باقه ورد

#باقه ورد# الجزء الرابع عشر

ايه يا احمد مالك ساكت ليه كدده من ساعه لما جيت قالها فادي وهو جالس معه في حديقه القصر
تنهد احمد قبل ان يقول
تعبان يا فادي مش عارف اخواتي عملوا معايا كده ليه لو كانوا عاوزين فلوس مكنتش هتاخر عليهم بالعكس طول عمري واقف جنبهم

اغلق فادي عينيه وهو يقول معلش يا احمد مهما كان أخواتك بس ايه موضوع الكتاب ده ان سمعت كلام عنه بس مش قادر اصدق دي حاجات كنا بنسمعها في كتاب الف ليله وليله بس معقول يكون حقيقي

هز احمد رأسه وهًو بنظر له قائلا
كل كلمه في الكتاب ده حقيقي يا فادي ده كنز ميتقدرش بمال الدنيا

اندهش فادي لما سمع ثم قال في فضول انا مش قادر اصدق اللي بسمعه ده يا احمد

صدق يا فادي اللي بقوله وزي ما اخواتي عملوا كده الكتاب ده هو اللي هيظهر الحقيقه مهما طالت والبركة في ورد هي اللي طلعت بيها من الدنيا وبكره الأيام تسبتلك كلامي قالها احمد وهو ينهض ليستعد للصلاه

منزل حمزه

اقترب شريف من والدته التي تقف في حجرتها ترتب أغراضها دون ان يتكلم نظرت له في حنان وعطف واقتربت هي الأخرى بجواره ثم قالت هامسه

مالك يا شريف يني

كانت ملامحه شارده علي غير عاده كان يود ان يتكلم مع احد حتي يخرج ما في قلبه يريد الحقيقه بدأ يشك في نفسه هل هو يحيي بالفعل ام لا
ابتسم في وجهها وقال في ذكاء

عاوز أسالك عل حاجه يا أمي هي من فتره كبيره بس أكيد انت منستيهاش

وضعت يدها عل كتفه وهي تقول قول يا بني

نظر لها شريف محاولا ان يرتب ما يقوله ثم ما لبث ان قال

لما اتولدت ابويا جايلك طفل صغير خلاه عندك يوم اتنين أسبوع يا تري ده حصل

فزعت أمه لما سمعت ثم قالت في سرعه متناهيه مين اللي قالك الموضوع ده

امسك يديها وهو يقول مش مهم مين اللي قالي المهم حصل ولا لاء

ايوه يا بني حصل لقيت أبوك داخل عليا وبيقولي خدي ردي الولد ده أمه ماتت وهي بتولده وابوه مسافر انا كنت حاسه انه بيكدب بس فعلا اخدته ورضعته وفضل معايا تلات أيام وبعد كده ابوك قالي ان عمه عاوزه سبته ودموعي عل خدي كان شكله حلو اووي زي القمر وابيض وشعره طويل وناعم تشوفه تقول عليه بنت

تنفس شريف ثم قال طب متعرفيش اخدوه فين يا امي

نظرت اليه وقالت والله يا بني ما اعرف وكل ما اسأل ابوك عليه يقولي سافر مع عمه وعايش بره

ادرك شريف  ان كلام أمه صحيح فهو لم يتعود منها الكذب شعر بالراحه وأنه يسير في الاتجاه الصحيح لمعرفه سر يحيي
فقد بدائت تظهر معالم الخيوط

**************^^*^*******

منزل حسن
٠٠٠٠٠٠٠٠٠

فاتح بصراحه بقى ابويا قاعد يزن عليها قالها يوسف وهو ينظر الي صديقه ليقول فاتح في استهتار
خلاص جوزني أختك

يتغير لون يوسف مما يسمع ثم قال في غضب
فاتح مفيش هزار في الحاجات دي اختي لاء

يرفع فاتح حاجبه وهو يجذب يوسف اليه قائلا

انت بترفضني يا يوسف آش حال مكناش أصحاب تعز عليا أختك ثم انا عاوزها في الحلال

ينزع يوسف يد فاتح من عليه ويقول في غصب معدش ناقص غيرك يا امرتجي تتجوز اختي

يضحك فاتح وهو ينظر اليه في شر قائلا

اسم الله عليك ياللي بتبيع سبح

هو انت فاكر نفسك عدل اوووي ولا هتعمل ظابط عليا فوووق يا يوسف

لما بتردد يوسف لحظه وهو يشير بسبابته في اتجاه الباب قائلا

امشي اطلع بره يا فاتح ومش عاوز اشوف وشك تاني

يصرخ فاتح في وجهه قائلا

هي حصلت بتطردني طب وحياه ابوك لهتجوزها غصب عنك وعنها وهتشوف يا يوسف

ثم يهم بالخروج لكن قبل ذالك اسمعه يوسف بعض الكلمات التي زادت من غضبه حين قال

ابقى قرب منها يا فاتح صدقني هقتلك

منزل رافت
٠٠٠٠٠٠٠٠

البنت اللي اسمها ورد دي مش هتجبها البر قالتها إيمان وهي تسير ذهابا  وإيابا في غرفتها
حاول رأفت ان يهدأ من روعها حين قال

اهدي بس كل حاجه هتبقى كويسه دول شويه عيال

نهرته بقوه وهي تقول

المصائب والمفاجآت مش بتيجي غير من العيال الصغيره يا سي رأفت عملت عصابه وفيها مين نوح وعلاء ابنك ويوسف ابن وفاء وشريف ابن حمزه وهي وأخوها حتي بت ابوها كان بيلعب قمار عايشه في عز عمرها ما تحلم بيه بتعمل كل ده ليه هااا وايه كمان الخدامه اللي كانت لتربي اخوها هي كمان نيلتها بسبب فاتح الزفت ابن اخوك كامل دول وصلوا لحاجات ممكن تودينا في ستين داهيه

نهض رأفت من مكانه وقد ظهر الخوف عليه ثم قال في استسلام طب والعمل يا إيمان

صرخت في وجهه وهي تقول انت بتسالني لازم نتجمع كلنا فورااا ونشوف حل في المصيبه. دي بسرعه زي ما هما بيفكروا لازم احنا كمان نفكر ولو حصلت نقتل ورد ونرتاح

زادت نبضات قلب رأفت لما سمع ثم قال قتل لاء يا إيمان كفايه ام شحته هنقتل تاني

اقتربت منه بشده وهي تحاول ان تقنعه بما تقول بأسلوبها الشيطاني وهي تقول

احنا كده كده هنروح في مصيبه لو ورد عاشت هي اللي معاها كل حاجه دلوقت وقربت توصل للسر وكمان هي اللي هتورث بالورق الرسمي اللي معاها ومش بعيد اخوك يكتبلها كل حاجه وكل السنين اللي فاتت دي تروح بلاش انا شايفه انها تتجوز حد من ولادنا او ولاد اخوك كامل وبعد كده نخلص منها ساعتها كل حاجه تبقي في أيدينا

اقتنع رأفت بما تقول واخذ يدور حول نفسه لثواني ثم قال طب فكره الجواز دي ممكن فعلا وخصوصا ان نوح ابن كامل بيحبها ومن زمان اووي وهو بصراحه ولد كويس

ضحكت إيمان وهي تقول هتفضل اهبل وعبيط نوح مينفعش لان حبه هيحميها لازم واحد تاني من الولاد او حد نثق فيه جدددا المهم اتصل بكامل وحسن و.....خلينا نشوف هنعمل ايه