زين عاين لي في عيوني وقرب مني،،وقال لي ممكن تقولي راجلك،،،قولته ليهو ههههه راجلي،،لا ياشيخ ماللدرجه دي،،،انا ماعندي راجل قال لي لا اهو انا هنا وانتي هنا،،وانا عايز انفذ الوعد الوعدتو ليك قبل كده،،،عايزك تكملي بي نص دينك❤️قولته ليهو لا والله معليش ماضروري الا انت،،،الرجال زي الهم عالقلب،،،قال لي واذا ما انا،،،ليه قعدتي سنهه كامله وشويهه ما دخلتي زول حياتك،،،ليه بتبكي وماقادره تتجاوزيني،،،عارفه ليه?!،،،لانك لسه بتحبيني،،،قولته ليهو اي نعم ماف زول دخل حياتي بعدك،،واصلا انت الراجل الوحيد الدخل حياتي وادمنتو كده،،،بس مستحيل اتزوجك،،حتى لو قلبي ح يتحرق بسبب القرار دا،،،انا مستحيل اتزوجك،،،نفسي تجرب حرقهه القلب والصدمهه العشتها انا،،،مانفسي ابدا ابرد ليك قلبك واوافق،،،قال لي وانا ماح اخليك لغيري،،،انتي لي،،،ماف زول عندو الحق فيك غيري،،،ولو على حرقهه القلب والصدمهه،،فأنا بالنسبهه لي كانت اقوى،،،احسن انتي لقيتي اليصبروك ويقيفوا معاك،،،بس انا لا،،،مالقيت،،،كلكم وقفتوا ضدي،،،وكأنو الزواج دا كان على هواي،،،قولته ليها تاني ح نرجع نفتح نفس السيره وماح نخلص،،،انا ماعاوزاك،،،طلعني من قلبك،،،،شوف ليك واحده غيري،،،ودخلتاا جوه،،ياخ حسيت وكأنو زواجو دا كان امس،،،ماقبل فتره💔وجع قلبي بالجدد💔💔،،،دخلتا غرفتي لقيت حبوبهه نايمهه وجمبها ليان،،،صااحيهه وبتتكلم كلام الاطفال المامفهوم داك💔😂،،،غيرتا ملابسي وشلتها ورقدتا معاي في السرير،،،،بقيت اشاغل فيهاا،،،،قولته ليها هو انا ينفع اكلك،،،ااخخخ ماشاء الله ياخ❤️بس يارب بنوتهه زيك كده وابيع الدنيا بالفيها❤️💋،،،،جاا زين داخل الغرفه اصلا الباب كان فاتح،،،،قال لي اديني ليان،،،قولته ليهو عاوز بيها شنو اسي😒قال لي جيبيها بس،،،ح اقعد بيها بره،،،قولته ليهو لا بره الجو بارد،،،،قال لي جيبي البشكير حقها واديني ليها،،،لما لقيتو مصر،،لفيتا بالبشكير كويس ولبستها طاقيهه،،،،واديتا بوسهه في خدهاا،،،قولته ليهو لما تنوم جيبا لي،،،قال لي تمام،،،شالا وطلع،،،وانا بقيت حايمهه في الغرفهه،،ماقدرتا انوم،،بعد نص ساعهه كده،،حسيت بحركهه زين جاي على الغرفهه،،طوالي رقدتا في السرير وعملتا روحي نايمهه،،،جاا داخل،،رقد ليان في حضني،،،وباسني في راسي❤️قال لي ""بحبك ننسي""،،،بعد طلع فتحتا عيوني،،وختيت يدي على جبيني،،،قولته ليهو وانا كمان بحبك،،،بس لازم اعذبك زي ما انا اتعذبتاا،،ونومتاا على كده،،،،،صحيت الصباح كنتا ماشهه عالشركهه،،حبوبهه قالت لي انا الليله ماشهه لعمتك مرام،،،ومابقدر اسوق معاي ليليان،،قولته ليها ليليان منو🌚،،قالت لي بت زين،،،ضحكتا وقولته ليها اسمها ليان،،،ماتجيبي حروف من عندك😂قالت لي كلو واحده،،دي شنو الاسماء العجيبه دي،،،لو كان سميتوها فاطمه مالوو😌قولته ليها هههه مامشكله ح اسمي بتي فاطمه❤️،،قالت لي المهم،،ماف زول في البيت،،،،وشهد ساقت بناتا ومشت عند ناس امهاا،،قولته ليها