قالت لي انتي منو??قولته ليها ايناس،،،،،قالت لي شكرا ليك كنتا ح اقع،،قولته ليها العفوو،،،قالت لي بس انا سمعتا بإسمك دا،،بس مامتذكره وين،،،قبل ارد عليها جات لدن،،قالت ليها ياسمين نازله براك ليه،،مش زين حذرك،،طبعا لما قالت كده،،قربتا اخنق ياسمين واخنقا هي،،،،بس غمضتا عيوني وبقيت استغفر،،،لدن قالت لي اا ايناس ماما عاوزاك في غرفتاا،،قولته ليها طيب،،،وقبل امشي هي ساعدت ياسمين ونزلتا تحت،،،،،مشيت لعمتو فاديهه وانا عاصره على نفسي ليمونهه،،،اصلا ح تكون عاوزه مني حاجهه،،،ضربتا الباب ودخلتا،،قالت لي اتأخرتي،،اتفضلي اقعدي،،،قعدتاا قولته ليها خيير،،قالت لي هه كل خير،،شربتي،حاجهه? قولته ليها ماعاوزه،،،ممكن توريني عاوزه مني شنو،،لانو لازم ارجع البيت،،،قالت لي ابردي براحهه،،قولته ليها سامعاك😊قالت لي طبعا زين رجع مسك المعرض،،،قولته ليها وبعدين😊قالت لي ووسالم ما راضي يشتغل معاهو،،قال عاوز شغل براهو،،،وانتي عارفهه انو هو وزين مابتفقوا،،فاا،،قولته ليها فاا اختصري ،،،انا اساعدك بشنووو،،،قالت لي بما انو حاليا عمك سالم ماسك شركات ابوك كلها،،،وليهو سنين فيها،،،يمكن تعب من المسوؤليه دي،،،وو،،قولته ليهو وانتي فكرتي انو سالم يشيل منو المسؤوليه دي صااح?،،،ههههه انا ما غبيه علشان اخت رقبتي تحت يدين سالم،،وبعدين انتي كيف فكرتي فيهاا،،،قالت لي اسمعي بس،،انتي جربيهو وماح تخسري،،،خليهو مدير عام،،،قاطعتها،،،قولته ليها مدير عاام،،،ما حاسهه انك اڤوورتي شويهه،،،هههه قال مدير عام،،،بعيد عن اي شي،،انا مستحيل اتفق مع سالم،،،ومستحيل اخلي رجلو تعتب شركاتي،،،قالت لي شركاتك?? قولته ليها اممم،،شركاتي،،،انتي ناسيهه انو انا حاليا عمري19سنهه،،،وبعد شهر ح ابقى20،،،وزي مابتقول الوصيهه اول ما يكون عمري21 لازم اكون كفيله واتحمل مسوؤليهه شركات بابا،الهي شركاتي،،،واضح،،ولا اوضح ليك اكتتتر،،،،طبعا بقت تعاين لي احساس جبتا القوه دي من وين?،،،قولته ليها لو خلصتي انا ممكن امشي،،،لانو المغرب قرب،،،ماردت لي،،،قولته ليها سلام ياا،،عمتووو😊،،وشلتا شنطتي وطلعتاا،،،انا زاتي مستغربهه في نفسي كيف كلمتها كده،،بعد ماكنتا مابقدر ارد ليها ولا اجادلا،،بقيت بقدر اعمل كده،،،حسيت براحهه ماعاديهه،،وطلعتا من هنااك،،،،،ما اخدتا امجاد،،قولته المواصلات احسن،،،ومنها اشوف الناس،،،وفعلا مشيت لحدي الظلط كداري،،لانو البيت كان لي جوه شويهه،،،عاوزه اقطع الظلط،،مابعرف جات عربيهه من وين،،كانت شويهه وح تطقشني،،،اتجمدتا في محلي،،،سمعتا صوت زين بقول لي لسه قطعت الظلط عليك صعبهه💔،،،قولته ليهو زين،،،ومشيت ليهو وانا غضبانهه،،قولته ليهو وانت لسه مابتركز في سواقتك،،،قال لي بس بعرف اقبض فرامل في الوقت المناسب،،،وغمز لي❤️قعدتا اضحكك قولته ليهو غيااظ،،،وانا بضحك اتذكرتا وجعي💔بقيت ابكي💔💔،،،قال لي ايناس،،قولته ليهو لالا خليك بعيد،،،وانسى الاسم دا،،،كفايهه كده،،انا تعبتا ياااخ والله العظيم تعبتاا،،،،كفايهه بالجد💔💔،،،ومشيت خليتوو وركبتا المواصلات،،،وكانت صعبهه ياخ،،،وصلتا مرهقهه وعلى طول نمتا💔
