وقفتا اتكلمتا مع زين شويهه،،،بعدين دخلتا جووه،،،لقيت الجرتق شغااال،،،وروان كانت بتبكي،،،قولته ليها مالك بتبكي ياهبلهه،،،قالت لي علشان عمري ماح اجرب الاحساس دا💔قولته ليها لي بتقولي كده،،،وشنو المانعك تجربي،،،قالت لي ااا قصدي انو انا ماخاته فكره الزواج في راسي علشان كده،،،قولته ليها اهااا،،،بعد خلاص الجرتق خلص وشهد ودعت اهلها،،،روان مسكتا وقعدت تبكي،،،بكت معاها اكتر من اهلها💔لمن استغربتاا،،،بعدين عمو باس راسي وقال لي لولاك ماكان لقيت نصي التاني❤️قولته ليهو هههه ربنا يخليكم لبعض،،،شهد كانت متوتره ومنزله راساا،،،،ودعناهم لانهم كانوا مسافرين ماليزيا في نفس اليوم❤️❤️،،،،روان قالت لي ياحليلا،،،قولته ليها اي والله،،بس كلها شهر ويرجعو،،،قالت لي بفكر اسافر انا،،،قولته ليها وين? قالت لي قطر لماما،،،قولته ليها ياريت ينفع اسافر معاك،،،قالت لي طوالي لو اهلك بيقبلوا،،قولته ليها الشي الماعارفاهو انتي،،انو ماما هناك برضوو،،قالت لي واااي احلفي،،قولته ليها وربي،،،،متزوجهه وعندها ولد عمرو6سنوات،،،قالت لي يييي طيب النبي ارح نسافر سوااا،،،قولته ليها بس عمي الكبير وعماتي ويمكن ماما فاطمهه مايخلوني امشي،،،قالت لي بس هم مامن حقهم يحرموك من امك،،،مش انتي متواصلهه معاها،،،همستا ليهاا ااايوه،،،بس هم ماعارفين،،،ولو عرفوا مشكلهه،،قالت لي وين المشكلهه،،،ثواني ممكن تفهميني قصهه امك دي شنوو،،،حكيت ليها قصتي كلها،،،،قالت لي اهااا علشان كده،،،طيب انتي جربي ماح تخسري شي،،،،قولته ليها خييير،،،،بعد شويهه تلفونا رن واول ماشافت المتصل اتوترت،،،قالت لي ااا طيب انا امشي بعد كده،،،قولته ليها خلي زين يوصلك،،،قالت لي لالالا،،،ح اخد امجاد،،يلا بينا فووون،،،قولته ليها طيب،،،طلعت مستعجلهه،،،انا وقفتاا مع لدن واتكلمنا عن العرس وكذا،،،بعدها طلعتا بره اشوف زين،،،لقيت روان واقفهه وبتتكلم بالتلفون،،بعد شويهه جات عربيه توسان اخدتا ومشت،،،قولته لنفسي هي ليه ركبت عربيهه وقالت لي ح تركب امجاد!!?،،،بس بعدين قولته لنفسي يمكن دا ترحال،،،،زين جاا ووقف قدامي،،،قولته ليهو خلعتني،،،قال لي كنتي سرحانهه وين،،،قولته ليهو ولامحل،،،قال لي طيب يلا لانو حبوبهه طلعت العربيهه قبيل ومستنيانا،،،قولته ليهو مستنيانا? قال لي ايوه،،انا ح اقعد معاكم الفتره دي لحدي ما عصام يجي،،،قولته ليهو اهااا،،،طيب ارح،،،،مشيت لقيت ماما فاطمهه بتبكي،،قولته ليها بتبكي ليه بس،،قالت لي البيت فضى علي،،،قولته ليها وانا مشيت وين،،،وبعدين عمو عصام وشهد ح يسكنوا معااك ماتقلقي،،،قالت لي قبل كم يوم سامعهه عصام بتكلم بالتلفون،،،قال ح يأجر شقهه،،،قولته ليها لالا ما اظن،،وبعدين زول عندو بيت ملك ح يفتش للايجار اوزني عقلك يا فطومه،،،زين قال ليها وحتى لو هو ما سكن معاك،،،انا ومرتي ح نسكن معاك تاني في شي،،،وغمز لي❤️،،،حبوبهه