♡ انا انتظر خطوه واحده منك .. لأتى لك جريا كاسرا سبعين حائط
.
.
.
.
بعد الانتهاء من الغداء جلست العائله معا ولكن كان الجو المسيطر هو الهدوء والرهبه من ذلك والعجوز الذى كانت هيبته تسيطر ع المكان وكأنه نسخه مكبره عن أوس
*موده بحب لأوس :- انت كويس .. انت ملحقتش ترتاح
* أوس واضع قدم ع قدم :- تمام
* موده بنصف عين :- طب اطلع ارتاح
* أوس بحده خفيفه :- قولت كويس يبقي اتنهينا
* عزه بدلع :- سوو ماتطلع ترتاح انت جاى تعبان
* أوس يستعد يقوم :- ليه لا
* موده تضغط ع سنانها :- اقسم بالله لو قمت من مكانك هفجرررك
* أوس بابتسامه جانبيه قعد :- شويه ياعزه
*موده بنظره غضب :-
* الجد يغادر ولكن وقف ف نص الطريق :- موده .. تعالى ع مكتبي
* حازم :- زياره سعيده يابنتى .. كان نفسي والله تطولى معانا
* حبيبه بضحك:- ياحبيبتى كان باين عليكى طيبه
* عزه بشماته :- دا احنا بنترعب منه امال انتى هتعملى اى يلااحسسن
* موده وقفت بثقه وقالت لعزه:- الخوف دا مش بتاع موده .. مليش مكان فيه
* حازم وحبيبه بيسقفواا :- سقفه يا جماااعه .. الله
* موده تمشى بثقه :- وسعولى كده
* موده رجعت لأوس وبصوت واطى :- هو لازم اروحله يعنى
*أوس :- ههههههههه امال شجيع السيما الى كان بيكلم راح فين
*موده بتتنيح ف جمال ضحكته :- طب البسك نقاب طيب اعمل اي .. امشى جاتك نيله ف حلااوه اهلك
* موده جرت ع المكتب برهبه :- طب اجري من باب البيت واهرب ولو اتمسكت اقوله افتكرته المكتب .. عااااااااا عاوزه امشششى
*أوس ابتسم ع قطته :- جبانه
* أوس يطلع منزله ::- انا هطلع بقا ياعمتى ولما تخلص عرفيها
________ ف المكتب
* موده تخبط :- ..
* الجد :- تعالى اقعدى
* موده دخلت بثقه تدارى الخوف وقعدت :- ..
* الجد بجمود :- من غير لف ودوران .. عاوزه اى من ابنى
*موده بغباء :- ايه السؤال
* الجد بحده :- اتجوزتى ابنى ليه
* موده بجديه وهدوء :- حضرتك هو الراجل الى بيختار مش انا
* الجد :- بس انتى الى بتوافقى .. ومتقنعنيش انك بتحبيه حبتيه ازاى ف كام شهر بس .. عاوزه اي فلوسه ولا منصبه ولا شكله
* موده بهدوء :- فلوس اى وشكل ايه هو القرد ف عين اهله غزال
* الجد بحده وقسوه:- وانا مش حابب وجودك
* موده مسكت دموعها :- عندك حفيد حضرتك خد معاه القرار
* الجد :- وانا اخدت القرار
* موده بثقه وقوه :- لا انا حضرتك لسا مخلصتش الجمله .. خد معاه القرار وانا اشوف اعمله ولا لاء
* الجد :- يعنى ايه
* موده وقفت بهدوء :- يعنى لو حضرتك وأوس مش عاوزنى وانا مش حبه امشى مش همشى .. انا مش جايه العب دا بيت وحياه مكنتوش من الاول تدخلوا بنات الناس ف بيتكم
* الجد بأهانه :- وهو حد منا جه طلبك .. واضح ان اخوكى ماصدق
* موده نزلت دمعه مسحتها بسرعه :- والله حضرتك تسأل أوس الحوار حصل ازاى ..
