نسيان (منقوله )

23

#نسيان
الحلقة 23
قراءة ممتعة
          (للكاتبة_جنات)
___________________________
فجاءة .....
سمعت صوت شي تكسر
نضت طلعت من الدار نجري بأقصى سرعتي
عهود:ماما شن فيييي؟؟؟؟
نورا: طلعت منعرفش منعرفش
مشينا للصالة لقيت تحفة كبيرة طاحت نكسرت
نورا:شن طيحها ؟؟؟؟
عهود: غريبة الحق
مشيت جبت لميتها ولوحتها
رديت للدار قعمزت كملت نتأكد من المعازيم
فتحت المدكرة نتاكد من كل شي
اتصلت بيا اميرة...
اميرة:اهلا عهود
عهود: اهلا بيك
اميرة:كيف حالك
عهود:تمام وانتي
اميرة: كويس شن جو التجهيزات
عهود: ماشيات امورهم
اميرة: باهي ربي يكملك عالخير
عهود: عقبالك ان شاء الله
اميرة :سلمك ، كان قاعدة توا نجيك مكسدة
عهود: قاعدة تفضلي
اميرة:اوكي ان شاء الله نقول لجهاد ونجي
عهود: تمام سلام
اميرة: سلام
ناضت عهود بخرت الحوش وقعمزت ....
نورا:خلاص اخترتي كل شي
عهود: اي اخترت بالنسبة للتقديم
مزال الفيلو غدوة نمشو نختاروه
نورا: اي ان شاء الله
بعد حوالي نص ساعة رن الجرس
نضت فتحت الباب سلمت ع اميرة وخالتي
خشينا نهدرزو ...
اميرة:حجزتي الفيلو
عهود؛ لالا مزال غدوة
اميرة:حاطة في بالك من مكان ولا بالنصيب
عهود: لا الحق عاجبيني فيلوات ياسين فرست كلاس بنشوفه اول واحد
اميرة: كوويس 😍😘
عهود:تمشي معاي؟
اميرة:ياخوفي نروحلكم بي فيلو 😂😂
عهود: هههههههههههههه عقبالك
اميرة: ان شاء الله
قعدنا نهدرزو اني واميرة وفات الوقت
في الليل ......
قعمزت فتحت نت هدرزت مع عبد الرحمن شوي وقتلهه بنرقد وراي طلعات الصبح
سكرت التليفون وقعدت نتقلب ونفكر لين خداني النوم
تاني يوم ......
نضت الصبح فطرت وخديت قهوتي
لبست جينز سماوي هااادي ومعاه بلوزة بيضاء
ووشاح حرايري
اتصلت بي اميرة قلتلها تجهز روحها
طبعا ماما رافعتنا نختار الفيلو
خطمت ع اميرة خديتها
ومشينا اول شي لي ياسين فرست كلاس
اول مانزلنا حسيتت اميرة فنصت عيونها بس سكتت مابيتش نسألها
خشينا وعجبني فيلو يجننن😻😻
احترت مابين 3 فيلوات
بس فالاخر قست واحد يجننننن ملكي
لونهه ابيض اوف شولدر ومطرز يجننننن قماشة ملكيهه وفخم هلبا ديلهه طويل😻
حجزتهه و دفعنا جزء من المبلغ وغدوة نتم فيه كله
اخترتلهه التاج والكندرة والمسكة❤
واحنا طالعين ....
عهود: هدا انس!
اميرة  سبقتني للسيارة ودارت روحها حولة
ركبنا للسيارة وماحبيتش نسألها
قعدت نساوي في ويشاحي
شفتها فالمرايا تبكي
عهود:اميرة اميرة خيرككك!!!!
اميرة لارد
عهود: خيركك يابنت
اميرة:..........
يتبع#