قالت ليهو هههه ماف شي،،،يلا ارحكم ،،،وراي حبوب ابلعا،،زمن نومي زاتو فات،،،زين قال ليها حااضر،،،،طبعا هي كانت قدام وانا وراا،،،،زين الطريق كلو يشاغل فيها علشان تنسى موضوع عمو عصام وانو ح يسكن بعيد منها،،،،،لما وصلناا،،،نزلتا حبوبهه،،واخدتها غرفتاا،،اديتا الحبوب وعلى طول نامت،،،مشيت المطبخ شربتا مويهه،،،لما جيت طالعهه زين سحبني من يدي،،،قولته ليهو انت لسه صاحي،،،قال لي ماجايني نوم،،،قولته ليهو انا نعسانهه لكن،،،قال لي يرضيك يعني انتي تنومي،وراجلك يساهر،،قولته ليهو لالا بس حاليا النعاس صاحب الموقف هههه،،،وقفني قصادو وقال لي اليوم طلعتي حلوهه زيااده عن اللازم❤️قولته ليهو امممم وانت كمان،،،قال لي انا بس عاوز اعرف كيف ح اقدر استنى سنهه كااملهه علشان اكون معاك،،،،قولته ليهو زي ما استنيت باقي السنين،،،،قال لي صعبهه يااخ،،،وهو جايني قريب❤️😂ضربتو في كتفوو قولته ليهو يلا من هنا😂👊وجريت دخلتا غرفهه حبوبهه،،،،،الصباح صحيت بدري،،،عملتا الشاي،،ومشيت صحيت زين،،،قولته ليهو يلا صحصح علشان الزمن،،،قال لي طيب طيب،،بس جهزي لي ملابسي،،،دخل الحمام وانا جهزتا ليهو ملابسوو،،وطلعتا ليهو العطر والساعهه والخواتم،،،،ومشيت المطبخ جبتا ليهو كبايهه شاي،،،قال لي ياسلاااام،،،،،قولته ليهو يلا اطلع لانو ح تتأخر،،قال لي طيب،،،باس راسي وطلع❤️،،،،،فضلتا سرحانهه وياااخي وكأننا متزوجين❤️🙈،،،،،،طلعتا بره ،،لقيت حبوبهه صحت وبتشرب الشاي،،قالت لي زين طلع? قولته ليها اي،،،قالت لي عقبااالكم كدي يايمهه،،،اشوف وليداتكم❤️😊،،،قولته ليها اميين،،ماما فاطمهه انا كنتا عاوزه منك طلب وياريت ماتكسفيني،،،قالت لي طلب شنوو،،،قولته ليها عاوزه اقضي باقي الاجازه دي في قطر،،،قالت لي بإستغراب،،،قطر! مع منوو? قولته ليها مع،،مع امي،،،ملامح وشها كلها اتغيرت،،قالت لي مقصرين منك في شنو لمن اتذكرتيهاا،،وبعدين انتي ناسيهه انهاا خلتك قااصر ومشت،،ليه عملت كده،،قولته ليها انتو الجبرتوها تعمل كده،،،والاحداث كلها كانت قدام عيني،،،وانتو مامقصرين مني،،بس انا محتاجاها،،،قالت لي انا عن نفسي ماعارفهه اقول ليك شنوو،،شوفي عماتك واعمامك الاتنين،،،وانا ماعندي مشكلهه بعد قرارهم،،،قولته ليها طيب،،،دخلتا الغرفهه لقيت كم مكالمهه من روان،،رجعتا ليهاا،،قالت لي يابت وين من الصباح،،قولته ليها ملخومهه شويهه،،،قالت لي انا ماشهه اشوف الحجوزات كيف،،،لو لقيت للاسبوع الجاي بحجز،،،احجز ليك معااي،،،قولته ليها اي احجزي،،،قالت لي تمام،،،،قفلتا منها واتصلتا بعمي الكبير،،طبعا جاط فيني وقال لي ماف ليك سفر،،،قولته اصلا رايو مابهمني كتير،،اتصلتا بعمتي هاجر والباقين الا فاديهه،،،قالو ماعندهم مشكلهه،،،،لما زين جاا راجع المساء،،،كلمتوو وقولته ليهو بس فاضل عمو عصام،،قال لي طيب ح اتصل ليك برقمو الهناك،،،اتصل عليهو،،،واتونس