حينما يكون الحب في زمن الكوليرا أنقي الاف المرات
وان الكوليرا لم تكون الا مرض يقتل ولكنه يوجهه بكل
شجاعه فيقتل صاحبه ظلت الكوليرا منتشره ولكن انتشر معاها الحب النقي
انا اليوم فهو الحب في زمن الماسينچر حب خارج عالمنا ولكنه داخل العالم الافتراضي
حب ملووث غير حقيقي لتجد المرض اشرف وانقي
يبدأ بالزوج من شاب احمق
يقول يا بت انتي مراتي
لتصدقه الغبيه وتقول
طبعا انت جوزي ياض
ولكن عند اول خلاف يتم الطلاق سريعا بدون شهود المأذون اسمه الجديد بلوووك
ولا تنتهي هنا القصه بل تبدأ فيبدأ أشباه الرجال في نشر صور للفتيات بملابس منزليه فاضحه او تسجيل مكالمات للتهديد
هل تعتقد انك رجل ؟
فانتظر يوم ان تأتي اختك باكيه منهاره لتقول لها
مالك يا بت في ايه
سوف تحكي لك وستسمعها تقول
في واحد كنت بحبه عَل الماسينجر بيهددني بالصور اللي بعتهالًوا
اشرب يا عم الراجل او بالبلدي البس علشان خرجين
كل ده علشان واحده صدقتك ماشي بس قصتي النهارده مختلفه شويه
طب احكلنا
حاضر كان في بنت اسمها شيماء بتموت في الفيس بوك عايشه جواه وسايبه البيت كله وعايشه جواه الشاشه
هاااااوبعدين
وبعدين جالها رساله ماسيچر من واحده اسمها يسرا
دخلت علقت عند شيماء كذا مره بمنتهي الادب
شيماء قرت الرساله بتاعه يسرا وكانت
يسرا كتبلها انا اسفه علي التطفل بس زهقانه قلت اتكلم معاكي شويه لو مردتيش هعرف اني طلبي اترفض وهتعتذر من دلوقت
طبعا شيماء حست باحراج وردت عليها وقالتلها
لا ابدا مفيش تطفل ولا حاجه وبقوا اصحاب جدا
هاااااا وبعدين
وبعدين حصلت كارثه
ازااااي
احمد مااات انتي مجنونه يا شيرين
مفيش هزار في الحاجات دي.
تكتب شيرين ربنا يشفيكي يا شيماء
لترد شيماء بقولك ايه بلاش تكلميني تااني انتي متغاظه مني علشان انا مخطوبه وانتي لاء يا بايره خليكي قاعده علي الماسينچر تدوري علي حد يبوصلك وتبعتي صورك لطوب الارض يا رخيصه انا هعملك بلوك وارتاح منك يا حقوديه يا زباله
يلا غوري في داهيه تاخدك
وتغلق الخط ترتعش يدها وتمدها لتتناول بعد الحبوب المهدئه وتشعل سيجاره وتكتب من جديد
وحشتني يا احمد اوووي انت نمت ولا ايه
تنتظر قليلا ثم يكتب احمد من جديد هو انا اقدر انام من غير ما اقولك تصبحي علي خير يا حياتي
ايه بقي حكايه يسرا صحبتك دي
تتعصب شيماء وتكتب مش عارفه انت مهتم بيها ليه علي العموم هي ليها اخت اظهار عليها شمال متجوزه وبتكلم واحد غير جوزها
يكتب احمد اسمها ايه اختها دي يا شيماء
ترد شيماء اسمها مروه
بتسأل ليه
لم يرد احمد لمده دقيقه ولكنه عاد من جديد ليقول طب ممكن تعرفيلي ايم الولد الي بتكلمه بعد اذنك
تكتب وهي مندهشه
فيه ايه يا احمد مالك مهتم اوي كده بالموضوع ده انا مش مطمنه خااالص
يكتب احمد في سرعه ا
اسمعي اللي بقولك عليه علشان خطري كلميها وتعرفي اسمه ايه يا شيماء
تستسلم شيماء لتطلب احمد وترسل رساله الي يسرا
يسرا انتي لسه صاحيه اسمه ايه الولد اللي بتكلمه اختك
تري شيماء العلامات التي تظهر قبل الكتابه لتعرف ان يسرا سترد عليها
تكتب يسرا اسمه هشام بس بتسالي ليه
