في الحوش
مهند:يام كلميلي ترا أية وعطيهالي
صباح:به
طوط طووط طووط
أية:الو
صباح:أهلين بنيتي شن اخبارك وكيف حال راجلك
أية:آلله يسلمك صبوحة في خيار الخير
صباح:دوم عليك هناك يانيتي هي هاكي ها خوك يبيك
مهند:عروستنا الحلوة
أية:تي برا يامعفن زعلانة منك لا ريتك وانى طالعة من الصالة ولا ودعتني في المطار مش عيب عليك هكي يديرو الناس
مهند:أهدي شوية أهدي درت حادث في حفلتك أنى وامس بس طلعت ومخليتهمش يقولولك
أية:وووووه😨😨😨😨غبارة تي كيييف صار
وحكالها مهند القصة وعاتبت إبراهيم كيف مقاللهاش
مهند:المهم المهم توا عندي ليك موضوع 😍
أية:تفضل🤔
مهند:واللهي من خلال ذكائي وتجاربي وخبرتي الواسعة وطريقة استنتاجي وربطي للأحداث طبعا وقدرتي الفائقة في تحليل الأمور أيضا اااه عطشت راجي منشرب
وخدى شرب و أية هذآ كله ع الخط
مهند:ايواا وين كنت نسيت يلا مش مشكلة نعاود قتلك من خلال ذكائي
أية:مهنددد😡😡😡
مهند:باهي ياودي باهي بنتزوز
أية :😂😂😂😂😂😂😂😂😂ههههههههههاااي وووه عليا جنابي بنشخ ههههههووااااااييي شنو شنو بتدير
مهند:(وشاذ ضحكته بالسيف)بنتزوز قتلك
أية:😂😂😂😂😂😂ومن هيا مكبوبة السعد هاذي
مهند:........
أية :هي برا برا راجلي جي خلي نشوفه هي سلم عليها امي
مهند:يوصل تشاو👋❤
أية:هيما وين كنت
إبراهيم:نزلت قعمزت في القهوة ودورت هكي وين نمشو اليوم
أية:اهاا به أنى نبي نشرب حاجة دافية☕ نحسبك
إبراهيم:إلي بيدير الخير ميشاورش 😘
عند مهند
مهند:صبااح صبوحة
صباح:(تتكلم في الفون)أي أي والله ما نعرف
مهند:ينخص فيها اميي يا أمي
صباح:يعطيك دي معش تنخصني مش عليك مش عليك كملي
مهند:ياامي سكري نبيك
صباح:لاشيء شيء الحصلة مهند هذآ متدوريشي كملي
مهند :صبوووحةة🕪🕪
صباح:هي هي مالا بالسلامة خلي نشوفه هالدعية شن يبي سلمك سلمك اياه معنديش فيه جميل سل سل سلمك سلمي عليهم حتى انتي سلمك سلمك
مهند:😒😒😒
صباح:يوصل يوصل لا الحمد لله اليوم كلمتنا سلمك يوصل يوصل هي نشوفوك على خير
وسكرت الفون
مهند:روووورررررووولللي
صباح:تفضل هي أتحفنا بقها هالجوهرة
مهند:بنتزوج
صباح:رورورورورولليشش واخير ياولدي وعندك ولا ندورلك
مهند:لأ صحيتي متعبيش روحك عندي
صباح:مني به
مهند:اللبنانية شهد صاحبة اية
صباح:واللهي شن بنقولك البنت مشاء الله عليها ومارينا منها شيء ولاسمعنا عمرنا عليها حاجة لاكن خلي نسأل نورية جارتنا على عيلتها اكثر
مهند:متقوليليش نورية الي ديما دجينا
صباح:اي هيا
مهند:😂😂😂😂هالعزوزة مافي حد متعرفاش تي السجل المدني كله عندها واخيرآ بنطلعو منها بفائدة
صباح:تحشم على وجهك المرأة كبيرة ومعارفها هلبا
مهند:تي غير باهي باهي تميلي موضوعي بسرعة معش بنراجي ره
صباح:باهي نوض نوض وقت على المعهد نوض
وقف مهند وباس رأسها
مهند:منورة صبوحة فعلا فعلا عرف يختار المرحوم
صباح: 😒😒هيا هيا سقدني اطلع كان بتطلع
عند أية
إبراهيم:هيا وينك وقت علينا
أية:هيا هيا طالعة
وطلعو يوم كامل يتدهورو ويضحكو ويلعبو وجوهم بسم آلله مشاء الله
في المعهد
مهند:تي وين ياغالي استاحشناك
معتز:(صاحبه الروح بالروح)تي أنت إلي معاد تدور
مهند:تي اسكت اسكت وهات البشارة
معتز:😒😒
مهند:مبخلك الزح المهم بنكمل نص ديني
معتز:أنت غير كمل النص الأول
مهند:😒😒العيب مش فيك
ودار روحه زعل وناض وقف لحقه
معتز: تي تعال تعال يا رأس نتسهوكو عليك
