#مراهقة_و_الاربعيني
،،،،،،،،، بقلم زينب ماجد ،،،،،،،،،
الحلقة_83
صراع :- هلا ام علي شلونج
-هلا خويه ابو حرب فوت فوت هلا بيك ، شلونك شحوالك
-و الله على الله ، ما حجيتي و يا الحجيه
-والله يا ابو حرب امي ما اعرف شبيها شنو جرالها ما ادري ، كل ابالها يتزوج اريد اشوف جهالو ، وبنت عمو اولى
وعافت الدنيا كلها و راحت لخليصان ، بس وربك تلكى هلحقيره هاي اشتغلتهم
-ششتغلتهم يعني
-شوف خويه ، اني عندي بنات واحلف وانه صادكه ، اخلاص وخواتها ما يبطلن حرك وسحوره لو يموت ، انت تعرف شنو جانت وجدان
-انت لا تكليلي سحر يولو ، هاللعبه السووها حقيره ، وانه ما ذابحني غير امي ..
-والله العظيم جانن من عمايلهن رجلي ما يدحك بوجهي ومحبس بأديهن ، عندو دثرة فلوس وانه هداتي مشككه ، عيشني بجحيم ما ينحمل وتلكاهن هسه اشتغلن حرك وطش متشوف مربط وما تعرف شتسوي
-طش شنو
-يحركن ويطشن الحركنه
- كولي غير هسالفه ام علي ، سحوره وهلتلعوص هاذ انه ما يدخل ابالي ، كليلي الحل شلون
امي ما ترد علي ، والحجي انه بنفسي ما ادحك بوجهو على عملتو ، وعمامي ما بطلو يروحون ويردون ، وعمي عزام يخابر وابو حرب انت الخير وانت زلمتنه الحوك ، حط بنت عمك تحتك واسترها وراضي اهلك
عمي صالح متخبل شلون رافض وكاسر ابنتو ، وواكفيلي سيف
-اتزوجها
-من كل عقلج انه اتزوج اخلاص ، كولي غيرها ، بالقرأن ما اتحمل ادحك بجهرتها ، هلنوب اجيبها ابيتي ، الا اذا ما رايده روحها وادفنها بصف اختها
-خويه شوف انت لا اول ولا اخر واحد يتزوج ، نحن هاي عاداتنا وهاي تقايدنا وكل رياجيلنا اثنين نسوان ابيتو ، ولو ما تزوجتها ، العيب يصيبك ما يصيبها لأن بنت عمك ومردودها عليك
-هو هذا اللي ذابحني ، يولو احس روحي مقيد ما اكدر اسوي اي شيء ، بيتي بصفحه واهلي وعشيرتي بصفحه ثانيه
-اتزوجها وخليها عندك كم شهر وطلك ، انت ليش مخلي روحك بهلنار ومحترك
-والمخبله اللي ابيتي ، تموت
-هههه همك ليليان
-ام علي عجل انه من اكول بيتي شقصد الحياطين ؟ ، انه تالي وكتي صفيت بيها واريد ارتاح وكوه ها مسيطر على عقلها ، اتزوج شيصير بيها
-راح تنقهر صح ، بس راح تتفهم من تشوفك من صدك ما تريد اخلاص
-اطخ ابالي احطها بسياره واطلع للاردن وانعل ابو اليدحك ةراه لو يهتم ، لا اريد اهل ولا عشيره
