خانني مع اختي

البارت 1😍

رواية / خانني مع أختي
الحلقة الأولي
روايه ليبيه وقصه حقيقيه منقوله وقصه محترمه ما تخلي تفكيرك يمشي لبعيد ولوح عليك عقليه تع مراهقين
علقو هلبا باش يوصل المنشور للكل
أنا أسمي بسمة مواليد 99
نسكن في طرابلس
نقرأ في جامعة عندي صحبة وحدة معاي في جامعة الباقي كل وحدة خشت لمكان
عندي 3 خوات خواتي زوز الكبار متزوجات وقعدت أنا وسحر
بلقيس 89
مودة 93
سحر 95
أنا كنت الصغيرة ومدللة بابا وماما
ماعنديش خوت ولاد
كنت مرتبطة بشخص أسمه علي ونحب نقوله عليوتي
هو مواليد 89 كان أكبر مني ب 10 سنين كنت نحبه هلبا كان جداب في شكله شخصيته حلوة وكل شي فيه حلو
استمرت علاقتي معاه سنة وشهرين
بعد ماقعدت معاه الفترة هده بدي يطلب نطلع معاه بالسيارة نديرو دورة ونهدرزو خير من الجامعه والأمن وهكي
أنا طول حكيت ل صاحبتي سوما
وقلتلها اللي قاله عليوة طبعا سوما قالتلي هو يبي يخطبك وخايف ع سمعتك في جامعة يشوفك حد مداما تحبيه هو مشوار وفطور وهدرزه وخلاص حسستيني بيرفعك لمكان
أنا قعدت نضحك ووافقت وطلعنا تقريبا 4 مرات لا توا كان جو حلو أغاني ونمشو نفطرو ونتغدو ويرد فيا قبل ماتجي أختي لأن خواتي يعتبرو فيا صغيره مش فاتحه معاهم مواضيع اني نكلم في ولد ونحب وهكي
في مرة عليوة طلب مني نمشي معاه ل حوشه قالي نبي نوريك حوشنا المستقبلي ونطلعو مش حنعطلو
أنا ثقتي بيه كبيرة ووافقة أني نمشي معاه
نضت صبح بكري لبست وقمت شعري فوق طبعا كنت مش متحجبه هو قالي حنحجبك وديما يعارك فيا يبيني نتحجب
مشيت للجامعة وقلت لصاحبتي بنمشو نفطرو
وصل عليوة للجامعة وركبت معاه وزي العادة طريق كله شاده ايده ونصور لحد ماةصلنا للشارع
قعد يقولي هدا شارعنا ياروحي
انا قلبي بدي يدق بسرعة هلبا معاش عرفت كيف ندير خفت
دخل السيارة داخل وفتحلي الباب قالي أنزلي يا أميرتي لمملكتك
نزلت وكان الخوف مالكني مانعرفش علاش
يتبع ...
تفاعلو حنزل الحلقة 2