كل شخص فعالمنا عندو مشاكل أو ظروف كل شخص فعالمنا عان من الخيانة....مشي ضروري يكون حبيب ولكن أي شخص آخر...لكن شنو غدي يوقع إلى بسباب خيانة تفرقو ناس....مشي مدة شهر أو حتا شهرين...مشي عام ولا حتا عماين...15سنة
القصة كتحكي على فراق دام 15سنة...أه 15سنة...
جالسة فمكتبها كالعادة حاطة رجل فوق رجن ستيلو بين صباعها كتلعب بيه و عينيها الخضرين على الوراق لي قدامها كتقراهوم بدقة و تمعن حرف بحرف و مرة مرة كترجع خصلات شعرها الذهبية و را وذنيها....سمعات صوت منبه هاتفها معلن عن وصول وقت خروجها زولات نظاراتها و رجعات براسها لور كتكسل بتعب...ناضت جمعات لوازمها و هزات معاها الملفات تعاود مراجعتهم فالدار...تاجهات ناحيت الباب حاطة يديها على البواني حتا كيتحل بقوة...ضاربها اليديها...عقدات حجبانها عارفة شكون غدي يدخل...وشكون من غيرو.....ثاني مصدر إزعاج فحياتها... حل الباب مدخل راسو من الباب كيطل عليها مخرج لسانو. ...و عنيه كيطلعو و ينزلو فلباسها المقزب و الأنيق فنفس الوقت...صفر بإعجاب ما على بالوش بالعنين لي مخنزرين فيه....هز راسو فيها عاض على شفايفو بطريقة مثيرة:نهار على نهار كتزيدي تزياني...هز عينيه فعنيها لقاها مخنزرة..فهم راسو:أحم أحم قصدت خدمتك كتزيد تزيان هي رمقاتو بنظرات جدية مربعة يديها و صوت طالون كيتسمعو طرقاتو فالأرض:ممكن تحيد من طريقي حيد من طريقها ماد يديه تتفضلي....دازت من حداه متاجها لباب الرئيسية تمشي فحالها و هوا تابعها من اللور....جوولين جووولين....تلفتات عندو هازة حاجبها:مالك ؟ هو:يالاه نوصلك جبدات مفاتح سيارتها مقرباهوم بين عينيه و عطاتو بظهرها ماشية فحالها...مخلياه فبلاصتو عاقد غوباشتو كيحك فراسو....تاجهات لسيارتها منطالقة لمنزلها مركزة فطريقها...هزات راسها لسما بانت ليها طائرة صغيرة باينة فيها نازلة خلاتها تبسم لا إراديا....
#في مكان آخر و بضبط فميني فيلا فحي راقي صووت الموسيقة الصاخبة مسموع من الشارع...منباعت من إحدا غرفها....غرفة بمجرد ما دخل ليها يجيك فبالك غير عزري عايش فيها....جدرانها مطليين باللون الرمادي الفاتح معلقين عليهوم مجموعة من الأقراص القدام و صور لبعض فرق الروك العالميين و تيشورتات مسنيين حتا هومة معلقين...هدشي كيدل على أن صاحب هاد الغرفة مكيفلت حتا صهرة من صهرات فرق الروك و مختلف المغنيين....فيها مكتب عامر بالكتوبة من مواضيع مختالفة و لكن باينة فيهوم عمرهم تحلو...حداه محفظة مرمية بعشوائية و فأنحاء الغرفة قطع دزي مدرسي كلا حاجة و فين مرمية....و دابة وصلنا لعند الشخص لي كالس فوق سرير مربع رجليه حاط عليهوم حاسوب متحكم فيه بيد...و اليد الثانية هازة تيليفون....و صوت غناء مريب بكلمات ممفهومينش ماشي معا لموسيقة....مشي لي مطلوقة فالغرفة و إنما معا الكاسك لي حاط فوق راسو.... فجأة تحل الباب بقوة..منتابهاتش ليه .....:آنسة رانية...آنسة رانيية.....و قفات قدامها الخدامة مزولالها الكاسك كتنهج....هزات راسها فيها بتقالة عاقدة حجبانها:مالك الخدامة(كترجع النفس):مدااام جولين وصلات.....معا سماعها لهاد الإسم وجها مشا منو لون...... يتبع حبيباتي
جولين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
