عند نورا
نورا : قعمز باهي بيبي ساوي روحك
ايوب:اااه صحيتي
نورا:عيب شن هالكلام هي افتح فمك أكيد عييت من ماكلة المستشفيات طيبتلك وجبتلك اليوم من الحوش
ايوب:اااوه دوقينا ترا
أيوب:نورا بجد بجد من وين ليك هالفلوس
نورا:بصراحة درت حاجة ووحلت فيها مش حنبينلك أكثر من هكي لاكن رانا وصلنا في اية يا أيوب
أيوب:(شرق وقعد يكح)أية مالقيتي إلا اية من بين كل العباد مالقيتي إلا اية مزال نقربوها حنى تعرفي هالمرة إلي تديره بجد بجد نستاهلو ونص
نورا:خلاص به واصلا مش خاطر عليها تدير شيء كان تبي تدير راهي دارت طول
أيوب:وشن إلي مخليك واثقة ومتأكدة من كلامك هكي
نورا:اليوم عرسها
ايوب:(في قلبه)ربي يسعدك ويوفقك ويهنيك يا يويو وآلله إنتي مافي منك وتستاهلي الخير نعمة واللهي نعمة من ربي كنتي عندي ورفستها انى برجلياا
نورا:أيوب أيوب خيرك سكتت أيوب ايوب باهي على الأقل كمل اكلك ايووب تي حيي عليا حيي
وطلعت تخبط وتنادي في الدكاترة
الدكتور:البقية في حياتك يا آنسة المريض توفى
نورا: تي غير كيف كيف تي كيف قلتو فاق من الغيبوبة وأخيرا تي كيف صار
الدكتور:الوفاة نتيجة صدمة يا آنسة
نورا:😭😭😭😭😭😭😭😭وووه عليا أيوب وووه عليا
عند إبراهيم
إبراهيم:السلام عليكم في حالة خشت توا حادث في جهة طريق الشط
الممرضة:مهند قصدك صح اي تفضل حجرة 208
إبراهيم:احمد احمد كيف صار
احمد:شوفة عينك وآلله
إبراهيم:تي مهند راكز وواعي وسواقته الحق مشاء الله تي كيف صار
احمد:مكتوبله مكتوبله أية وين
إبراهيم:حطيتها في الحوش ومقتلها شيء
قبل العرس بلحظات
مهند:😭😭😭😭ياربي أية اختي الغالية و حبيبتي و ابلتي و كل شيء في حياتي كيف بنعيش بعيد عليها وكيف بيكون الحوش من غير صوتها😭😭😭ااااه ياربي اااه 😢😢
وفجأة
غريب:الو الإسعاف في حادث مروري في طريق الشط
عند أية
أية:اااه راسي كيف رقدت انى ،حي الساعة 1 ااه عظامي مدقدقات وهذاكا مزال مجاش وقلبي مزال غامني
خدت الفون وشافت حسابات مهند ونفس الشيء مش فاتح رمت الفون وخشت الحمام
إبراهيم:أهلين أية
أية :😑😑
إبراهيم:خيره وجهك ولا نوم
أية:😒
إبراهيم:غدوة طيارتنا ال8 واتية ماتبي شيء
أية:نبي سكوتك وتصبح على خير
أية:هييي وين وين خاش
إبراهيم:للدار بنرقدو خيرك
أية:ها هاا ارقد في الصالون تحرك
إبراهيم:تدوي رسمي
أية :رسمي الرسمي
وطربقت الباب وخشت
إبراهيم:هو هووو علينا عليك قصة اوف
طوط طووط طووط
أية:الو
شهد:هلأ يويو شو بيك
أية:مخنوقة😢وقلبي مغموم حطني وتلف هذآ وين جي
شهد:أكيد عندو شيء حبيبتي ماتنسي اول ما دخل للصالة كان بيضحك معك و كل شيء منيح
أية:أي والله حق
شهد:اي خلاص طيب غسلي وجهك وروحي شوفيه يلا
أية:اوكى
وطلعت مشت للصالون لقاته راقد قعدت تتأمل في وجهه وتلعب بشعرته ولحيته لن فاق
إبراهيم:يويو خيرك حبيبتي
أية:نوض نوض هاك اشرب وكول هالسندوتش
إبراهيم:صحيتي حبيبتي
وباسها على رأسها 😗
أية:احكيلي خيرك غلاتو شن جاك
إبراهيم:اااه واللهي صاحب يا يويو وغالي علينا هلبا دار حادث خطير بكل
أية:ياروحيي وين داره
إبراهيم:في طريق الشط
أية:ووووه أخطر مكان ربي ينوضه سالم مسكين
إبراهيم:اي وآلله
أية:هيما ملاحظتش أن مهند مختفي حتى لما طلعنا ملمحتاش