مهند:😒😒هي تحرك تحرك نشربو قهوة
معتز:على حساب صبوحة
مهند:تلعب معاك في الكورة ياكلب
عند نورا
نورا:حتى إلي حبيته بصدق وحاربت وعاديت الكل على خاطره مات شن هالحظ إلي عندي
بنت خالتها:خوي يبيك من زمان وإنتي تعاندي بدون سبب وافقي توا وديري حياة على روحك بدل الإكتأب إلي راكبك كلهم شافو روحهم وارتاحو إلا إنتي
نورا:زعما😔
بنت خالتها:زعما ونص يابنتي ميحتاجش الموضوع كثرة تفكير
نورا:معناها على الضالين آمين
عند أية
مقعمزين في الحوش يتعشو
ابراهيم:ترا هاتي شيشة المشروب يويو
أية "😕😕
إبراهيم :يويو يويو وين سرحتي
أية:هنووش قال بيتزوج
إبراهيم:مشاء آلله مشاء الله الولد كبر
أية:أي والله حق كبر وبيتزوج هنوود
إبراهيم:من بياخد
أية:شهد صاحبتي
إبراهيم:اللبنانية
أية:وفي غيرها
إبراهيم:من قلة بنات الليبيين
أية:شن قصدك 😒
إبراهيم:شيء شيء ربي يهني
أية:😒😒
إبراهيم:سعيد بسعيدة
أية: 😂😂😂😂😂حسبي آلله ونعم الوكيل
عند مهند
كان ماشي وفجأة لمح سيارة شهد مدرسة قدام السوبرماركت
بخ 10 لتر صنة وساوا هذاك الشعر ونزل
وشافها
مهند:اووه شن هالصدفة الحلوة
شهد:اووه ياهلا كيفك وكيفا لخالتو صباح إنشاء الله منيحا
مهند:منيحا منيحا😁😁
شهد:بدك شيء انا خلصت
مهند:شهد شن عندك توا
شهد:ولاشيء رايحا للبيت
مهند:ممكن نشربو قهوة
شهد:😊😊
مهند:يلا يلا نبيك في موضوع
شهد:رح لاحقك بسيارتي
مهند:يلا😍
وطلعو ورأ بعض ووصلو للمقهى
مهند:تفضلي قعمزي
شهد:😊😊
مهند:علاش تجري هكي سواقتك معقولة مش ثابتة بكل
شهد:😊هيك تعودت
مهند:هذاكا في لبنان مش هنى في الطرق المهبكة المهم المهم جبتك بصراحة نبيك في موضوع وخليك واضحة وصريحة معاي من الأول
شهد:اهاا😄
مهند:بصراحة يابنت خشيتي خاطري ويشهد عليا آلله حبيتك ونبيك بالحلال وشرع ربي وقلت لأمي أما بعد ماقتلها حسيت روحي تسرعت قلت بالك البنت مرتبطة ولا حاجة فقلت نقعمز معاك اليوم ونحكيلك بش ماتجيش أمي وتحشمك وكان طلع عندك حد نعرف كيف نتصرف مع أمي بش متجيش وتحشمك فهمتي
شهد:لالا😊ماعندي حدا تفضلو بأي وقت 😄
مهند:قصدك موافقة عليا
شهد:مهند خلااص بستحي
مهند:أي بيأبرني الخجلان 😂😂
وطلب مهند موخيتو و آيس رول من محلنا المفضل إلي شاهد على كل أحداثنا توستر💙
عند أية
أية :هيما كم لينا متزوجين
إبراهيم:تتسهوكي أسبوعين خيرك
أية:ااه به
إبراهيم:خيرك
أية:لاشيء
إبراهيم:يويو خيرك حبيبتي
أية:عندي ألم غريب ونفسي الصبح تلعي على غير عادة
وحتى كل صبح لازم نستفرغ
إبراهيم:يويو لايكون إلي في بالي باهي وهذيكا شنو
أية:منعرفش مزال وقتها هيأ لاكن مسرع هيما شن درنا حنى
إبراهيم:عادي يويو خيرك يصير ره
أية:اااه منعرفش منعرفش عطيني عطيني نشرب
إبراهيم:بوسيني قبل
أية : 😒😒
إبراهيم:😂😂😂😂صحة وهنا حبيبتي 😙
في الحوش
صباح:جيت مهند
مهند:لالا مزلت في الطريق
صباح:😒😒سكر الباب كويس كانك خلاص معش طالع
مهند:حاضر 💛
وسكر الباب وخش قولي شن درت اليوم
مهند:قعمزت اليوم مع شهد هدرزنا وشفت اميتها وين تصب
صباح:ربي يكتب إلي فيه الخير
مهند:مفيش عشاء
صباح:في في غير اصبر شوية
مهند :باه شن هوا هوا
صباح:شعيرية
مهند:الله الله❤❤
وطبعا اليوم عرس نورا
عند أية
أية:هيماا ياهيما حامل ياهيما حامل
إبراهيم:مبروك عليا ياناس مبروك عليا
أية:😒😒أنى الحامل مش أنت
إبراهيم :😂😂😂😂😂😂😂
