قدس
نزلت من غرفتي شفت البيت مرتب بس يحتاجلة هواي نواقص ولمسة انثوية اول ما فتت للمطبخ جانت امي بالمطبخ كلتلهه يلة ماما انتهه دورج بالمطبخ اجة وقت بنتج تلزم البيت
الام
لا روحي اقري
قدس
يللله وتدفع بمهه وطلعتهه من المطبخ كلتلهه اطلعي يلة عيني طلعتي تقاعد هههههههههههه
زيد
يوم شراح تسوين عشة
الام
والله مااعرف
زيد
شنو متعرفين
الام
قدس فاتت للمطبخ ومتقبل اسوي شي اني تكلي طلعتج تقاعد
عراق وزيد
هههههههههههه
قدس
بديت بتنظيف المطبخ وترتيب الطاولات والكاونتر وسويتلهم علعشة معكرونة بلبشمل وتبولة وشوربة شوفان وعصير برتقال وحظرت الطاولة وشغلت البخور وناديتلهم بابا ماما يلة العشة جهز
الاب
ماشاءالله هاي شنو السفرة الي تفتح النفس واللة وبنتي طلعت شاطرة بكلشي
الام
لا قدس ليش هيج
قدس
شنو ماما شكو
الام
راح تحسسيهم بفرق هههههه
عراق
هسة كافي مدح خلي انضوك الاكل عوفو الوجه المهم الداخل
قدس تحجي وية نفسهه
شكد مكروه
زيد
عرااااق تتراهن الاكل كلش طيب
عراق
علة شنو
زيد
طلعة بالمطعم الي تختارة قدس بالمنصورة
عراق
ماشي
قدس
يمعودين كمت اخاف هههههه
الاب
يلة بنتي كعدي تعشي
قدس
لا بابا ماريد
الام
شنو ماريد دشوفي وجهج اصفر تعالي اكعدي اكلي
قدس
ماما دايت فمااكل بليل
زيد
لعد راح اكل حصتج وحصتي
قدس
هههههههههههه بالعافية
ورحت سويتهم الجاي والكهوة وحطيتهه بالترامز عدهم ترامز كلش حلوة وحطيتهم بغرفة الكعدة
اجوي للغرفة ها شلون الاكل
زيد
تريدين تعرفين شلونة روحي باعي الميز اذا لكيتي وذرة عاتبيني بطحت الصينية بطح ودككك
الكل هههههههههههه
قدس
بلعافية وصبيتلهم جاي وبابا كلش عجبة الجاي
رحت سويتلهم حلويات سويتلهم زنود الست وكملتهه ووديتهه
الام
وج يمة ماكعدتي من اجيتي لحد هسة
قدس
ماما اجيت جبتلكم شي تحلون بي
زيد
واو حلويات
قدس
تحب الحلويات
زيد
اي كومة خوب عراق يموت علة الزنود الست
عراق
شكد تلغي
من ضكت اكلهه عليهه نفس بلاكل يااامي يادنيا اكلهه كلش طيب انوب الجاي يموت انوب سوت زنود الست راح انجلط واني كل مااشوفهه اتذكر منضرهه وهي بدون شال
زيد
بمااانه الكل موجود وسمعتو بالرهان الصار يلة بابا ماما احكمو علة اكل قدس
الاب
والله لوما امك كاعدة جان كلت أطيب من أكل امك
الام
اوف ياابو عراق هيج نسيتني بهل سرعة
قدس
كمت علة مامام وبست راسهه كلتلهه غير انتي الخير والبركة
زيد
يعني منو فاز اكيد قدس
عراق يلله خسرت وهسة قدس اختاري المطعم الي تردي
قدس
كلشي ماريد
زيد
قدس شنو كلشي متردين ماكو هيج حجي هو رهان ولازم نسوي
قدس
لا والله ماريد شي
عراق
عوفهه على راحتهه متريد تطلع ريانة
زيد
صدك قدس يلله لعد براحتج
قدس
لا شو آلة اروح وية زيد
زيد
لعد عراق حظر روحك باجر نطلع بس مكلتي يامطعم تختارين
قدس
خليهه مفاجئة راح اوكلكم اكل مماكلين منة بحياتكم وكعدة عمركم مكاعديهه
عراق
من رخصتج ست قدس ترة اني وزيد ارقة مطاعم بغداد كاعدين بيهه
قدس
انت شيخ والمفروض تعرف مو كلشي بلارقة والاغلة المهم النفس الطيبة والجودة بلاكل
زيد
طممممم في منتصف الجبهه فديت اختي التقصف
قدس
رحت الغرفتي طلعت كتاب يتكلم عن عشق الأمراء وكعدت بالحديقة واقرة بي وكاعدة علثيل ومرتجية علشجرة
عراق
طلعت دادخن بلكراج لان ماادخن كدامم ابوي عيب
وجان اشوف ملاك كاعد بالحديقة ويقرة كتاب والسماعات بذنهه مثل الملاك شكلهه يجنن
ضليت صافن علييهه وتقربت يمهه وكلتلهه شدتقرين
قدس
فزيت من سمعت صوت عراق مااعرف من اشوفة كدامي كلبي يكوم يرجف
كلتلة من شوكت اعنا انت
عراق
شدتقرين
قدس
رواية........
