رواية سعودية/ اللامبالاة هي آخر فصول الوجع

36

):ونبدأ

البارت 36

أسفه على الأخطاء الإملائية .^-^

بسم الّٰله الرحمن الرحيم

السلام عليكم ورحمة الله

مدخل ) :-

البكى لا دمجته بالملام .. الملام! 
‏ماييغير بوجهك .. يربكك داخل لِك

‏قال لِك صوتي إني ما أعيش بسلام
‏اعرفك ماتبيني أقعد أجامل لِك

‏والله إن اشياقي مثل ماهو العام
‏ماتغيرت للحيني وانا أحاول لِك

‏إخذني مِنِّي التعبان محتاج أنام،
‏لي ثلاث شهور .. يا أزعل أو أزاعل لِك.

سلمان بن خالد

...........................................................

في بيت العبد الله

بعد ثلاث أيام

الساعة ١٢ ونص

صحت من النوم على صوت امها الي تقومها من النوم

فتحت عينها وهي تناظر في امها /صباح الخير يمه

خلود ب خوف وارتباك / اي خير ي يمه مع ذا المصيبه

اسيل وهي تقوم بسرعة / وش صاير يمه

خلود وقفت وهي تحارب دموعه / صقر جاء مع القبيله كلها ومع ولد ولده

اسيل تلف تدور زي المجنونه / وين عيالي

خلود وهي تمسكها / مع الخدامه وخالتك رحاب

اسيل وهي تدور عبايتها / وربي ل حوسهم كلهم ولا يهمني الكبير منهم ولا الصغير

خلود وهي تحاول تمسكها / راح ياخذك صقر ي يمه لا تنزلين

اسيل / لازم احط لذا الموضوع حل من ثلاث سنوات وانا كذا وانتي من ٢٠ سنه صح يمه ولا لا لازم نوقفه عند حده مو غصب اجي عنده ولا غصب اتزوج ولد اخوه يطلقني وانتهينا

خلود حطت يدها على وجه اسيل /كوني قويه انتبهي تتركيني يمه

اسيل /محد راح يقدر يمه صدقيني

نزلت تحت وتوجة عند باب المجلس الكبير سمعت صوت صراخ مشعل

داخل المجلس

مشعل وقف ب عصبيه /على موتي ترجع لكم و ترجع لولدكم

ذياب ببرود /موت أجل من الحين

قرب من ذياب يبي يضربه بس ذياب جالس ولا تحرك حتى يناظر فيه بنظرات خبث وابتسامه على جنب.

وبسرعة سحبه بو ريان هو و ريان

بو ريان / اهدا ي مشعل لا تسوي مشاكل احترم شيوخ القبيله

مشعل ب قهر /شايف ذا الحقير وش يقول

بو ريان / كل شي راح ينحل الحين