* الجد :- منا بسالك اهو
* موده :- لا حضرتك مش بتسأل انت بتأمر و بتهينى ومش انا الى يمشى معاه كده
* الجد بنظره غامضه :- تاخدى كام وتسيبي ابنى
* موده بهدوء :- انا بعتذر جدا انا مش هكمل نقاش مع حضرتك .. تسمحلى امشى
* الجد بقرف :- طيب
*موده بدموع بعد ماخرجت :- يارب انا مش مستحمله واحد جايبلى اتنين الطممم
_________
* ف منزل أوس وموده ظلت موده امام باب الشقه مده طويله تشعر بالحرج من الدخول وظلت تسرح بخيالها عن حياتهم معا وكم هى سعيده
___الخيال ___
* أوس بحب :- مووده
* موده تضع ايديها خلف رقبته وبدلع :- قلبها
* أوس يخبط انفه بأنفها :- وبعدين بقااا
* موده بحب :- انا كلمتك
* أوس قربها اكتر :- بحبك يامودتى
* موده تخبط ع بطنها الحامل:- وانا بموت فيك يااحلى بابا
*أوس نزل ع ركبه وحضن بطنها :- ربنا مايحرمنيش منكم
* موده باحراج :-
* أوس شالها بين ايديه بحب :- تعالى هقولك حوار
* موده بخجل :- ههههه
______ الواقع
*موده تبص للسقف :- هييييح .. دا مش خيال .. دا معجزه .. اللهى تولع ياشيخ جبتلى جفاف عاطفى ههههههه
* اوس بزعيق :- مووووده
* موده نطت بخضه :-
* أوس بحده ودخل البيت :- بقالى ساعه بندهلك .. اتنيلى ادخلى
* موده تفت عليه :- ياأخى اتفوووو .. اهووو يارب اهوووو .. دا خلقه واحد رومنسي اروح انتحر يعنى ولا اعمل ايه
* أوس بزعيق :- اخلصى ادخلى
* موده تهدى نفسها :- انا مش هتعصصصب .. مش هضاااايق خااالص
_________
ف المساء تجمع الجميع ع العشاء ماعدا الجده لاتغادر السرير لمرضها
* عبد الرحمان لحازم :- مين المزه دى
* حازم من تحت سنانه :- هات عنيك هنا بدل ماتلاقيها بتتدحرج ع الارض الوقتى دى مرات أوس
* عبد الرحمان عمل اعمى :- مين طفى النور
* حازم بضحك :- ايوووه كده خاف ع مستقبلك
* حبيبه بحب :- هااا ياعبده عملت ايه النهارده
* عبده بعدم مبالاه:- عادى خرجت
* حبيبه :- ماشاء الله .. واحنا بنقول الطيار راح الطيار جه وهو ماشى يصيع
* عبده :- يعنى اروح الشغل ولا امشى مع المزز بتوعى
* حبيبه بقرف :- مزز .. طب اطفح وانت ساكت
* عبده لحازم :- الرقه بتنط من اختك
* حبيبه :- ف اعتراض
* عبده :- انا اكلمت دا حازم
#كان أوس يرتدى احد التيشرتات الرياضيه كت تبرز عضلاته و شورت فوق الركبه جينز
* عزه بحب :- امال اى العسل دا
* موده تغير الموضوع :- هو جدو ونينا مش هيجى
* عزه متجهلاها وبجرأه:- شايف يا عبده يا أملس .. شايف الرجاله ازاى رجله وايده فيها شعر ازاى
* موده ف سرها بصت ع أوس :- اى الاغراء ف الشعر مش فاهمه
* حبيبه :- ماله ياختى عبده عسليه اهو
* حازم ضربها ع قفاها :- خفى يا عسل
* جاء الجد ف حل الصمت وبعد الانتهاء بفتره جاءت زياره للمنزله وكان أسر وحور واخيها وليد
* وليد يسلم ع أوس :- اهلا يابطل حمدلله ع السلامه
* أوس بثقه :- شكرا
* وليد :- معرفتش مين عمل كده
* أوس بقوه ونظره حاده :- معرفش بس هيروح فين
* أسر :- اكيد هيقع وربنا هينتقم منه
* أوس بضحكه جانبيه وحط رجل ع رجل :- اكيد متستعجلش
* حور بخجل :- الف سلامه على حضرتك
* أوس بابتسامه :- الله يسلمك
* حازم اتسحب وراح لموده :- بقولك ايه مشى صحبتك دى بقا عشان بتعملى انهيارات ف المناعه
* موده :- صحبتى مين
* حازم بهيام :- حوور
* موده نطت بفرحه :- هى هنا
* حازم :- انا حذرتك اهوو ابعديها عنى .. والا والله هبوسها واجيبلكوا العار
* موده :- اتلم
* حازم :- اتلم ايه انتى مش شايفه حتت الجاتوه
* موده وهى تغادر :- احب اقولك ان المقابله انتهت
* موده نطت ع أسر حضنته :- اسررررررر
* أسر حضنها ثم رماها :- اوعى ياعجله البحر انتى
* وليد :- ازيك يا موده
* موده بابستامه :- ازي حضرتك
*حور جت تتكلم
* حازم وقف قدامها وبحب:- لا لا انسيهم بصيلى اناا
* حور بغباء :- افندم
* حازم بعصبيه :- مين دول ياانسه الى جيالى معاهم دول ..
* حور بتلقائيه وخضه :- دا اخويا
* حازم يلف بعينه ف المكان وبأحراج :- يعنى اسكت .... طيب
* حور مشيت :- انت مجنون
* كانت موده تتحدث مع أسر وحور ولكن كلما تنظر لاوس ترى النار تخرج من عينيه
* موده ف سرها :- عملت اي بقا الوقتى عشان يبصلى كده .. دا بيطلع نااار والله .. انا مالى انشله يقعد ع فحم دا مجنووون
_______
بعد الانتهاء من اليوم صعد أوس وموده لمنزلهم
* موده عامله عبيطه :- يااااه تصبح ع خير
* أوس رمى المفاتيح بعصبيه :- اقفى عندددك
أنت تقرأ
عشقتك ايها الغريب ..
Roman d'amour♡ الحب لا يبحث عنه لا يخطط له .. الحب يختارك يضرب قلبك فى غاره مفاجئه بدون صفاره انذار ... الحب شعور غير مبرر الذى يبطل عندما نجد له اسبابا ♡النفس تميل لمن يشبهها .. كل واحد فينا بيدور ع فارس احلامه الى فيه مواصفات شبهه ويقول عاوز يبقي كذه وكذه عش...
