اخبرنى كيف لى ان ابقي بوعي عندما انظر ف عينيك
.
.
.
.
* مر وقت الخطوبه سريعا وغدا موعد كتب الكتاب وقد تعلقت موده به كثيرا ع الرغم من ان الحديث بينهم شبه منعدم
#ف العمل
* موده سرحانه :- اعمل اى ف الملف الى معايا دا وخايفه اقول لحد طب اقول لأوس ... وهيعمل اى لو قولت يعنى .. هقوله وخلاص ويقولى اعمل اى
* موده :- استاذ أوس
* أوس بصلها :- ....
* موده بتفكير :- كنت .. يعنى عاوزاك ف موضوع مهم
* أوس ببرود بص لساعته :- تمام نص ساعه ومعاد الشغل يخلص ونتكلم
* موده :- بقولك موضوع مهم
* أوس :- طب اتفضلى قولى
* موده وهى تربع ايديها بعند :- طب لا بقا اى رأيك ...
* ثم ذهبت لمكتبهتا تعمل
* أوس راحلها وسحب كرسي برجله ونط قعد عليه وحضن ظهر الكرسي ووشه لموده :- اى الحوار
* موده باستغراب من حركته :- هااا 😮
* السكرتيره دخلت :- استاذ اوس
* موده بصوت لم يصل الا لأوس :- اهى ام طويله جت
* السكرتيره باعجاب لأوس :- استاذ أوس دا ورقك الجديد جيبهولك بنفسي
* موده سبقت أوس :- وانا فين ورقى .. ولا انا جربانه
* السكرتيره بقرف :- ف المكتب هناك روحى خديه .. انا بجيب لأوس وبس
* موده اخدته رمته من الشباك وببرود :- طيب يلا شكرا
* السكرتيره بعصبيه وهى تمشى :- بيئه ... بشكل اوفر بجد
* موده بصوت عالى وغضب :- اللهى اشوفك متشعلقه من شعر رجلك ياطويله ياام شخه
* أوس بضحكه هزت المكتب :- انتى بتجيبي الكلام دا منين
# هل ماسمعت كانت ضحكه ام نغمه من امهر العازفين هزت اوتار قلبى هكذا ... بل اكاد اقسم ان قلبي كان يرقص فرحا بهذه النغمه
* أوس لسا بيضحك :- اتحكمى ف ردود افعالك شويه فضحتينا
* موده مبتسمه ع ضحكته وتهزر رأسها بنعم بدون استعاب
* أوس عاد لطبيعته :- المهم كنتى عاوزانى ف ايه
* موده :- مش قولت لا .. خلاص بقا
* أوس قلع نظارته لاول مره ورافع احد حواجبه :- قولت اى الحوار !
* موده وقف الزمن فجأه :- يا الله
* موده تضع ايدها ع قلبها ف سرها :- كده كملت .. ناقصه هى عيونك دول .. الله يرحمك ياقلبي
# عدى وقت ع سكاتها وهى بصه لعنيه سرحانه
*أوس اخد باله وحاول يفوقها من غير مايحرجها :- الموضوع مدايقك للدرجادى
* موده :- هااا .. لا لا مش اوى كل الحكايه انى لقيت حاجه يعنى ومش عارفه اعمل بيها اى
* أوس لبس نظارته :- اى هى
* موده بتقلده تبص ف ساعتها :- لسا نص ساعه ع الشغل ونتكلم
* أوس رافع احد حواجبه :- قومى
*موده :- اروح فين
* أوس :- الشغل خلص خلاص
* موده :- بس لساا ...
* أوس :- ولا كلمه يتحرق الشغل
___________
ف كافتريا قرب الشغل
* موده بتوتر :- عارفه انك كنت عاوز نروح مكان تانى بس ..
* أوس :- مش هينفع تركبي معايا العربيه لوحدك .. عارف
* مودن بابتسامه :- طب يلا بسرعه بقا عشان معرفتش أسر و ..
* أوس :- انا اتصلت بأسر استأذنته اقعد معاكى ووافق
* موده بفرحه :- بجد
* أوس :- مش هخليكى تعملى حاجه غلط حتى لو كنا مخطوبين .. انتى مسؤليتى
* موده بنظره حب :- ....