والمطلوب،،،قالت لي اقعدي معاها،،،ماتمشي الشغل الليله،،،قولته ليها لالا عندي برامج كتير واجتماع مهم مابقدر،،،قالت لي وح تخليها مع منوو،،قولته ليها ابوها وين،،قالت لي في المعرض،،،ماف ليك طريقهه يلا اقعدي،،فتك بعافيهه،،،ومشت خلتني☹️قولته لنفسي يعني ماما فاطمه ورطتني،،ياربي،،بس الاجتماع دا مهم يااخ،،،مشيت الغرفه لقيت ليان نايمهه،،،عاينتا ليها وقولته ماف حل غير انو اسوقا معاي،،،،طلعتا ليها ملابساا بتاعت النوم،،ولبستها عفريتا بتاعت جينز،،وشرابات،،وطاقيه لانو الجوو بارد شديد،،ومليت ليها البذه حليب وشلتها وطلعتاا،،،اجرتا لي امجاد،،،وبتاع الامجاد يعاين لي ويبتسم،،لانو كنتا بشاغل ليان وبتكلم معاها😂❤️قال لي دي بتك،،قولته ليهو اي❤️،،،قال لي ربنا يحفظا من العين،،،قولته ليهو اميين،،وصلني الشركهه،،اديتو قروشو،،ونزلتا والماشي والجاي يعاين لي😂😂وصلتا مكتبي،،وليان كانت نايمهه💜،،،كان في شويهه ملفات راجعتها واديتهم لعمو سالم وقعهم،،،،لما جاا زمن الاجتماع ليان صحت وبقت تبكي،،،،وماراضيهه تشرب الحليب☹️💔،،،شلتها والشركه كلها بتتفرج علي😂لقيت سالم في وشي،،،قولته ليهو بس الله جابك،،عليك الله امسكا وخلي بالك منها عندي اجتماع مهم،،قال لي جايباها معاك ليه،،قولته ليهو قصه طويله ياخ،،،اسي خليها معاك،،،اديتا ليهو ومشيت الاجتمااع،،،وبالي عندها طبعا،،قضيت الاجتماع كلو امم اها طيب،،،طلعتا من الاجتماع بعد،ساعه،،وجري على مكتبي،،لقيت سالم نايم،،وهي بتلعب ليهو بلحيتوو❤️😂😂😭،شلتهاا،،وصحيت سالم قولته ليهو الظاهر هي الخلت بالاا منك،،قال لي يااخ مارضت تسكت ولا تنوم😂👊،،،قولته ليها اي مشااغبهه❤️😂،،قعدتا لحدي نهايه الدوام،،،،لما طلعتا من الشركهه،،لقيت عربيه زين واقفهه،،،وشكلو قلقان💔،،،لما شافني،،جاا علي وشال مني ليان،،،قال لي بغضب،،طالما سايقاها معاك،،مابتعرفي تقولي انك سايقاها،،،ولا ماكان ممكن تتصلي علي وتكلميني،،،قولته ليهو زين اكلمك لشنو،،الموضوع بسيط،،،وبعدين ماكان في زول في البيت انا سوقتها وين المشكلهه،،،قال لي حبوبه قالت انها خلتا معاك،،يعني شغلك مهم لدرجه تسوقيها وتجيبيها هنا،،،قولته ليهو طيب لو كان خليتا في البيت براها كان عملتا شنو?! ع العموم انا اسفهه،،وحكايه اتصل وما اتصل،،يعني انت بتخاف وبتقلق لما بتك تكون معاي صاح?!،،،ماكنتا فاكراك ح تخاف عليها مني،،،ياخ انا زعلتا زعل💔💔وقومتا ماشهه مسكني من معصم يدي،،،قال لي انا اسف،،يمكن صاح كلامك الموضوع بسيط،،بس انا قلقتا عليها لما مالقيتا في البيت،،،اسف💔قولته ليهو اي حاجهه بتعملا وبتجرحني بيها فاكر انو بس دواها اسف?