فصليه حبيتها مو بيدي

حبيتها مو بيدي بارت 10

رانيه:نزلت جوه وسويت ريوك ويه سها كعدو كلهم ونزل اكرم كعد بصفي وكلسع يتقرب يمي ...اكرم شبيك دااكل
اكرم:اي بالج بس يم بطنج
احمد:شكاعد تتبسبون
اكرم:معليك سوالف متزوجين
رانيه :اكرم 😡
احمد:اي هسه اصير من المتزوجين وعلمني سوالفك
سها:مسكتون عاد سوالف متزوجين وما متزوجين اكرم صدك باجر دوام واخيراا حروح للكليه ويه رانيه واحمد ناقصنه بس انته
اكرم:اي اجي ليش لا
احمد:اي مو رايحين للزياره وانته جاي
اكرم:وشنو لمضوجك ويه مرتي رايح شدخلك انته
رانيه: كافي نروح كلنه بس سكتو..وكملنه اكل وغسلت ماعين وكلش متحمسه للدوام اجاني نشاط مو طبيعي وحماس بحيث نظفت بيت كله من فوك.ليجوه وسوينه غده وتغدينه وهم نظفت شوي وتعبت صارت ب 3 ضهر نعست رحت صعدت للغرفه لكيت اكرم نايم شعجب نام الضهر طبيت سبحت ولبست دشداشه قصيره للركبه وعريضه حتى ارتاح بلنومه هسه وين انام بلكاع لو ع جربايه اممم
اكرم:جنت غافي وحسيت ع رانيه من طبت للحمام وطلعت لابسه كصير صار بيه تريد تسوي بيه جلطه يمكن ممنتبه عليه هيه اني مسوي نفسي نايم عساس ...لا تعاي يمي ع جربايه
رانيه:لا عيني ماطول نته ع جربايه مانام
اكرم:شبيج مراح آكلج.مثلا تعاي دااكلج شي
رانيه:اجيت ابتعد شوي تغطيت ونجطلت بصفه ها كول
اكرم:اكلج نتي مو باجر.حترحين للكليه تعرفين ولد وهيج ف ديربالج تحجين ويه ولد تره كلهم ادبسززيه وديربالج منهم يجوج بحجه ملازم مدري شنو ديري وجهج.ووخري من يمه
رانيه:😉ها لازم تغار
اكرم:ماغار بس اخاف عليج
رانيه:ضحكتني متذكر شسويت بلولد لطخني😎
اكرم:اي ماوصيج عود كتليهم لولد كليه كلهم
رانيه: لتوصي حريص
اكرم:اكلج ممكن طلب ولتكولين لا
رانيه:اي كول
اكرم:خل احضنج وانام وبله دفرات
رانيه:شوف لانك طلبت بأدب حقبل
اكرم:😉ها منا وهيج حتى بوسه بأدب
رانيه:لاممنوعه هاي يله خل انام شويه
اكرم:تقربت يمها وحضنتها والمفاجاءه ماندفرت😂
رانيه:حضني ولزك بيه وحضنه دافي ورأسن غفيت كل مره اضل احوص يله انام
اكرم:حضنتها وبس ضليت صافن خمس دقايق بوجهه رأسن نعست وجان انام بيها منوم مو طبيعي
رانيه:نمت وحلمت بأكرم الحلم هوه اجاني وكلي احبج وتزوجيني اني كمت ابچي ونهزمت منه وركضت وطريق تغير كمت اركض بغابه ومكان يخوف وجفلت من الحلم لكيت اكرم نايم بعده وحاضني كمت ع كيف ورحت نزلت لكيتهم كاعدين يشربون چاي
احمد:هلا بلمحاميه تعاي شربي چاي
رانيه:هلا بيك عيني😑
شربت چاي وكعدنه نسولف اني وامي ع حياتهم قبل بال ثمانينات وتسعينات وسوينه عشه واكلنه كلنه واني ممصدكه شوكت يخلص اليوم حتى اروح للكليه