معاهو بعدين اداني ليهو،،،لما كلمتو بالموضوع سكت شويهه،،،قال لي والله ياننوس دام دي رغبتك وعاوزه تشوفي امك،،،انا ماعندي مشكلهه،،،قولته ليهو طيب وعمو سالم،،،قال لي انا بتكلم معاهو وبقنعو،،،طبعا فرحتا فرررح😭😭❤️❤️❤️❤️❤️،،،،بعدها تلفوني ضرب،،قولته لي زين ثواني،،دخلتا جوه،،كانت ماما❤️انا متواصله معاها بدون علمهم طبعا،،،قالت لي اها وافقوا،،قولته ليها اي الحمد لله،،قالت لي وااخييراا،،والسفر متين،،قولته ليها احتمال الاسبوع الجاي،،،قالت لي تصلي بالسلامهه حبيبتي،،قولته ليها الله يسلمك،،،،لما طلعتا بره لقيت زين بتكلم بالتلفون مع اموو،،قال ليها يا امي اكيد رايك مهم،،بس ايناس بتكون نست تكلمك،،قالت ليهو لا هي قااصده تستثناني منهم،،،بس يلا خليها تمشي درب السلااامهه👋،،،بعد زين قفل منها التفت لقاني واقفهه،،قال لي انتي ليه ما كلمتي امي،،قولته ليهو. نسيتا طلعت من بالي،،قال لي والله،،قولته ليهو امممم،،،،قال لي تمام،،،اها السفر متين،،،قولته ليهو احتمال الاسبوع الجاي،،،قال لي كويس،،،،تاني يوم روان جاتني ومشينا السوق،،ستفناهو ستييف😂👋،،،روان قالت لي لو العيشهه نفعت معاي زي زمان،،،ح استقر هناك،،،قولته ليها وسنهه الجامعه الاخيره دي،،قالت لي مابتهمني كتيير،،انا تعبتا من اي شي💔،،،قولته ليها امررك عجيييب،،،رجعتا البيت بعد المغرب،،لقيت عمتو فاديهه هناك،،،قالت لي اهلا بناكره الجميل،،،قولته ليها نعم! قالت لي مالك مابتوريني بسفرك،،خايفهه امنعك مثلاا،،،ماشهه لمنو قولتي لي،للمره الباعتك واتزوجت وسافرت وعاشت حياتا،،،قولته ليها بس هي ماباعتني،،انتو الحرمتوها مني،،،قالت لي الله الله،،بعد العملنا ليك جاايهه تطلعينا غلطانين،،قولته ليها عملتو لي شنو،،الجامعهه وقريتا بقروش ابوي تمام،،،واي شي صرفتو ماكان من جيبكم،،كلوو حقي،،ولو ح تحاسبوني على حاجهه،،الا لو الاكل والشراب،،غير كده كلووو حقي،،،قالت لي حبوبهه سامعه يا امي سامعهه،،دي بت ولدك،،ظهرت على حقيقتا،،فصيحهه وقليله ادب،،،زين قال ليها يا امي خلاص ماف داعي للكلام دا،،،هي ماكلمتك بسفرها،،يعني ماعملت جريمهه علشان تحاسبيها كده،،،قالت ليهو حتى انت واقف في صفها،،كيف راسا ما يكبر وعينا تبقى قويهه،،زين قال ليها شنو صفها وماصفها،،انا مع الحق وبس،،،قولته ليها ياعمتووو ممكن تلوميني لانو ما كلمتك،،بس ابدا ماح اسمح ليك تهينيني،،ودخلته الغرفهه بكيت لحدي ما حسيت برااحه بعدين سكتا،،،،،مرر الاسبوع وانا اصلا قرفانهه من اي ّشي،،،يوم السفر ودعتا حبوبهه طبعا بكت فيني وقالت لي تجي سرعهه،،قولته ليها طيب،،،لما كنتا مع زين في العربيهه ،،،قال لي اول ماتصلي بالسلامهه اتصلي علي،،قولته ليهو حاضر،،،،كنتا كئيبه لدرجهه💔💔زين قال لي كده يا ننسي في كيس وراا اديني ليهوو،،،جريت الكيس،،وقال لي افتحيهوو،،،فتحتو كان فيهو ورقهه مكتوب فيها