،،ليه مابتعمل حساب للكلام،،،اا صح،،ما دي بتك،،،انا يمكن اتعلقتا بيها لدرجه نسيت هي بت منوو💔وبقيت ابكي💔،،،،طلع ليان العربيه وربط،ليها الحزام،،،وجاا مسكني،،،قال لي والله ماكان قصدي،،،انا اسسسف،،،،قولته ليهو خيير،وركبتا العربيهه،،،،الطريق كلو سااكتهه،،،وصلنا البيت،،عاوزه انزل أمن الابواب قولته ليهو زيييين بطل حركاتك دي،،،،قال لي ايناس،،،قولته ليهو انا ماعايزه اسمعك،،،قال لي غصبا عنك،،،قولته ليك اسف ماكان قصدي،،،مالك،،،قولته ليهو زين خلاص الحصل حصل،،مسكني ولفتني عليهو،،قال لي يعني مازعلانهه،،قولتته ليهو لا،،قربني منوو،،،قال لي متأكده،،قولته ليهو اي،،كان خاتي يدينو على خدودي،،قال لي وانتي بتبكي بتبقي حلوه،،بس مجبور اخليك تضحكي علشان تبقي احلى💜،،،قولته ليهو. بالله! قال لي والله،،سكتنا شويهه ،،قولته ليهو طيب ينفع ننزل ،،،قال لي طييب،،نزلنا وهو شال ليان،،،قال لي لسهه مصره تعاقبيني وماعاوزه توافقي،،،قولته ليهو اوافق عالشنو بالظبط،،،قال لي زواجنا❤️قولته ليهو لما تبقى تطلب يدي بطريقه الطف من كده،،،قال لي بلهفهه يعني افهم انك ممكن توافقي،،قولته ليهو على حسب تقيمي لطلبك ليدي،،،وشلتا منو ليان ودخلتا جوه،،،ماعارفه بس،في حاجه اتلخبطتت جواي❤️،،،،حسيت نفسي مبسوطهه❤️❤️❤️،،،،،
اليوم التاني صحيت على صوت ليان بتبكي،،،قولته اكيد شهد مارضعتاا،،قومتا شلتها وانا ماشهه عاينتا في المرايهه،،لقيت مكتوب""ممكن تتزوجيني""،،كانت مكتوبه بالروج😂❤️ما اشتغلتا بيها،،مشيت على جهه الباب،،لقيت مكتوب""عارفك بتحبيني طيب المانعك شنو""،،فتحتا الياب وطلعتاا،،،وديت ليان لشهد،،وجيت راجعهه الغرفهه،،،لقيت في ورق في الارض،،كلووو مكتوب عليهو ""ممكن تتزوجيني""،،شلتوو ووديتو لزين في الصالون،،صحيتو من النوم،،وقولته ليهو ما ممكن،،،قال لي صباح الخير اول شي،،،قولته ليهو وح يجي من وين الخير وانت مالي لي غرفتي كلها ب ممكن تتزوجيني،،،جراني من يدي وقعدني قدامو وهو كان راقد،،بقى يلعب لي بشعري،،وهبش،خدودي،،قال لي وربي خلاص،،،كده ح يطرشقو😂😂💔،،،قولته ليهو زين انت واحد حيوان،،،قال لي حيوان بس بحبك يااخ،،افهميها،،،قولته ليهو بس انا مابحبك😢💔،،،قال لي لو مابتحبيني ليه جيتي هنا،،وحاليا قاعده قدامي😂😁دا اسمو كره صااح😂😂،،،طوالي قومتا منوو،،قولته ليهو ع فكره انت الجريتني،،قال لي كان ممكن تضربيني عادي لو ماعاوزه،،،ياخ غيااظ كييف😭❤️،،،طوالي طلعتا من هنااك،،وانا بنبذ نفسي طبعا💔😒،،،ماكان عندي مزاج لي اي،شغل،،،،بس كنتا قاعده،،،زين قام طالع ماشي،الشغل،،وزراير القميص الفوق ما مزررهم،،،قولته ليهو تعال تعال،،،انت اسي زول مسؤول،،قال لي مالي،،قولته ليهو الزراير،،زررهم،،،قال لي لا ياخ بضايقوني.،قولته ليهو بس زمان ماكانوا بضايقوك،،،وقمتا زررتهم ليهو وهو كاتم الضحكهه،،،قولته ليهو كده كسار❤️جراني عليهو وقال لي اصلا كساار،،،كنتا بعاين ليهو في عيونوو،،عقد لي حواجبو قال لي هوي اتأخرتا😁،،باس راسي وطلع،،فجأه اسمع ليك حبوبه قالت لي دا ما كان زريير قميص هو،،،،وااي ماعرفتا امشي وين😤طوالي جريت المطبخ😂😂😂💔تاني لحدي المساء حتى حبوبهه شافتني،،،قالت لي بعد الغداء دايراك في موضوع،،،قولته ليها موضوع شنو،،،قالت لي بعد الغداء😊،،
#سلام©💜