اكرم: رانيه اني راح اطلع ويه جماعتي لتنتظروني على العشه
رانيه:ماشي بس مو تتأخر
اكرم:لازم تشتاقيلي مو😉
رانيه: اهوو متبطل سوالفك روح روح
اكرم:بستها من خدها
رانيه:اكرم يمعود لااحد يشوفنه روح عاد
اكرم:اي رحت رحت
رانيه:راح وكمت اضحك عليه وعلى سوالفه وصارت ب 10 بليل ومااجه واني كلت خل انام من وكت باجر صباحي وبلكوه اكعد
صعدت فوك وسويت يمكن 20 منبه في سبيل اكعد واعرف نفسي مراح اكعد يااابه كلشي حلو بلكليه الا كعده الصبح يعني الواحد يكعد من 6 صبح ويعوف النوم😭في سبيل اروح ادرس شني هاي وفوكاها دراسه مابيها خير تتخرج منا ترجع للبيت منا اوف اوف شون حكعد الصبح ونمت
اكرم:رجعت لللبيت ولكيت الكل نايم فتت للغرفه لكيت رانيه رايحه بسابع نومه بدلت ونمت بصفها
رانيه:شون جنت احلم حلم يخبل اني يم امي وابويه وجفل ع منبه مسويته ديج يصيح وبلكوه فتحت عيني وسديته للمنبه ونمت
اكرم:جفلت ع منبه يدك وارنيه نااااايمه وخاله ديج شفتها ساعه ب ٦ تقربت يمها رانيه رانيه كومي ساعه ب٦ دوام عدج
رانيه:لا رد
اكرم:جيت وجان انفخ هوى باذنها هههههههههه
رانيه:كبيت من الحلم حسيت ش باذني هاا منو شكو
اكرم:ها فقدتي ذاكرتج.كومي دوام
رانيه😣ماريد ادوام اريد انام ورجعت نمت
اكرم:ولج كومي تره اكومج بطريقتي
رانيه:عوفني نايمه
اكرم:نتي الردتيها كلبت نفسي وصارت جوايه هيه واني فوكاها ه تكومين لو لا
رانيه:😨اكرم وخر شدسوي طبعا اكرم صار وجهه بنص وجهي وكلبي كام يدك سريع وجهي  صار احمر واريد اتنفس من الخجل مااكدر
اكرم:تكومين لو لا
رانيه:اي اي اكوم بس وخر
اكرم:وخرت من يمها وهيه رادت تموت الا شويه😂
رانيه:متكوم نته هم مو تريد تجي ويانه
اكرم:اعوف الفراش والنومه واروح وياج شنو تخبلت عود قبل لا طلعون اني اجيج ارجعج
رانيه:ماشي رحت لسها لكيته كاعده تحط مكياج غير عدها واهس صباح الخير ياحلو حسوي  ريوك عود  تعاي
سها:هلا صباح نور ماشي اخلص وجي
رانيه:وكعد احمد وياج نزلت سويت ريوك نزلت سها مبدله وطالعه تخبل شنو هلجمال
سها:شعبالج لعد
رانيه:وين احمد
سها:هسه يجي
رانيه:نزل احمد بعده ممبدل
احمد:يابه صباح الخير اول مره اكعد والكه الريوك يفتح النفس
سها:شقصدك
رانيه:😂اكلو بدون عراك اكلت شويه لان اني ماحب الريوك  وعفتهم ياكلون وصعدت للغرفه ابدل لكيت اكرم بسابع نومه تقربت عليه  ضليت صافنه بوجهه رموشه يطول الواحد اني بنيه ورموشي مو هيج طوال ضليت خمس دقاي صافنه بوجهه حسيت ع نفسي وشفت ساعه٦ ونص عززه شوكت الحك ركض اخذت هدومي ورحت لغرفه سها ابدل لبست قميص لون اصفر بس مو اصفر يعني هذا اللون الي بين الاصفر والبرتقالي كلش حلو ونازك وحزام