إبراهيم:لا قاعد قاعد شفته غير جاه تليفون بس
أية:باهي إبراهيم أنى قلبي ناخصني ره
إبراهيم:إستهدي بالله بس مافي كان لخير
أية:باهي نوض نوض خش للدار
إبراهيم:شنو رضيتي علينا 😘
أية :😅😅نوووض مبردك يلا
طوط طووط طووط
إبراهيم:من متصل بيك هالوقت
أية:منعرفش رقم؛اسمع انت سامسونج عطيني ترا الكاشف
حطت أية الرقم وطلع نورا
إبراهيم:مني
أية:وحدة نعرفها
إبراهيم:باهي ردي
أية:لامش وقتها خش للدار خلي بنغسل الطاسة ونرتب الصالون البعيدة قعدت فيها 10 دقائق وهكي درت مالا كان بتت ليلة شنو
إبراهيم:😂😂😂😙😙
خشت أية للمطبخ وبعدين رجعت تضم في الصالون وصوت رسالة جتها
الرسالة:السلام عليكم أية الف الف مبروك بمناسبة الزواج ربي يتمملك كل شيء على خير نبي نقولك راهو أيوب عطاك عمره والسبب صدمة قال الدكتور توفى وانى نقوله أن اليوم عرسك يا اية
أية قرت الرسالة وعيونها دمعو تلقائيآ وترحمت عليه
إبراهيم:خيرك عطلتي
أية:لاشيء على خير
وطفت الاضواء وعطاته بظهرها ورقدت
اليوم التاني
صباح:مهند مهند ولدي تسمع فيا
مهند:يو يويو سافرت إنشاء الله غير مقلتولهاش
صباح:متخافش مسمعتش كان هذآ والله ما تسافرها
مهند:اااه أمي ساويلي المخده
في الطيارة
إبراهيم:خيرك ساكتة من لما ركبنا
أية:مستغربة معقولة هنووش ميودعنيش مستحيل
إبراهيم:اكيدةمناضش عاد انتي الي تنوضي فيه قبل
أية:😂😂يابارد
أية:(في قلبها )مستحيل مستحيل ميودعنيش وقلبي إلي غامني من أمس اااه ياربي
إبراهيم:أية اية
أية:شنووو
إبراهيم:فاش سرحتي ساعة يسألو فيك شن تشربي
أية:اميه مصقعة ❄بس
إبراهيم:امس خيرك رقدتي متضايقة وطول الليل تهلوسي
أية:لأ شيء
إبراهيم:هااا مش عليا ره
أية:تي ياودي ولد معاي يقرأ توفى بس
إبراهيم:اهاا آلله يرحمه
عند شهد
شهد:وآلله وبأيتي وحدك ياشهد يويو تزوجت وراحت مع زوجها و جويل وطلع ناقص ومانو رجال
ودرست سيارتها ونزلت
شهد:مهند لو سمحتي إلي عمل الحادث بأي غرفة
الممرضة:تفضلي حجرة 208
طق طق طقطق
صباح:أهلين بنيتي عاش من شافك
شهد:خالتو على سلامتو لمهند مايشوف شر يا رب
صباح:سلمك جابك ربي خليك جنبه بنمشي شوية للحوش
شهد:اي ماعندي مشكلة خالتو روحي الله معك رح ابقى معو لاتخافي
وقعمزت تلعب بفونها
مهند:اميي أمي
شهد:مهند أمك راحت على البيت
مهند:انتي شهد
شهد:اي 😄
مهند:ممكن اميه لو سمحتي
شهد:أي تكرم عينك
وشربته الميه والجربوع على قولة امه😂😂مركز في عيونها الخضر وشعرها القهوي الفاتح💛
تحشمت شهد ونزلت راسها وضحكت ضحكة عفويةة
وعيون مهند قلووب قلوب😍😍
في المطار
إبراهيم:قعمزي لبال جبت الشناطي وكملت الإجراءات
أية:اوكى
وقعدت تشوف في الناس وتتأمل
أية:اللله كداش هالولد نسخة من ايوب الشعر الاحمر واللحية المرسومة والشنابات والحواجب المقرونات
ربي يرحمه ويغفر له ويسامحه وخلاص
جي إبراهيم وطلعو من المطار وتدهورو ووصلو للفندق
بدلت أية حوايجها لبست قفطان قصير لونه اسود
ودارت ميك آب خفيف وشعرها شداته بشدادة وخلت شوية خصلات على وجهها
وطلعت لقت إبراهيم جايب عشاء
إبراهيم:تهبل مرتي
تحشمت أية وقعدو يهدرزو وياكلو وبعدين قامها وخشو لدارهم وبدت الحفلة💞💞.....خلاااص تحشمو خلوهم في حالهم 😉
تفاعلكم للبارت الجاي ❤🍃
