بردوا انا خايفه اول مره اخاف في حياتي لا و كمان خايفه من حكم النهارده الحكم اللي هيحدد انا و ادم اخدنا حقق ولا لا و والله يا بابا لو الحكم طلع اعدام هرج حياة اللي انت بتحبها الطفله المرح اللي بتضحك على طول و بترسم الضحكه على وش كل اللي حواليها و هدي فرصه لعمر و لقلبي انو يتحكم فيا بس لو انا غلط في حاجه سامحني انا اسفه دي اول مره اعيط فيها من بعد ما مت انا كنت على طول عديمة الاحساس بس وعد مني ليك يا حبيبي لهرجع زي ما كنت بس بجد انا دلوقتي تايه مش عارفه انا صح ولا لا ساعدي انا بجد محتاجه لحضنك محتاجه لوجودك جنبي
احست حياة بيد توضع على كتفها التفت و جددت ادم
ادم وهو يساعدها على الوقوف:انا جنبك يا حياة و عمري ما هسيبك اللي انتي بتعمليه ده صح لو مكنش صح انا مكنتش و قفت جنبك انا لسه معاكي و عمر و ماهر و اصحابك كلنا معاكي مش هنسيبك و بعدين مش انتي بتحبيني خلاص اعتبريني انا بابا الله يرحمه
حياة وهي تحضنه:ربنا يخليك ليا يا ادم انت اللي فضلت معايا و مش سبتني زيهم انا بحبك اووووي متبعدش عني يا ادم انا بجد ضعيفه الوش اللي قدام الناس ده مش حقيقي محدش يعرف اللي جوايا انا بجد مش هقدر اخد صدمه تاني ولا هقدر على انك تسبني
ادم :و انا عمري ما هسيبك ثم ابتعد عنها و قال بمرح:يا سيدي على الناس اللي هتروح رحله و ناس هتفضل هنا في شغل و وجع دماغ
حياة وهي تضحك و تمس دموعها:الله اكبر هنبتدي قر بقا اسكت و انت عينك مدوره و مقوره كده
ادم بضحك:هههههههه انا عيني مدوره و مقوره يا حياة
حياة:ايوه
ادم وهو يبعثر شعرها:طيب يلا بقا خلينا نروح المحكمه
حياة بتذمر وهي ترتب شعرها:اووووووف بهدلت ليا شعري ...... هنروح نجيب عمر الاول
ادم:Ok
ركبوا سيارة حياة و توجهوا الي عمر
حياة وهي تدخل الفيلا بسرعه:يلا يا عمر علشان منتأخرش
عمر وهو يقف:حاضر بس هو فاضل اد ايه
حياة:ساعه الا ربع و من هنا للمحكمه هناخد ربع ساعه
ادم وهو يدخل:انتو لسه هترغوا يلا بسرعه
حياة وهي تمسك يد عمر:خلاص جايين اهو
ركبوا سيارة حياة مره اخرى و توجهوا الي المحكمه

تسريع الاحداث بعد ساعتين
خرجت حياة من المحكمه و خلفها فريقها و عمر وهي في قمت السعاده
حياة بسعادة و هي تمسك يد ادم:خلاص يا ادم جبنا حق بابا اخيرا
ادم:معاكي حق يا حياة في فعلا انتي لا يستهان بيكي
حياة وقد انتبهت على عمر:احم انا اسفه يا عمر نسيت انك واقف و انو مهما كان ابوك
عمر:لا هو مبقاش يفرق معايا اصلا
ادم وهو يضع يده على  كتفه:معلش يا عمر انا عارف ان احمد اخر واحد في عيلتك بس احنا مش هنسيبك اعتبرنا عيلتك ماشي
عمر:ماشي
حياة:ادم خد بالك انت و المجانين التانين من الشركه في غيابي و نوران و اسراء ومي هما مديري الاعمال علشان تبقا عارف
ادم:تمام يا فندم اي اوامر تانيه
حياة بضحك:لا كده كفايه
معتز:هو انتو هتروحوا فين
عمر:شرم الشيخ
جاسر:انا جاي معاكوا
حياة:نعم مش سمعت
معتز:احنا هنيجي معاكم
عمر:لا معلش الرحله دي خاصه
ادم:الله يسهلوا
حياة:بلاش افكارك الشمال دي
ادم وهو يتصنع البرائه:ده انا بريئ حتى
حياة:يالا ده انا عرفاك اللي ربا خير من اللي اشترى
جاسر:و بعدين هو خد الانحراف من مين يعني
معتز:اكيد منك يا حياة
عمر بهمك سمعته حياة:اومال ليه الانحراف ده مش بيحصل معايا ولا هو كلام وبس
حياة وهي تهمس له:لا مش كلام
عمر:واضح
حياة:طيب يلا احنا بقا يا عمر
عمر:يلا يا حياتي
!!!!!!!!!!!!!!!!!!!!!!!!!!!!!!
في مكان اخر
مجهول 1:بقا هيسافروا انا هدفعك الثمن غالي يا عمر والله ما مخليه الرحله دي تعدي على خير بس ايه هي اكتر حاجه بتكرها حياة
مجهول 2:الخيانه بتكرها جدا ده حتى في مره سمعت حياة بتقولوا لو خانها يعتبر ان حياة دي مكنتش موجوده في حياته اصلا
مجهول 1:بقا كده طيب كده تمام اووووي يا رندا شكرا على مساعدتك يا حبيبتي
رندا:على ايه يا اختي ده واجبي طالما انك اتجرحتي بسببه يبقا يستحق اللي بنعمله فيه
مجهول 1:ماشي يا رندا روحي الفيلا دلوقتي علشان ميحسوش بحاجه
رندا:حاضر
مجهول 1:والله لاندمك يا عمر وهخلي اللي انت بتحبها تبعد عنك
!!!!!!!!!!!!!!!!!!!!!!!!!!!!!!!!!!!!!!!!!!!!!
في اليوم التاني عند حياة وعمر
تجهزوا و نزلوا وركبوا في سيارة عمر لم يحدث اي شئ جديد سوا حياة التي اصبحت مثل الطفله في تصرفاتها المجنونه و اخذت الابتسامه طريقها الي وجهها من جديد