عراق
قاريهه تتكلم عن الأمير الي حب البنية الحلوة بس هي جانت وحيدة وعايشة وحددهه من دون احد يساندهه
قدس
😯😯انت تقرة روايات
عراق
لعد شنو عبالج جاهل اني
قدس
لا مو قصدي بس استغربت شيخ ويقرة كتب
عراق
قاري فوك ال ١٠٠ كتاب وكلهم روايات رومانسية وعندي بالغرفة مالتي مكتبة بيهه فوك ال ٥٠٠ كتاب ومن التعجبج كلهه كتب نادرة كل مااسافر اجيب بس ماعندي وقت اقرة
قدس
زين عندك كتاب.......
عراق
موجود بالمكتبة واذا تحبين اسمعلجيا
قدس
عادي آخذة اقرا
عراق
اي عادي شوكت متردين روحي للغرفة وأخذي
الكتاب الي تردي
يعني انتي صارلج شكد تقرين كتب وتقرين بالضبط
قدس
من اني صغير احب اقرة قصص الأطفال ومن كمت اكبر بدة بابا يجيبلي كتب وروايات وحكم ابيتنة عندي مكتبة جبيرة أتصور شفتهه بلصالة ابوية نجرهه الي وسوالي رفوف بغرفتي وهم تارستهم كتب جانت امي تصيح علة ابوي وتكلة محد خبل البنية غير قصصك هاي
بدون مااحس دمعة عيوني
عراق
مديت ايدي علة خدهه مسحت دمعتهه تدرين من يوم ماشفتج ورغم كل الألم الي مريتي بي مشفتج بجيتي بس عيونج جانت كلشي تحجيلي
بدون مااحس تقربت منهه حسيت بنفسهه العالي وبعدين هي دفعتني وراحت تركض طبعا ضليت مصدوم على الي سويتة وشلون كدرت هيج اسوي
اصحة ياشيخ عراق وانت ياكلب اجمد شوية
وصعدت بدلت ملابسي العسكرية ونزلت كلت الأمي عندي تحقيق بغير محافظة يلة مع السلامة
الام
الله وياك
قدس
من تكلمت عن اهلي دمعت عيوني هو مسح دموعي وصار يقترب مني حسيت كلبي راح يطلع من مكانة حسيت بانفاسة دفعتك وكمت رحت بغرفتي
ياربي شديصير بية 😟
نزلت علبيت غيرت الديكورات ونضفتة بالفلاش والقصر وكذالك الحمامات وطلعت علة الصالة تنضيف وتغير ديكورات ووصيت امي تروح للسوك تجيبلي وورد وشغلات للحديقة وطلبت تحفيات من النت جابوهم الي حطيته بلصالة كلبت البيت كلب وطلعت علحديقة سويت لاينات مال ورد تجنن ورتبت الكراج بس حسيت بعد اريد اجيب شغلات للبيت
عراق
وصلت للبيت لكيت البيت صاير يلمع لمع والديكورات متغيرة والحديقة تجنن وتحفيات جديدة
يمة هاي شنو التغيرات بالبيت صاير يجنن عاشت ايدج
الام
لا والله هاي قدوسة هي سوت كل شي وهسة صعدت تنضف بلفوك
اكلك يمة ترة هي ضوجتني
أنت تقرأ
عراق وقدس
Romansaهذه القصة اذا لم تقرأها سوف تندم على كل قصة حب قرأتها ولم تقرأ هذه تتكلم قصتي عن القسوة والبراءة الحب والكبرياء تتكلم عن قصة حب كافي عاد يلة فوتو شوفو القصة ولتضلون تباعون
