نسيان (منقوله )

26

اول شي اسفة جدا جدا اني تأخرت هلبا وعارفة نفسي مقصرة معاكم كانت عندي ظروف ومقدرتش نكتبلكم حلقة ياريت تلتمسولي العذر وحنعوضكم بإدن الله الجاي احلى
#نسيان
الحلقة 26

                       (للكاتبة_جنات)
قراءة ممتعة 😍😍😍❤
_______________________
اتصل بيها انس وفي نفس الوقت
طق الباب .........
اميرة خافت
لوحت التليفون من الخوف والخط مفتوح
فتحت الباب ......
جهاد: سنة باش تفتحي؟؟؟؟؟
اميرة: اااء ااه شن تبي ؟
جهاد دفها وخش للدار : نبي الشحن
اميرة خافت لان جهاد مايعرفش انها تكلم فيه
خطم من جنب السرير خدي الشحن وماركزش عالتليفون
اميرة في خاطرها: الحمدددد لله ياربي
طلع جهاد من الدار وسكر وراه الباب
مشت تجري للتليفون وانس عالخط
اميرة: خيرك ماسكرتش الخط 😑😑
هدا جهاد خش للدار
انس: نستنى فيك😊
اميرة: امممممم باه😌😌
عند عهود ......
كنت في المطبخ ندير في بان كيك😂 نهدرز مع عبد الرحمن❤
عهود: من يوم الخميس ممنوع عليك تكلمني😌
عبد الرحمن: ههههههههههه عينك
عهود: اي شن عينك
عبد الرحمن: يعني يوم الفاتحة متبيش تكلميني ياسر بلا كدب😂😂😂
عهود: مرات😌😌
عبد الرحمن: توا نشوفو😂😂
وهكدا يتعاركو😂😂❤
الصبح ......
ناضت عهود ضمت الحوش وبخراته
والعشية طلعت خدت الحاجات الناقصة وطبعا حاجزة زمزامات للصالة❤
يعني كل شي جاهز للعرس❤❤
بعد ماروحت من الطلعة قعمزت تكتب في المعازيم تاني بش تتأكد بالضبط وصلنا في حوش عمي محمد
عهود : ؟؟؟؟؟؟؟؟
نورا : على راحتك راه☺
عهود: لا ماتعزميهمش ✋
نورا: عمك بس في الفاتحة
عهود: عمي عادي لكن الباقيين لاااا
نورا: اوكي
كملنا المعازيم
نورا: 450
عهود: خلاص اعتقد مانسينا حد ولا؟
نورا: اي
نورا : هاتي نكتبو البطاقات
عهود: كلمة ممنوع اصطحاب الاطفال هكي كبرها ان شاء الله غير مايجيبوش صغار😡😡 يبدا عيد طفل بعدين
نورا : اصلا الصالة فيها مشرفة ترد فالصغار ماعدا الاقارب
كتبنا المعازيم وغدوة العشية بتجينا خالتي وردة واميرة بتطلع تعزم هيا وماما 🙈🙊( تقاليد زمان)
عهود: اني جعانة😓
نورا: توا انوض ندير بيتزا عالسريع
عهود: اوكي ....
ناضت ماما ادير في بيتزا وانا كسدت متكية
نورا : امالا عزوزتك بتنوض اديرلك بيتزا وانتي متكية
عهود: هههههههههههه طبعا مستحيل اصلا عيب
نورا: واني مش عيب يعني
عهود: لا انتي عادي😂😂😂😂
نورا: مصح وجهك😒😒
فات الوقت تعشيت وضميت الماعين 
تكيت في الصالون نتفرج ع مسلسل وتليفوني في الدار
نضت للدار لقيت رسائل من نهى واتصال من عبد الرحمن
استغربت من نهى خصوصا انها معش جت للكلية وشفرتها مسكرة
عاودت اتصلت بيها طوووول......
عهود: نهى كيف حالك عاش من شافك
نهى: الحمد لله وانتي
عهود: تمام الحمد لله
نهى: ظروف عائلية
عهود: شن امورك وحياتك
نهى:نقولو ماشية
عهود: باهي مدامك اتصلتي خلي نعزمك اول وحدة ع عرسي 😚😚
نهى: ماشاء الله الف الف مبروك
عهود: يبارك فيك ياقلبي عقبالك
نهى: هه ان شاء الله
هدرزت مع نهى وسكرت
عاودت لي عبد الرحمن ...
وقعدنا نهدرزو ...
عبد الرحمن: خيرك ماترديش امبكري
عهود: كنت متكية نتفرج والتليفون في الدار
عبد الرحمن: ااااها
فات الوقت ....
تاني يوم .....
نضت الصبح ضميت الحوش وعطرته
في الغداء.....
نورا: تعالي تغدي
عهود: والله ماخاطري ياماما
نورا: بدينا في خناق العرايس😒
عهود: معنديش نية😂
مع ال5 جت خالتي وردة واميرة
طلعو ماما ووخالتي يعزمو واني واميرة درنا قهوتنا وقعمزنا ع الطاولة في المطبخ ونهدرزو
فات الوقت روحو ماما وخالتي وروحت اميرة مع امها ....
نورا : ماقالتلكش امتى بيقعدو عندنا
عهود: لالا ماجابتش سيرة
نورا: اليوم اربعاء اكيد بعد غدوة يقعدو عندنا ولا غدوة
عهود: مرات !
عند حوش وردة ......
روحت وردة لقت جهاد قاعد فالحوش
وردة: غريبة روحت بكري
جهاد: درت دورة وروحت مكسدة البلاد
وردة: تعشيت ولا ندير
جهاد: لالا منبيش
اميرة ركبت لدارها
ووردة مع جهاد في الصالون ...
جهاد : يا امي نبيكك تخطبيلي
وردة: من سعيدة الحظ ياولدي
جهاد: خلي يكمل عرس بنت خالتي وبعدها نرفعك ليهم
وردة؛ ان شاء الله لكن ياولدي من تكون
جهاد: اخت صاحبي
وردة: ربي يقدم يلي فيه الخير
جهاد عيونه في تليفونه ويتكلم : ان شاء الله
فاتت الايام والوقت خالتي وردة جتنا من الجمعة معانا وكملنا العزومة....
جي يوم الاتنين متجمعين خالتي ونساوين خوالي وسارة والاقارب يعني .....
ندربكو ومغيرين جووو ...😍😍😍
في الليل ...
خشت كل وحدة لمكانها رقدت وانا من التعب ونايضة بكري سكرت فوني ورقدت .......
تاني يوم نضت الساعة 9
دوشة😑😑 نايضين من ال8 وحالة ...
نضت خشيت الحمام حشاكم دوشت وطلعت صليت وقعمزت معاهم خديت قهوة وكوكيز فقط  فطرتهم وقعدنا نهدرزو
اميرة: راسي صداع
عهود: في المطبخ تلقي عالرف
اميرة ناضت تاخد في حبوب وتسمع في صوت تحت روشن المطبخ يطل عالجنان يعني
اميرة فضول تبي تسمع صوت شنو وفجاءة .........
يتبع#