اسود وقميص يوصل لفوك ركبه ويه الحزام يحدد الخصر ولبست بنطرون جينز لونه فاتح وحذاء رياضي عالي اسود وشال اسود ولفيته لفه تركيه يعني لبسته وخليته ع جتفي اني كلش اختنك من الحجاب ااذا لفيته ع وجهي كله ماكدر اتنفس فلذالك اسوي هيج ومالبس كب جواه وشعري شوي طالع وحطيت ميك اب كلش خفيف بس ركزت ع الايلاينر سويته يجنن ومسكارا وحمره لون وردي ع احمر بس كلش خفيفه مو غامقه وطلعت اجنن اباوع ع نفسي بلمرايه نعجبت بنفسي😂 ونزلت داانزل من دراج ولكيت احمد وسها كبالي هيج وجوهم
سها😲
احمد:😧هاي منو معقوله رانيه
سها:عزززه ولج طالعه احلى مني معقوله نتي رانيه
رانيه 😳شبيكم. تره استحي عادي مطالعه فد شي
احمد:لو يشوفج اكرم هسه يحبسج وحتى دوام ميخليج ترحين🤣
رانيه:دمشي يله حنتاخر من وراكم
احمد:امشي عيني
سها:رانيه هاي شون سويتي الايلاينر هيج يجنن
رانيه:سر المهنه ههههههههه ورحنه وصلنه للكليه وذكرت اول يوم من شفت اكرم بي وهسه اني فصليته بتسمت للقدر وصدك دنيه صغيره ونزلنه طبعا  امشي واحس بنات وولد يباعون عليه وكلش توترت
سها:رانيه يمكن اليوم حتجي وحده وتخطبج🤣
رانيه:سكت يمعوده مو لهل درجه ...وراح احمد لمحاضرته وسها راحت واني دااروح لمحاضرتي فتت للقاعه ويابه كمت ارجف رفعت راسي يمكن نص قاعه ضلت صافنه عليه رحت كعدت ثالث مقعد سره وسط ف المحاضره جانت مبادئ القانون ف دخل الدكتور والصدمه🤣نتو متخيلين الدكتور ولد يطلع عمره٢٩ سنه يابه والله اول مطب بنات ضلن فاكات حلكهن عليه وهوه صدك حلو وويشبه الاتراك وعده غمازه ومبين يلعب حديد ف من طب عرف عن نفسه هوه جديد وهاي اول محاضره اله بهذا صف ف ظل يحجي بلمحاضره واني منزله راسي يعني مرافعه راسي واباوع عليه سوله بيه ماكدر افتهم احد يشرح الا انزل راسي واسمعه بكل وضوح ف سال سؤال خارج موضوع دراسه كال شنو تعنيلك دراسه القانون والمحاماة ف بس ٢ جابو بس جوابهم جان تقليدي ف اني رفعت ايدي كال تفضلي كمت وكفت رفعت راسي باوعت عليه هوه حسيته مثل مصدوم🤣ف اني جنت جريئه كلش ومااعرف  ليش ف باوعت عليه وكتله دراسه القانون مثل الشخص الي عده قوه خارقه مثلا من واحد يريد يتحايل عليه اني عدي القوه الخارقه الي اكدر اعرف بي هوه ديجذب لان اني دارسه قانون اما المحاماة اولا وهوه شي واقعي انو بيه هواي فلوس ف ضحكو طلاب واني بتسمت وثانيا اتخيل لمن واحد ضاقت بيه كل سُبل وفقد الامل وماعده غير الله واني ف راح تصير يمكن حياته بين ايديه وبعدين من افوز بالقضيه وهوه يفرح لانو طلع من ضيق كلش جبير واشوف الفرح بعينه وهوه مظلوم واخذ حقه واني ساعدته بهذا شي هاي هيه القانون والمحاماة من جنت احجي هذا جنت احرك ايدي ومندمجه وممنتبها