تترك شيماء يسرا وتكتب لاحمد
اسمه هشااااااام ارتحت بس انا من حقي اعرف ليه بتسأل
يصمت احمد قليلا ثم يكتب
اصل انا اعرف هشام ومروه يا شيماء
تندهش شيماء وتكتب تعرفهم منين الأشكال الزباله دي يا احمد
ليكتب احمد
انا مش احمد يا شيماء مش احمد
انا
انا
انا
هشاااااااام
تترك شيماء الهاتف ولَم تفهم شيء تشعل سيجاره اخري ثم تمسك الهاتف من جديد ًوتفك حظر شيرين وتكتب وهي ترتعد
شيرين شيرين
لترد الاخيره ايوه با شيماء
تكتب شيماء هو ايه الحكايه
انتي بتقولي احمد مات
بكلم احمد بيقولي ان اسمه هشام ههههههههههههه
شكلكم ده بتلعبوا عليا يا ولاد اللذينه احكيلي بقي يا شيرين
تكتب شيرين انا اسفه يا شيماء بس احمد فعلا مات بسبب فضيحه اخته لما عرف حكايتها
وانها كانت بتحب واحد وبعتتله صورها وهي عريانه والجبان نزلها علي الفيس بوك مستحملش يشوف صور اخته نزل فيها ضرب لحد ما قلبه وقف وانتي لما عرفتي دخلتي مصحه نفسيه وخرجتي وقفالتي عليكي الف باب لحد ما اتعرفتي علي هشام وبقيتي تقوليلوا احمد هو مكنش يعرف اي حاجه حصلتلك لحد لما شوفته بيعلق عندك دخلت كلمته وحكيتله كل حاجه عنك بس مردتش اقوله انك انك مش بنت وانك غلطي مع احمد قبل ما يموت وهو قالي انه هيحاول يساعدك ووعدني بكده
تبكي شيماء وتذهب وتجلس في احد الأركان وتترك هاتفها بجوارها
************************
فيه ايه يا شيرين انا بكلمك ليه مش بتردي عليا
تكتب شيرين اسفه يا سماح بس كنت بكلم شيماء صحبتي ربنا يكون في عونها
تكتب سماح اه صحبتك السايكو دي انا مش عارف انتي متعلقه بيها كده ليه
تكتب شيرين حرام عليكي متقوليش كده دي غلبانه جدا ربنا يكون في عونها
تكتب سماح يعني انتي بتسعديها علشان مريضه نفسيا وصعبانه عليكي
تكتب شيرين اه طبعا يا سماح
تكتب سماح علي فكره صورك اللي بعتهالي تجنن بتاعه الفرح زي القمر يا اختي عاوزه اعرفك باخويا ويبقي زيتنا في دقيقنا
تكتب شيرين الف مره قولتلك انا مش بتاعه الحاجات دي واللي عاوزني يجي يتقدملي
تكتب سماح طيب اسيبك علشان ماما بتنادي عليه وهرجع اكلمك
سلام
يا سامح يا سامح تعالي اتعشي وسيب الهباب اللي في ايدك ده
********************************************
هل عرفت من هو هشام الذي ادعي ان اسمه احمد ليساعد شيماء انه بطل القصه الاولي الشخص الذي يتحدث مع مروه المرآه المتزوجة وهي ايضا اخت يسرا صديقه شيماء
ذهب سامح الذي يلعب دور الفتاه سماح في محاوله يستخدمها كثيرا من الشباب او المرضي النفسيين للتعرف علي الفتيات بوسيله او بأخري نسوا انهم رجال تحولوا الي نساء ولو يعلم ابأهم بذالك لتقتلوهم مشكله تواجه الكثيرين في مجتمع فاسد انعدمت فيه الأخلاق يستبيحون كل شيء فقد حكت لي فتاه عن احد هؤلاء اقصد أشباه الرجال انه دخل بأسم سوسن لأضحك واقول
ما طبيعي يا بنتي يبقي سوسن
لتكمل ده بقي دخل قالي ايه
هاي
ممكن نتعرف
انا سوسن
اضحك واقاطعها صدقي حلوه هاي ممكن نتعرف دي هبقي اجربها انا كمان دي كملي
تضحك هي الاخري قائلا
انا بقي قولته او قولتلها
