نسيان (منقوله )

18

#نسيان
الحلقة 18
قراءة ممتعة😍😍😍
          (الكاتبة_جنات)
_________________________
بعتلي رسالة : منبيش نخش راه
عهود: كيف !!! لا بتخش كيف لا
رد عليا: تي منبيش
عهود؛لا بتخش ع خاطري
رد عليا:يستر الله
بعد سكرت التليفون ونادتني بتبدا فيا
فات الوقت كملتلي كل شي 😘😍😍
عهود: كنت طالعة خيال💕 اول مرة نحس الفرحة هكي .....
روحت للحوش كانو مرتبين الديكور والجو كله
اميرة:تهبلللي😍😍😍
فات الوقت وجي عبد الرحمن وعيلتهه
ومشي كل شي على خير
في الليل بعد ماروحو اتصل بيا عبد الرحمن
وقعدنا نهدرزو للفجر بعدها سكرت ورقدت
تاني يوم ......
نضت لقيت ماما مجهزة الفطور
فطرت معاها وضميت الحوش كلهه
تغديت وخشيت للدار ....
حطيت تليفوني ع مرايا الدرج
وقعمزت نقرا 😴
عهود:معش يبي يتم السيمستر هدا اللهم الصبر😑😑😑
عهود:خلي نقرا في البلكونة الجو حلو توا
طلعت نقرا وبعد كملت الشيت خشيت😴
عند حوش وردة 💞......
( في الليل)
اميرة تقول ....
روحنا من خطوبة عهود واني متأكدة ان
جهاد طالع مش في الحوش ومستحيل حيروح
خشينا للحوش وقلبي قابضني مشيت لي دار جهاد طووول اول ماخشيت انصدمت
اميرة عيطت: شن هدا😱
جتها وردة : قالت شن في ؟
بعدها شافت الصدمة
مرايات الدار مكسرات وعليهم دم💉💔
والدار محوسها ع بعضها
اميرة تبكيي: هدا كلههه ع خاطر عهووود 😭😭 شفتها شن دااارت فييييك كلهه ع خاطرررها لهدرجة تحبهاااا انت
وردة مصدومة ....
عند جهاد ..........
طلع بالسيارة قريب دار حادثث
وايده تنزف مش قادر يسووق 💔
جهاد:اخخخخ معاش قادر😣😣
وقف السيارة عاليمين وقعد يكمد في يدهه
بعد 10 دقايق تقريبا...
حرك السيارة واتجه للمستشفى ...
نزل بسرعة دخلوه للاسعافات
الممرضة:من شن يدك؟
جهاد: تكسرت عليا مرايا😏😏
عقمتله الجرح ولفتله يده كويس ....
جهاد: مشكورة ...
الممرضة: ولو ☺☺
طلع جهاد من المستشفى وقف سيارته عالبحر
لقي سخرة كبيرة قعمز عليها وقعد يدخن لين فات الوقت حي روحهه ناعس حتى سواقة مش قادر ....
عند حوش وردة .....
مسحت اميرة دموعها ولمت اطراف المرايا يلي منتشرة في الدار ضمت الدار كلها وعطرتها وسكرتها ......
مشت لي دارها حولت فستانها ورقدت طول من التعب
اما جهاد ....
روح للحوش الساعة 3
خش للدار ع طول سكرها ورقد
اليوم🌞🌞
ناضت اميرة تفطر هيا ووردة
وجهاد راقد مزال ماطلعش من دارهه
وردة : ربي يهديهه قتلهه انا ماطمعش روحك بيها هوا ميت فيها
اميرة : اساسا من الاول عهود رافضة فكرة الاقارب وحتى بعد اطلقت مستحيل ترضى تاخد جهاد لانها جربت قريبها وشافت شن دار فيها
وردة: يلا وخلاص ربي يبعتله بنت الحلال
اميرة: ان شاء الله ❤
وردة:هيا نوضي يابنت ضمي الحوش
اميرة:حاضر هي
ضمت اميرة الحوش وكملت ....
اميرة تبخر في الحوش سمعت دار جهاد انفتحت تلفتت لا اراديا وابتسمت:صباح الخير☺
جهاد: صباح النور 😪
جهاد واقف عالمرايا تع الصالة يساوي في شعره وتعطر وقال: اني طالع
اميرة:اوووف لامتى بيقعد حالهه هكي مش معقوله
وردة: توا ربي يفرج
وردة:سارة جاية بعدين
اميرة:الله😍😍
وردة:كلمتني امبكري
اميرة:كويس☺
عند عهود ......
طلعت من الصبح بكري واني في الكلية محاضرات وخديت شيتات
عهود:تعبت اليوم😪
حنان:احرف منك تعرفي
عهود: راسي 😣😣
حنان:تعالي نمشو للصيدلية
عهود:بعيد 😕
حنان: اه يعني عاجبك الم الراس كويس خليك
عهود ضحكت: باهي هي نمشو
حنان: معش تسكري راسك
عهود: مش ديما😁😁
طلعنا من الكلية للصيدلية
عند جهاد ......
كان ماشي في الطريق 
جهاد:راسي😪 خليني نوقف على الصيدلية بالمرة ناخد معقم جرح
نزل جهاد للصيدلية
اخد بنادول ومعقم جرح وهو طالع
في نفس الوقت عهود كيف وصلت للصيدلية
جهاد يساوي في نظاراتهه ركب السيارة بسرعة وخرها بأقصى سرعتهه وكالعادة قريب دار حادث من السرعة😕
عهود مالاحظتش جهاد بكل
حنان: خيرهه هدا قريب يقلب سيارته
عهود:وينهه
حنان: حولة انتي ماشفتيشي😒😒
عهود:مش مركزة
حنان:هههههه خليك في تليفونك خير
خشينا للصيدلية خديت حبوب وطلعت
واني كيف خاشة للكلية
شفت جهاد واقف على ..........
حنان:هدا شن جابه؟
عهود: مش طلع شكله رد تاني
حنان: ششوفي ع من واقف
عهود:.................
يتبع#
متأسفة عالتاخير مكنتش فاضية الايام يلي فاتو