عليه ف باوعت شفته صافن عليه ومبتسم بكلبي عزززه من جبت هذا الحجي شون كمت احجي كدام هاي طلاب كلها بوكته حسيت هاي مو اني لان اني كلش استحي احجي كدام طلاب او اي احد غريب
بعدين كال ممتاز تفكير منطقي وعميق وهذا  الجواب الي ردته وكلي تفضلي ستريحي كعدت والله رجليه ترجف كامت🤣
اعرفكم ع الدكتور
هلوو اني دكتور خالد عمري٣٠ سنه ممتزوج وعايش بيت وحدي واهلي متوفين وماعدي اخوان وشكلي عيوني لون اصفر واسمر وطويل ويكولون اني حلو واشبه الاتراك والاجانب وشكلي مو عراقي المهم اني رحت اول يوم الي بلكليه جديده نتقلت الها وجانت اول محاضره الي ف رحت للمحاضره وعرفتهم عن نفسي ونسيت اكللهم اسمي🤣مهم شرحت الهم وسالتهم سؤال ف محد قنعني باجابته ف بنيه رفعت ايدها كامت وماشاءالله والله اول مره انجذب لبنيه شكد شفت بنات بس ولا وحده انجذب الها ولافكرت ببنيه وحب وهاي سوالف بس هاي شنو من جمال الوجه عبالك كيكه مشكله شكد مااريد اوصفها الكم مااكدر لان متنوصف يعني بسرعه طب للكلب وصفنت عليها وبعدين حسيت ع نفسي وظلت تشرح وتجاوب وطت جاوبها بفكاهه وواقعيه وجوابها جان كلش متقن ف كلتها ممتاز وخلصت المحاضره وطلعو طلاب دتطلع هيه انسه تعاي لحضه
رانيه :خلصت المحاضره دااطلع صاحني دكتور واني عبالي يكلي ع اجابتي مو حلوه وكال ممتاز حتى ليفشلني🤣..تفضل دكتور
خالد:العفو شنو اسمج
رانيه:رانيه
خالد:عاشت الاسامي رانيه ذكريني ع محاضره جايه اطيج.خمس درجات ع اجابتج
رانيه:فرحت كلش حاضر دكتور😆
خالد:خالد
رانيه:العفو منو خالد
خالد:اسمي خالد
رانيه:عاشت الاسامي دكتور خالد
خالد:تعيشين شكرا وذكريني عود وطلعت من القاعه وصراحه صحته حتى اعرف اسمها وخليت خمس درجات حجه😁شوني ذكي مو
رانيه:بكلبي همزين هذا دكتور حباب وطلعت وره ربع ساعه تبدي محاضره جديده ف رحت افتر جوه بالكليه وجعت رحت للكافتيريا طبيت نصها ولد وقليل بنات ف مشفت شي عدهم مال ريوك لو شي خفيف ف اخذت ببسي وكعدت على طاوله اصير بزاويه كافتيريا وبعيده كاعده اكلب بالفون واشرب  ببسي ف اكو طاوله كبالي بيها ٣ ولد حسيتهم ديباوعون عليه ف رفعت راسي وشفتهم وصدك جانو يباوعون وواحد منهم غمزلي اني هنا صرت نار ردت بس اكوم وافكس عيونه بالقلم ونوبه يتمضحكون بصوت عالي ومدري شيسوون كمت خل اروح احسن من ماارتكب جريمه احسن مكان للاختباء ارجع للقاعه واظل كاعده للمحاضره ثانيه ف رحت للقاعه كعدت العب بلفون وجان يطب واحد من الولد جانو كاعدين ظل يفتر كبالي
الولد:يابه شعدهم خاتلين هنا الحلوين
رانيه:سويت نفسي مااسمعه
