باقه ورد

#باقه ورد # الجزء الرابع

ازيك يا نعمه والولاد عملين ايه هما فين مش سامع صوتهم قالها حمزه لزوجته وهو محمل بالاشياء

الله يسلمك يا حمزه فاتن وأسماء كانوا بيلعبوا وناموا مفيش غير شريف اللي لسه صاحي رضعته وهو قاعد علي السرير ايه الحاجات دي كلها

ضحكً حمزه قائلا رزق يا نعمه وجه اقوله لاء

هزت نعمه راسها في غضب وهي تقول عمر الحرام ما كان رزق يا حمزه الحمدلله ماكنه الخياطه مكفيه مصاريفنا خالي فلوسك لنفسكً والحاجات دي مش لزمانه

يووووهً علي ام النكد انتي فقريه يا بت اومال اسمك نعمه ازااي ثم دي فلوس حلال كامل بيه طلب مني شغلانه عملتها وقبضني بعدها

وهو كامل بيه بتاعك ده بيجي من وراه خير ما هو معاك علي تربيزه القمار كل يوم يعني مش في الجامع

تنهد حمزه قائلا استغفر الله العظيم

ابتسمت نعمه قائله هتستغفر علي ايه ولا ايه ربنا يهديك لنفسك وولادي ملكش دعوه بيهم انا هربيهم واعلمهم بفلوس الخياطه دي

اعملي اللي يريحك انا هاكل وادخل انام شويه عندي شغل بالليل

انصرفت من امامه وقد تعودت منه علي ذالك طيله سنين زواجها
حتي يائست منه ولكنها تدعي له في صلاتها بالهداية
****************************
رساله
******
قدرت تبعد السنين دي كلها عني مكنتش اعرف ان قلبك بقي قاسي كده انا عمري ما نسيتك لحظه
وحشتني اوووي يا فادي يا تري عامل ايه وشكلك اتغير ولا لسه زي ما انت عاوزه اسالك علي حاجات كتير اوووي وفيه كلام كتير جوايا بس متلخبطه المهم اول ما تقرأ الجواب ده ابعتلي الرد لو سمحت هستناه وقولي هترجع امتي بحبك اووي اوعي تكون نستني يا فادي يا تري لسه فاكرني ولا خلاص نسيتني
هبعتلك الرساله دي وعارفه انك هتقراها بكره اعمل اي حاجه علشان رسالتك توصلني بسرعه
حبيبتك وفاء
***************************
اختك دي اتجننت يا رأفت عاوزه تدخلنا السجن كلنا قالها كامل وهو يصرخ في وجهه حتي ايمان احمر وجهها واخذت تقول بكلام غير مفهوم وكأن عقلها ذهب منها بعيدا ولكنها ضحكت في النهايه فنظر لها رأفت وكامل في تعجب

الي ان قالت مش هتقدر تعمل حاجه هتخاف علي نفسها سيبوها محدش يكلمها وهو عندي خطه اقدر بيها اسكتها

ظل الاندهاش علي وجوههم فقال كامل في فضول واضح طب قولي يا ايمان سكته ليه

وضعت قدم علي اخري وقالت مش شغلكم بكره تعرفوا انا هعمل ايه
********************************
خرجت سهير من غرفتها وتركت احمد نائما وبجواره ورد ارادت ان تساعد وفاء قليلا في اعمال القصر خاصه بعدما كبرت كريمه المربيه والخادمة الامينه لهم والتي اسكنها احمد في غرفه جميله ملتصقة بالقصر أعطي لها الاهتمام والحب والرعاية

شعر احمد بشيء يمشي علي وجهه وهو نائم فتح عينيه فوجد يد ورد علي خده نظر اليها فوجدها تضحك وعيناها لا تفارق عيناه ابتسم هو الاخر لها وتحدث معها وكأنها تفهم قائلا شوفي بقي يا ست ورده انا مش ابوكي ولا سهير امك بس ربنا يعلم احنا بنحبك اد ايه وهتفضلي معانا ومش هنسيبك ابدا بس نفسي الاقي يحيي واشوفه واحضنه عارفه انا هتخلي عن عشرين سنه من عمري علشان اشوفه تخيلي يعني بكره ان شاء الله هشوفك عروسه قدامي تخيلي وبدل ما عمري اربعين هيبقي ستين انا مستعد أبيع عمري كله بس اشوف يحيي محدش السر ده غيري انا وانتي وعمك حسن صحبي شوفتي بقي بحبك اد ايه
انا خلاص قررت هدخل الاوضه النهارده بالليل وهسافر دمعت عين ورد وهي تنظر الي احمد وكأنها تقول خلي بالك من نفسك
قبلها احمد واحتضنها بقوه وهو يقول ..........الحكمه