Part 3
الكاتبه زينب الغزي ..
احداث بين .٢٠٠٦ ،٢٠٠٧
نهايه ال٦ بدايه ال٧ ..
اني عمري بين ١٣ ،١٤ ..ب صف الاول متوسط ....
...كعدتني امي الصبح وكلتلي كعدي نروح لبيت خالتج سمر اني تفاجئت ..شنو السبب شعدنه من ٩ رايحين .. وابويه ويانه المهم بدلت .....وطلعنه البيت خالتي سمر ... وشفناهم والعجايز وحد والشابات ك العاده ..ورجعنه بليل ردت اروح انام
بس بقت امي واوبوي كاعدين ...وشفت امي تبجي ..ردت اروح انام ....بس امي تبجي ضجت ..
رحت اريد اسالهه واشوفهه تحضر غراض ابوي ركضت الامي
اسيل هاماما شكو ليش تحضرين غراض بابا ...فدوة ماما لاتخلي يسافر ...
الام..منى. لاماما هوه عد شغل فتره ويرجع ....
اسيل ضليت ابجي ... لان ابوي يروح ويعوفنه ..انقهرت كلش ...
وسافر بابا ..💔كلش متعلقه ب ابوي
ثاني يوم اجتي خالتي سمر ...
وداليا وزهور ..
اني ابجي وهنه يسكتن بيه ..
داليا ...يله حبيبتي لاتبجين انشالله يرجع ...
اسيل ...سكتت
وبده الدوام ... وره شهر ..صار عدنه عادي تعودنه نعيش وحدنه شوي شوي ...
درست وواجتهدت بدراستي ..وبين فتره وفتره داليا تجيبلي اخبار زيد يسلم عليج وبس مجرد شونهه وهيج ..
زيد اني ب صف الثالث ..
اخوي انور شرطي ..خطب بت خالتي ..عن حب علاقتهم تخبل ... صارت الخطوبه وتمت ع خير .. وقررو موعد الزواج بعد شهرين
وصارت حفله جبيره ..التمينه واني فرحان انشالله يوم الالي اني وياج اسو.
بس بعد الخطوبه بشهرين واحنه نحضر لزواجه
كالولنه ابنكم استشهد
استشهد اخوي
ضليت مصدوم شبيكم عريس ...وامي تدك وتلطم ..
بعد ماجنه محضرين لعرسه وفرحانين
انهد حيلنه اتاذينه كلشش ..راح الزين راح الغالي ..الفاتحه بدت واني ثالث ووزاري شلون ...ورة الفاتحه ب فتره رجعت للدوام ... الحياه لازم تمشي صح صعبه .. بس الحمدالله ..على كل حال
اسيل سمعت ب خبر موت اخو زيد انور
اتاذيت كلش وفوك سفر بابه ..نوب مات انور صارت حياتنه كلهه بجي ....
... هاي الاحداث ب ٢٠٠٧
ضلينه ب الفاتحه وبجي ... وخطيبته تبجي وحضرت الفاتحه بس تنوح ..
مره مده طويله ع وفاة انور استلمت نتيجتي ونجحت ...وانتضرت نتيجه زيد لان هوه ثالث ..ووزاري ووفاه اخو اكيد اثرت عليه ..
بس ..قررنه نسافر الايران حته نشوف بابا صار النه سنه مشايفي .. ومشتاقيله ...
اجتمعنه ببيت جدو وجانت اخر جمعه النه ...قبل السفر .. واخذنه صور ذكرى ب كامره وودعت البنات ...
ورحنه ال ايران ...وتاخرنه اجه خالي ويانه من راد يرجع دزيت هدايه ورسايل لزوزو ودودو .. وسمعت ب زيد ناجح فرحت هواي
وضليته فتره ٣ اشهر تونسنه ... وي بابا ..اجه النه هوة ب الخارج بس يصير لقائنه ب ايران الى ان ياخذ الجنسيه ... ويسحبنه ... بس ماصارت ..وبقينه فتره طويله ب ايران وصارت علينه ضرائب ف لهذا السبب رجعنه تهريب للعراق ... اتدهورت احوالنه ... ورجعنه للعراق كلنه وابوي جان ويانه ... واجوي البنات شكد جنت مشتاقتلهم .... هواي ٣ اشهر افارك الناس الي احبهم ..
....
داليا ... والله مشتاقتلج اسو شخبارج بعد كلبي ..
زوزو ..ليش هيج تفاركينه والله شتاقيتلج
اسيل والله اني هم مشتاقتلجن ..هواي
والله ضوجه بدونجن ... شخبار زيزو ...
داليا ...يا زيزو متعذب بلياج ...
اسيل ..اوف ولاكدرت انساه عود صال هواي ماعرف عنه اي خبر ...
داليا ... هوة هم دوم يسولف بيج .....من نجتمع بس
...فراك اخوو هد حيله يله الله كريم ...
.....💛
اسيل ..اوف بنات تدرون ..شنو كلت البابا ...
؟؟؟؟
تتوقعون راح يوافق البابا على طلب اسيل ..زين هوة شنو الطلب ؟؟
لهنا وكافي ..اعتذر عن التاخير ب الكتابه بسبب ضروف اعوضكم ع الثالث ..😉
ودمتم سالمين ..💛
#زينب الغزي
أنت تقرأ
سيجمعنا القدر🖤الكاتبة زينب الغزي
Ngẫu nhiênزيزو &اسو القصة الجديده قصة واقعية ..... مؤثرة ابطال القصة زيد &اسيل ...... القصة قصيره نوعا ما زيزو واسو نشر .....soon 😉🖤 للكاتبة :زينب الغزي