الولد:مو دااحجي وياج شبيج متردين احد يونسج يوخر ضوجه
رانيه:اني هنا بعد مااتحمل كمت لك احترم نفسك تره اجي اشك حلكك
الولد:لاا وعنيفه هم نوعي المفضل
رانيه:نته الااشتكي عليك يله تحترم نفسك ف دااطلع جان يجرني من ايدي دفعني وكعت بلكاع ...لك اندمك اليوم
الولد:يله ندميني وتقربت عليها دااجرها من ايدها وجان ضربتني دفره بطني
رانيه؛دفرته وبطنه وداكوم اضربه جان يكوم ويجتفني من ورايه ولزم ايدي اني ظليت اعيط وخر عني عوفني بصوت عالي جان مااشوف غير الدكتور خالد جاي ركض وطاه بوكسي نسا اسمه
خالد:نسيت اوراق ملخصات بالقاعه ودااروح اجيبهن واني امشي اسمع صوت عياط ركضت فتت شفتها رانيه واحد كلب مجتفها هنا اني من العصبيه غوشت عيوني شتعلت ناااار شون يسوي هيج جيت صربته بوكسي
رانيه:دكتور عوفه الي
خالد:رانيه روحي منا اني اله
رانيه:الولد كام ديضرب الدكتور اجيت وجان اضربه بوكسي بوجهي رجع ليوره لزمته من ياخته وطيته كله نسيته منو هوه وجنت كلش فاقده يعني  لو بيدي سجينه جان كتلته خلص
خالد:اجه ديضربني شو هاي لزمته بوكسيات وكتل ضليت هيج😐صافن شنو هاي منو هاي شون هيج كدرتله ومصدوم فعلا
رانيه:لك انته جاي دتريد تتحارش بيه لك اليوم اخليك تتمنى مجيت للدنيه ضربته بوكسي بطنه ولويت ايده ليوره ف هوه ظل يتحرك ديريد يكلبني وجان اكسر ايده وظل يصيح من الالم وكمت كتله حتى بعد متمد ايدك على بنيه ونداريت لكيت الدكتور 🤣مصدوم
خالد:اكلج الولد بعد شويه يموت مو لهل درجه تسوين بي
رانيه:هاي لو اختك وشفتها هيج مجان جبت مسدس وكتلته🤨وضجت من كال هيج
خالد:دخابري ع الاسعاف بين مااروح للمدير واكله
رانيه:واني شعليه اخابرله ع اسعاف خلي يموت احسن وطلعت من القاعه وراسي كام يوجعني من العصبيه والقهر الي نقهرته حسيت هذا الكتل كلش قليل بحقه  طبعا نتو متفاجئين هسه شنو بنيه تكدر لولد وهاي جذب بس من اني وصغيره جنت اعشق شي اسمه قتال ودفاع عن النفس وهاي سواالف ف اني جنت مدللهه ف من كبرت وصار عمري ١٣ سنه تقريبا توسلت لابويه يوديني لصف مال تايكوندو ف تعملت هوااي ودخلت صف كاراتيه لحد عمر ١٦ وبطلت وجنت كلش قويه بس اني بطبعي كلش استحي واخاف بس الي بوقت احد يتحرش بيه لو اي شي يصير رأسن تجيني جراءة مو طبيعيه واصير واثقه من نفسي واحس عدي قوه خارقه ف اكتلهم للي يتحارشون بيه ماردت اذكر هذا جزء مال اني جنت اتمرن بس يله

خالد:ضليت صافن معقوله هذا شفته حقيقي ورحت خابرت ع الاسعاف ورحت حجيت للمدير حتى يطردو من الجامعه

خلص البارت قصير طول ماادري اعذروني بيه كورونا المهم حطو نجما وتابعوني وشكرا لانتضاركم وكل تعلقياتكم اقراها 🧡🧡