تاني يوم الجمعة طبعا مفيش شغل
ادهم خرج يجري وصدفة قابل طارق
ادهم كان خايف لطارق يكون كرهه بس خاب ظنه
طارق:ادهم ازيك كينج عامل ايه
ادهم:ازيك يا طارق انا الحمد لله كويس اخبارك
طارق: كويس الحمد لله ايه انت متعود تجري الصبح كدا زي الجوهرة
اادهم:اه والله من لما كنت في الثانويه وانا متعود بس امال فين الجوهرة يعني
طارق: والله انا وهي كل يوم بنجري مع بعض بس النهاردة بالذات بتاع ليل فمفيش حد بياخد يوم الجمعة غيره والله انا سعات بغير منه
ادهم:ويطلع مين الاخ ليل دا
طارق: ههههههههه يريته حتي بني ادم دا الحصان بتاع الجوهرة
ادهم: حصان؟؟هي كارمن بتعرف تركب خيل
طارق:احسن مني ومنك ومن اجدع راجل يركب خيل
ادهم:هو فين ليل دا
طارق:دا في نادي ......
ادهم: والله طب كويس دا النادي اللي انا مشترك فيه
طارق:اوعي تكون بتفكر تروح تسابقها
ادهم:اه وليه لاء
طارق بطريقة كوميدية:يا بني يا حبيبي انا مش عاوز احبطك بس انت مش قدها انا نفسي معرفتش
ادهم: ههههههههه لاء هروح سيبها لله
طارق:اوك براحتك انا ماشي بقي 🙋🙋
ادهم :مع السلامه
**********
عند تغريد التليفون رن برقم غريب
تغريد:مين دا الو
المتصل 😈: الو ازيك يا مزة
تغريد:مين معايا
المتصل😈:انا اللهو الخفي
تغريد:انت هتستظرف وجت تقفل
المتصل😈:لو قفلت حبيب القلب هيبقي من المغفور لهم يا قطة هاهاهاهاها
تغريد:انت مين وعاوز ايه
المتصل😈:انا عاوز تلغي المشروع اللي انتو بتعملوا دا
تغريد:في احلامك يا روح امك
المتصل😈: ههههههههه لاء قطة شرسة زي ما بيقولوا واكمل بشر بس وشرف امي لو معملتي اللي قولتك عليه لاقتلك جاسورة معاكي لحد بعد بكرة زي الوقت لو منفذتيش هنفذ انا سلام يا قطة هاهاهاهاها وقفل
تغريد:يا نهار اسود جاسر لاء لاء لازم اعمل حاجة وبرده المشروع مش هيقف
واتصلت علي جاسر
جاسر:سفيرة قلبي وحشتيني اوي اوي
تغريد:تعالي انا عوزاك ومتطلعش من غير الحراسة سمعت متطلعش من غير الحراسة
جاسر: فيه ايه مالك وحراسه ايه طول عمري مش بحب الحراسه
تغريد بعصبية: جاسر اسمع الكلام ارجوك بلاش عناد الوقت وتعالي بسرعة
جاسر:حاضر حاضر انا جاي اهو
تغريد :بالحراسة يا جاسر
جاسر: حاضر بالحراسة وقفل
تغريد:انا لا ضعيفة ولا مغلوب علي امري بس
انت الوقت بقيت نقطة ضعفي وفي نفس الوقت مصدر قوتي بس انا هخلي القوة هي اللي تنتصر
**"**************
في منزل تقي
حمزة :تقي الفرح هيبقي الخميس الجاي
تقي:امممم ماشي مفيش مشكلة
حمزة:تقي
تقي :ها
حمزة:هو انتي بتحبيني .
تقي: بص انا مش هكدب عليك انا بصراحه بدأت انجذب ليك يعني الاول مكنتش بطيق اشوفك بس الوقت حضورك وغيابك بيفرق معايا
حمزة بسعادة:طب الحمد لله دي بدايه مبشرة
اوي انا بقي امم بحبك بجد مش اعجاب بس
تقي:احم طب اسكت بقي
حمزة بغلاسة:ايه دا انت بتتكسفي يا بيضة
يعني طلعت زي البنات اهو
تقي بغيظ:زي البنات انا يعني انت مكنتش شايفني بنت انا مغلطتش من الاول لما قلت عليك سيد قشطة وراحت سيباه وماشيه
حمزة بضحك: ههههههههه خدي يا مجنونه والله بهزر يابت خدي
تقي رجعت:نعم
حمزة:نعم الله عليكي تعالي بقي علشان هتكلم بجد بقي
تقي:يا ريت
حمزة:احنا هنروح بطن الحوت بعد اسبوع من فرحنا و................
تقي:كل الكلام دا كويس بس انت فكرك هيعدي عليهم المخطط دا دول هناك حيتان بمعني الكلمة اكيد هيدورو ورانا
حمزة:احنا كمان هنروح باسماءنا الحقيقية
وهما فعلا هيدور. ورانا انت عارفه أن لما كنت بتمنعي تحطي صورتك علي الاخبار اللي بتجبيها جت بفايدة لانهم كدا مش هيعرفوا احنا مين وان عرفوا هيعرفوا اللي احنا عايزينه بس وبعدين انت خايفة ليه مش معاكي راجل
تقي: ههههههههه الرجالة ماتت في الحرب
حمزة:لا والله وكل واحد من الرجالة اللي ماتوا دول خد كل البنات الحلوين معاه وسابلنا العاهات بس
تقي:العاهات للعاهات والعسلات للعسلات
حمزة:طب يختي انا ماشي بقي وجهزي نفسك
*****************
في فيلا احمد ابو سيف
الخادمه:احمد بيه الفطار جاهز
احمد:شكرا يا ست الكل متعرفيش اقرب جامع هنا فين
الخادمه: اقرب جامع هنا عند ...... هو بعيد شويه
احمد:وليه مفيش جامع قريب من هنا يلا الحمد لله جت من نصيبي انا أن شاء الله اللي هبني واحد هنا
الخادمه:ربنا يحفظك ويجعله في ميزان حسناتك يا رب
احمد:تسلمي يا ست الكل
الخادمه:ربنا يخبر بخاطرك يارب ويرزقك بالزوجة الصالحة والذريه الصالحة
احمد:امين يلا بقي انا عصافير بطني بترقص
الخادمه:حلا اهو
************
في نادي ......
كارمن:السلام عليكم
عم خليل: وعليكم السلام ورحمه الله وبركاته
ازيك يا ست هانم
كارمن:تاني ست هانم تاني يا راجل يا طيب دانا حتي قد ولادك
عم خليل:طب يا بنتي اطلعلك ليل طبعا
كارمن:اكيد هو عامل ايه النهارده
عم خليل:عال العال خالص بس علطول بيهيج زي اللي عايز يشوفك
كارمن:اكيد دانا مربياه من صغره لما كنت بروح البلد لو سمحت بقي طلعهولي
عم خليل:حاضر يا بنتي حالا
وطلع عم خليل ليل