انا اسمي وفاء من القاهره عشرين سنه
لقيته بيقولي بصراحه انا ولد وعاوز ابقي خدامك وتحت رجلك
واللي هتقوليلي عليه هعمله
قفزت من مكاني غير مصدق
لاقول انتي بتهزري صح لتعطيني هاتفها لكي اتاكدت لاكمل النص
تكتب وفاء والنبي مش عيب عليك تبقي راجل وتعمل كده
لترد سوسن اصل نفسي اتعرف علي بنت طب ممكن ابوس رجلك
تكتب وفاء يا بني انت اهبل ولا عبيط طب هقولك علي حاجه ما تيجي تحكيلي حكايتك
ليرد سوسن بس علي شرط توعديني متعمليش بلوك
تكتب وفاء اوعدك بس تحكيلي بصراحه
تكتب سوسن انا في كليه التجاره علي قد حالي بشتغل طيار بعد الضهر(عامل ديلڤري)
انا بتكسف اكلم بنت علشان منظري مش حلو بس بشوف البناطيل الضيقه والباديهات الكارينا ببقي هتجن وبحاول اعمل نفسي مش واخد بالي وبخبط فيهم انا تعبان جداا
تكتب وفاء كمل وبعد الضهر
ساعات بوصل طلبات الاقي واحده طلعه تاخد الحاجه من علي الباب الاوردر يعني وهي لبساه هدوم مش محترمه بروح البيت وبفضل افكر جربت ادخل اكلم بنات باسم ولد محدش بيرضي اصحابي قالولي اعمل كده هوقع بنات كتير واخد صوارهم وابعتلهم اي صوره لبنت من علي الفيس بس انا مش برضي اعمل كده
تكتب وفاء بس انت كده غلط
ومش صح اللي انت بتعمله
يكتب سوسن ما انا عارف اني لا هقدر اتجوز ولا اخطب طب اعمل ايه
تكتب وفاء ربنا يهديك انا هستأذن دلوقتي ونكمل بعدين بس قولي اسمك الاول
يكتب اسمي محمد
تكتب وفاء يعني اسمك غالي وتحوله لحاجه رخيصه(مع كامل الاحترام للاسم المعني مختلف)
ربنا يهديك مع السلامه يا محمد
تكتب سوسن اقصد محمد مع السلامه
أعلن صدمتي لتضحك وفاء وتقول مالك اتخضيت كده ليه
لاقول مش مصدق
تضحك وفاء مكدب عنيك
لاقول مكنتش أتوقع ان احنا وصلنا لكده ان الواد يبقي بنت
تضحك وتقول يا واد يا بت
اضحك انا الاخر واقول دي كارثه بكل المقاييس المفروض الجيل ده بكره هو اللي هيعلم ويبني ويخلف لما يبقي سوسن وهو صغير ولاده هيبقم ايه لما يكبروا
تهز راسها وفاء وتقول مفيش دين مفيش تعليم مفيش ثقافه مفيش فلوس مفيش ادب مفيش اي حاجه مستني ايه انت يعني من جيل زي ده ده فيه بلاوي تانيه
واحده كلمتني بتقولي ان جوز امها بيدخل عليها الاوضه باليل
ولما تقول لامها تضحك وتقولها زي ابوكي ولا واحده ابوها مكبر دماغه عنها علشان تجبله حشيش ولا شريط ترامادول ان دكتوره نفسيه ولقيت في الماسينچر حالات مستخبيه في العالم الافتراضي
لم اعلق بكلمه لتقول وانت اخبار الموزه بتاعتك ايه
لأقول اسكتي يا وفاء انا خايف
لتندهش وتقول من ايه خايف
اقول وانا انظر لها هي بعتتلي صورتها هي حلوه بس بعد كلامك خايف يطلع ولد ونيته مش كويسه ويكون عاوز مني حاجه
الا يخدك يا شيخه
تضحك وتقول انت لسه مش سمعت صوتها
أضع يدي خدي واقول بعتتلي ريكورد ربنا يستر بقي
تبتسم وتقول طب خاف علي نفسك
*************************
شيرين انا سماح معلش اتاخرت عليكي كنت بتعشي
هاتي بوسه بقي
شيرين والله انتي فائقه ورايقه يا سماح
سماح؛ بقولك ايه انا مش عاوزه اتجوز ما تيجي انا وانتي....
شيرين ؛ اه يا سافله يا حيوانه
تابعونيً