* أوس بهدؤه المعتاد :- اى حصل
* موده افتكرت بتوتر وخوف :- اصل انا ... يعنى .. عملت هكر
* أوس :- وبعدين
* موده بشجاعه :- عملت هكر لملف كان محمى بدرجه عاليه وطلع ... طلع فيه بلاوى عن عملياات مشبوهه عملها عزت
* أوس اتغير ملامحه وبغيره :- اسمه المدير
* موده مخدتش بالها :- اها المدير عزت دا ..
* أوس خلع نظارته وبنظره حده :- اسمه زفت المدير بسس
* موده بغباء :- البس نظارتك كده اللهى يسترك مش ناقصه هى
*أوس بابتسامه لبس نظارته :- كملى
* موده :- عملت بقا نسخه للملف دا ومرعوبه اقول لحد ليحصل بقا خطف وعض ورفص وتهديد بقا
* أوس :- اها دا فيلم هندى لسا شايفه امبارح بس نسيت اسمه
* موده :- اى يا واد الخفه دى .. انت يوم ماتنطق تنطق عليا انا
* أوس بهدوء :- وفين الملف دا
* موده بصوت هادى وتبص يمين وشمال :- ف مكان العفريت الازرق ميعرفهاش
* أوس بيقلدها :- اظن اسمها الجن الازرق
* موده ترمش عينيها بغباء :- لا هو كده
* أوس بهدوء :- بكره بعد كتب الكتاب هتهولى وانا هتصرف
موده بخوف عليه :- بس انت ..
* أوس قلع نظارته :- متخافيش
* موده بتوهان ف عنيه :- هخاف ازاى ..انت موجود
* أوس بابتسامه ع عفويتها :- طب يلا ناكل
* موده :- ايوا بقا هو دا الكلام بلا ملفات بلا عصابات بقا .. كده احبك
* أوس بحب :- اعتبر دا اعتراف
* موده عملت من بنها :- الله ... اكل تحفففه
* أوس بابتسامه جانبيه ف سره :- هعتبره اعتراف
______________
يوم كتب الكتاب ف بيت موده
* ف غرفه موده
* أسر دخل :- يلا يلاا الماذون جه
* موده ماسكه ايد حور :-
* حور طبطبت عليها :- متخافيش
# تم كتب الكتاب
* موده بخجل شديد ف سرها :- مش قادره اصدق انك بقيت ليا بجددد .. وحلمى بقا حقيقه بجددد
* أوس ابتسم ثم قال :- فين الورق
* موده باستغراب وزعل :- معايا
* أوس :- هاتيه
* موده بدهشه :- الوقتى
* أوس بهدوء :- اهااا
* موده بزعل :- حاضر ثوانى
* بعد شويه موده :- اتفضل اهو
* أوس اخده قرأه ف دقايق بهدوء ثم قال :- متعرفيش حد ... وانا رايح مشوار وراجع
* موده بضيق شدته من دراعه :- خد تعالى هنا انت رايح فين
* أوس بص بحده ع ايدها رافع احد حواجبه ف سحبتها بسرعه برهبه من نظرته .. وقالها :- مشوار مهم .... خليكى كده عشان نخرج نتعشي
* موده :- لا تصبح ع خير
* أوس باستعجال :- طيب وانتى من اهله
* موده فضلت واقفه مكانها :- ايه حصل ؟؟
* حور :- ها ياعروووسه .. فين العريس
* موده بزعل وتريقه :- تقريبا هرب
__________
عدى اسبوع من كتب الكتاب ولم يأتى أوس العمل ولم يحدثها ولا مره
* حور :- هو أوس فين بقاله اسبوع
* موده بتوتر :- كويس مشغول بس شويه
* حور بعدم تصديق :- والله
* موده بهرب :- انا هنزل اجيب حاجه واجى
* موده ف سرها بدموع :- طب طمنى عليك ع الاقل واختفى .. يارب ميكونش حصله حاجه بسبب الملف ..يارب احميه
* موده غادرت من الشركه لكى تنعش نفسها ببعض الهواء ولكن وهى عائده ظهرت سياره سوداء من العدم وخرج منها رجال ملثمين وضعوها بعنف ف السياره واختفت السياره مره اخرى
___________
أنت تقرأ
عشقتك ايها الغريب ..
Romance♡ الحب لا يبحث عنه لا يخطط له .. الحب يختارك يضرب قلبك فى غاره مفاجئه بدون صفاره انذار ... الحب شعور غير مبرر الذى يبطل عندما نجد له اسبابا ♡النفس تميل لمن يشبهها .. كل واحد فينا بيدور ع فارس احلامه الى فيه مواصفات شبهه ويقول عاوز يبقي كذه وكذه عش...
