#امراة لا يكسرها رجل

البارت الاول ❤

القصــة بعنوان (#امراه_لايڪسرها_رجل) . .اتمنــى الكم متابعــه ممتعه للجميــع. .💜

#امراة_لايڪسرها_رجل

البارت_1

الــى كل انثــى
اياك ان تكوني تلك الانثى السهله والضعيفه التي يمتلكها الجميع بسهوله
بلكوني تلك الانثئ القوية التي يحلم كل شخص الاقتراب منها ..😊💜

السلام عليكم اني اسمي مياسين من محافظة بغداد عمري 25 خريجه بس قصتــي باايام الجامعــة عدي ثنين اخوان خوات بس اني واختي يعني 2 ولد و2 بنات ابوي مدرس لغة عربي وامي مخلصه ثالــث متوسط وجدي بطلها من الدراسه ابوي كاله رجعي بس هيه كالته تزيد عليه المسئولية ان شاء ﷲ اوصــل جهالنه وابوي قتنــع وتركها ع راحتها. .
موصفاتي طولي 160 وسط مربربه بس مو كلش 😂 وجهي حنطاوي مدور عيوني عسلي ع بابا وباقي ملامحي ع امي حياتنه بسيطه حالتنه الماديه الحمد ﷲ زينه مارح احجيلكم عن نفسي او شخصيتي بس من خلال القصــة راح تعرفون. ..

ام مياسين: مياسه نرجس كومن يلا راح تتأخرن ع جامعــة

مياسين: اووف بعدني نعسانه ..يلا كايمين

ام مياسين: بساع يلا مو ترجعن تنامن. ..

مياسين: لا ولج نرجس كومي راح ننتأخر. .

نرجس: ايي كايمه ..

مياسين: يلا بسرعه راح يجي السايق نرجس اختي الصغيره يعني بزر الكعده. .بدلت وتوجهت للمطبخ. ..صباح الخيرر. .

ابو مياسين: صباح النور

ام مياسين: صباح النور يلا تعاي كعدي اختج خلصت .

مياسين: ايي تجي وراي رحت بست ايده وراسه بابا احبك يااحلى بابا ..

ابو مياسين: اني هم احبج يلعمرر. .وبنيتي. .

مياسين: طبعا اني مدللةة ابوي ونرجس مدللة ماما رحت بست ايد ماما وراسه. .

ام مياسين: ﷲ يحفظج بنيتي وينور دربج. .

مياسين: احبج يااحلى ماما. .رحت كعدت دخلت نرجس

نرجس: صباح الخيرر. .

الكل: صباح النور

نرجس: رحت بست ايد بابا وماما ..وكعدت بصف مياسه اكلج.

مياسين: كولي ..

نرجس: باجر عدنه سفره كلتي الى ابوي. .

مياسين: لا منا الباجر ﷲ كريم. .

نرجس: مو تنسين. .

مياسين: لا ماانسى دخل اخوي علي وحسين

علي: صباح الخيرر

حسين: صباح الخيرر. .

الكل: صباح النور

مياسين: رحوو باسوو ايد امي ابوي متعودين كلن هيج نروح ونجي نبوس اديهم علي هو اخوي الجبير اكبر واحد وحسين وراح واني بعدهم ونرجس اصغر شي ابوي هو الي سمأ علي وحسين ماما واني بابا ونرجس امي علي خريج محامي عمره 29 سنه شخصيته قويه وكله تهأبه لهسه مامزوج امي تريد تزوجه هو يكلها لابعد وكت لمن الكه الي تناسبني ..

حسين اخوي صدلاني بعده يدرس لان عايد عمره 26 يشبه ابوي نرجس عمرها 24 لان اجت وراي بسنه تدرس وياي بنفس الجامعه ونفس القسم لان ثنينه نفس المعدل طلعنه ..

مياسين: جاي نتريك صاح بابا

ابو مياسين: اجه سايق كومن يلا

مياسين: ايي جاين كبل طفرنه رحت لبست عباية واخت الملازم والجنطه نلبس عباية لان امي علوية شروكيه من البصره ابوي كرايبهم بس من بعد شافها بفاتحه وعشكها واخذها امي انسانه مؤمنه متمسكه بالدين للذالك علمتنه ع كلشي ولبستنه عباية وحجاب تكول هذني ستر المره ..ولج نرجس يلا. .

نرجس: جايه طلعي يلا مشي. .

مياسين: طلعنه وكفنه علي. .

علي: هاجن هاي فلوس ..

مياسين: فديتك حبيبي بس بابا انطانه. .

علي: واذا اخاف تحتاجن. .

مياسين: تسلمي حبيبي يلا باي. .طلعنه صعدنه بالكية خط هو صباح الخير. .

الكل بالكية: صباح النور. .

مياسين: اني مكاني بلاخير يم صديقتي مهى. .

مهى: هلا ولج حيوانه مشتاقتلج. .

مياسين: غبت يومين اشتاقيتيلي. .اخاف عدج شي. .معقوله. .

مهى: اكلي خرا وانجبي هو صوجي اكلج مشتاقتلج ..

مياسين: انجبي اني هم مشتاقتلج ..تعاي خل احظنج

مياسين: طالعه صاكه اليوم شكو تشوفين حبيب الروح. .

مهى: ايي شعدي غيره قابل مثلج سنتين وماكبلتي

مياسين: مو كتلج لاتجيبين هلا سيره الحب عفته الجن ..

مهى: ابقي هيج راسج يابس وعزيزة نفس. .

مياسين: ابردلي راس. .

مهى: ابقي تدرين هاي نورس ام حلك الاعوج كبلت وي حسام ..

مياسين: واذا ﷲ يسعدهم. .

مهى: امداج كم مره صارحج وانتي تصدي وعده سياره اخر موديل وتالي اخذته نورس ام فج. .

مياسين: واذا حبيبتي السيارة والفلوس ماتجيب السعادة ولاالحب كم يوم ويشمرها مثل القبلها اني صعبه اريد الصعب والي يكدر للساني مو مايع وعده سيارة وصلتج وكافي اسكتي. .

مهى: صوجي اتعب الساني. .

مياسين: اكيد صوجج وصلنه ونزلنه ع جامعة شفت مجديه رحت انطيتها فلوس. .

مجديه: ﷲ يحفظج وينور دربج بنتي. .

مياسين: تسلمين خاله رحت دخلت لكيتهم داخلين محاضره السلام عليكم. .

الكل: وعليكم السلام. .

الاستاذ: وعليكم السلام ليش متاخره مياسه ..

مياسين: ازدحامات استاذ. .

الاستاذ: اوك دخلي ..

مياسين: شكرا استاذ دخلت كعدت شرح النه كتبت المهم وطلعت تلكاني مصطفى. زميلي وياي. .