ممكن ماتزعلي❤️،،،قولته ليهو دا شنو،،قال لي شوفي الورقهه البعديها،،،كان. مكتوب فيها لمن تضحكي بتبقي احلى❤️،،،بقيت اتبسم زي الهبله😂😂❤️،،شال مني الكيس قال لي الباقي شووفيهو هناك،،،قولته ليهو طيب،،،وصلني المطار،،،ووقف لحدي ما روان جات،،قال ليها البت دي في امانتك،،،قالو ليهو ماتخااف،،،قال لي يلا انا لازم امشي ورااي شغل،،وماتنسي تتصلي لي،،قولته ليهو طيب،،،،دخلنا انا وروان صاله المغادره،،،،،وندوهو على رحلتنا❤️❤️،،،اما زين فبعد مشااا شغل المعرض رجعو تاني لسالم،،وهو مشى السوبر ماركت،،،جاهو عم بكري وقال ليهو ماشاء الله الشغل مااشي،،قال ليهو كلو بفضلك ياعمي ،،،قال ليهو هه لا الحمد لله،،زين قال ليهو ماعارف اجازيك كييف،،انت الوحييد الوقفتا معاي في محنتيّ،،،ونفسي ارد ليك جماايلك علي،،،قال ليهوو لو فعلا ناوي ترد جمايلي دي،،،عندي طلب معين ح اطلبو منك،،بس في الوقت المناسب،،،زين قال ليهو وانا جااهز في اي وقت ولي اي طلب كمان،،،،،انا وروانتي😍وصلناا قطر،،،واخدنا تاكسي،،روان قالت لي ارح معاي بيتنا،،واتصلي على امك من هناك،،،قولته ليها ارح،،،مشيت معاهاا،،،كانو ساكنين في عماره،،شقهه الدور الخامس،،،قولته ليهاا اسي ح تقولي لي امك انا منوو،،قالت لي ح اقول ليهها خطيبتي مثلا😂😂💔ما اكيد صحبتي،،بطلي غباوه،،،روان ضربت الجرس فتحت لينا بنوتهه عسسل،،روان رفعتاا وباستاا قالت ليها روودي😍❤️اشتااقك يابيبي،،قالت ليها انا اكثر،،روان قالت لي دي اختي رودينا،،قولته ليها عسووله ماشاء الله،،قالت لي هه ولسهه في عمار ومودي،،،قولته ليها ربنا يحفظهم،،دخلنا جوه،،كان في مره قاعده الله،،،قالت لي روان حمدلله ع السلامهه،،قالت ليها الله يسلمك ياماما،،،اعرفك دي صحبتي ايناس ،،،ايناس دي امي رغد،،،قولته ليها تشرفنا،،هزت لي راساا،،روان ساقتني من يدي،،ودخلنا غرفهه كدهه،،قالت لي غيري ملابسك ح اشوف لينا حاجهه ناكلا،،،طلعت وخلتني،،عيني وقعت ع التلفون الثابت،،شلتوو ودخلتا رقم ماما،،،قالت لي الو،،قولته ليها قولي حمد لله ع السلامهه،،،قالت لي ايناااس،،واخيرا يابت جيتي،،وينك اسي،،لو في المطار عشان اجييك،،قولته ليها لا في بيت واحده صحبتي،،قالت لي طيب اديني العنوان،،،قولته ليها خليك معاي،،ناديت روان،،اتكلمت معاها،،،شوويه وسمعتها قالت ليها نفسس العماره معناها،،،ثواني ايوه نحنا في الدور الخامس،،،قولته لي روان في شنوو،،قالت لي امك ساكنهه في نفس العماره ،،،بس الدور الرابع،،تعالي معاي،،نزلنا تحت،،لقينا ماماواقفه،❤️،احساسي اتلخبط لما شفتها قدامي،،ماعرفتا اعمل شنوو💔💔،،هي جات علي وحضنتني وبقت تبكي،،،انا ماقدرتا ابكي،،دا كفايهه اني في حضنها❤️،،،روان قالت ليها صلي ع النبي يا خالتوو،،،ماما قالت ليها صلي الله عليه وسلم،،وتاني مسكتني وبكت💔💔،،،فجأه جات ام روان،،قالت ليها دي بتك يا نور??!،،#سلام©💜
