نزلت اكول البابا وافقت اروح
رانيه/امي وين ابويه
ام رانيه/بالحديقه
رانيه/رحتله شفته كاعد ومهموم ضهره منكسر من الهم بابا اني قبلت اروح فصليه
الاب/ بابا شنو تحجين بكيفج اني مااقبل
رانيه/بابا عمي هلولد عده وشفت اني وجع سن متحملته شون هوه حيتحمل يشوف ابنه كبال عينه ينكتل ومابيده يسوي شي
الاب/واني شون اتحمل اشوف ترحين وانتي هلوحيده عدي
رانيه/بابا اني اول وتالي ازوج واذا على دراستي ميخالف قابله الله يعوضني بالاحسن وازوج واجيبلك جهال بدالي وتحبهم اكثر مني بابا حباب خل اروح اني بنتك وقويه واروح واشوفهم منو احنه وشنو
الاب/بابا والله احبج ومااكدر بلياج (ويبجي)
رانيه/بابا اني هم احبك بس اذا تبجي هسه شون اقوه اني بس بضحكتك اقوه مسحت دموع ابويه الغاليه بأيدي
الاب/بنتي لح اخليج ترحين مو لان همه طلبو ولا علمود اخويه لان انتي الي وافقتي واريدج رايحه برضاج واي شي يسوولج اي ضربه اي اهانه راسن شيلين هدومج وتجين عليه فتهمتي
رانيه/طبعا اجي عليك انته منقذي الشجاع وبسته من راسه وكمت
رانيه/ماما اني وافقت اروح فصليه وباجر حيدوزن خبر الهم
ام رانيه/وهيه وتبجي اي ماما ادري شفتج وسمعتج انتي وابوج يمه جنت احلم باليوم الي اشوفج بيه لابسه البدله البيضه
رانيه/بيها خير يمه وهسه اريد منج بدال بدله توديني عروس يعني باجر توديني للصالون زين
ام رانيه/غير تدللين روحي نامي ورتاحي
رانيه /تصبحين على خير يمه وبستها وصعدت طبعا اني صحيح حجيت هيج وكأنو واثقه بس والله كلبي مكسور ودمعه واكفه بعيني شون لح اروح واطلع من هلبيت بس كل شي وبي خير وما خاب من قال يارب
نرجع الاكرم
اكرم/طبعا من يوم الي لزمت ايدي بيه رانيه واني كلبي مكاعد بمكانه واعيونه ليساعها بعيوني حته موتت اخويه نسيتها بس من رجعت للبيت نسيت رانيه جيت لكيت امي كعدت بحضنها وابوس بيها كمت رحت على ابويه كعدت ابوس بيه وخذتهم كلهم بالدور ابوس بيهم وصلت يم الباب جان اشوف نعال كبالي كلت بكلبي هذا هم يريد ابوسه😹
لبسته للنعال صعدت لغرفتي ونمت محسيت الا ثاني يوم الصبح على هوسه
ها يمه هاي شكو
الام/يمه لح يجيبون البنيه فصليه اليوم الضهر
اكرم/شنووووو شيجيبوها ختولي مااوصلها ولا اريدها بس جيبوها اذبحها
الاب/سمعه لك معليك انته تجي وغصبن عليك اخوك مات واقتعنت هذا حكم الله وانته اعرفك ميطب براسك عشك وحب وتزوج وهاي جتي مرتك وغصبن ماعليك اسمع كلامي وشوف شون تجيك مره
اكرم /ماشي ابويه بس شهرين وطلكها
الاب/هاي اذا ماحبيتها
اكرم/لو يعدموني مااحبها
الاب/نتراهن
اكرم/اي
الاب/اذا شهرين محبيتها وطلكتها براحتك لان محبيتها بس اذا حبيتها وعشكتها مااخليك توصللها وطلكها قبول
اكرم /وبكل ثقه قبول
نرجع ل رانيه
رانيه/كعدت واليوم هوه اليوم الموعود كعدت من 9 صبح ومالي خلك امي اخذتني للصالون
حفتلي واني بس اعيط من الالم😹مال حف وكملنه وخذتني وما خلت شي ومايعتب عليها ششوف كبالها تاخذه يمكن صار جهاز مال اربع عرايس😹 وفوك هذا كله رجعنه للبيت لزمتني سوتلي جسمي كله والعياط بفلس ونص مااتحمل الم حته من اسوي ايدي يعني بالايام عاديه تطلع طكع خضره وبنفسجيه😹واضحك على نفسي اكول مجبوره ياعمي المهم كملنه تقريبا ساعه بلوحده الضهر كلشي كملنه وبدلت لبست ثوب زيتوني طويل صاير شلون هذا موديل مال جتف يطلع ينزل لازم اني صعدته شون اطلع جتفي😹وحذاء زيتوني كعب علمود اطول وشال لفيته تركي وظافري طوال حلوات صبغتهن جوزي فاتح مايل للزيتوني وحطيت مكياج وطلعت الا بشده نزلت شافني ابويه تخبل
أنت تقرأ
فصليه حبيتها مو بيدي
Misterio / Suspensoقصه تتكلم عن فتاه في لحضه تصبح فصليه لشاب الذي احبته في الجامعه وتبدأ الصدف
