الحلقة /2
رواية / خانني مع أختي
متخليش تفكيرك محدوده قصه حقيقيه ومحترمه
علقو هلبا خلو المنشور يوصل للكل
نزلت من السيارة
خطيت خطوات هادئة
كنت واثقه فيه بس حاسة بشوية خوف
خشيت للحوش شدني من ايدي قالي خشي يا حبيبتي ب رجلك يمين
قعدت نضحك
المهم خشيت وقعدت نشوف في الحوش طبعا كان كامل الا الأثاث مافيشي
قعد شاد في ايدي ويشرحلي علي الحوش
وصل في دار النوم قعد يتسهوك عليا
عليوة : حبيبتي أهني بترقصيلي وبندلعك وبنجيبوا البيبي
أنا خدودي ولو حمر من كلامه قعدت نضحك ونقوله تحشم عيب معاش تقولي هكي
قرب مني وحط ايده علي بطني من هالبطن العسل بتجيبيلي البيبي ياعسل
أنا حسيت روحي سخنت وقلتله باعد ايدك عليوة خيرك هبلت زاد قرب مني وحط ايديه علي خصري
أنا بجديات تعفلقت وقعدت نقوله نبي نروح حول خلاص
قعد يقولي معقولة تخافي من راجلك وكان حطيت ايدي وحتي بوستك ودرت معاك كل شي في نهاية انتي مرتي وحلالي أنا
أنا خفت هلبا وحسيته أنه بدي يقرب مني أكثر قعدت نقوله نبي نروح ماتوقعتكش هكي أنت كيف تمسني هكي وتفكر فيا هكي
هو حول ايده وقالي أنا مش حنمسك مداما انتي مش راضيا
بس قرب خداني في حضنه وقعد يبوس فيا علي راسي
أنا الحق حنيته حضنه ماقدرتش نقاومها قعد حاضني ونقوله أنا نحبك وأنت عارف شي هدا بس نبي كل شي معاك بالحلال
قعد يشبح ل عيوني ويقولي كان في يوم حندير حاجه حتكون ب رضاك
أصريت أن نطلعوا من الحوش
هو ما غصبش عليا شي وقالي هي نمشو نفطرو في مكان حلو
مشينا غيرلي جوي وكان اللي صار في الحوش كأنه حلم لأن في فترة علاقتنا كانت كلها مجرد لمسات ايدين أو بوسه علي الخد مافيش شي أكثر
وصلت جامعة وجت أختي روحت بيا وطول الطريق ساكتة وسرحانه لين سحر سألتني خيرك شن فيك
قلتلها شي تعبانه من المحاضرات
طبعا أنا محاضراتي فايتتهم ع خاطره
خشيت حوش تكيت علي السرير وقعدت نتفكر في لمساته
أتصلت بيه صكر عليا بعتلي مسج شويه جنبي ولاد نوصل الحوش نكلمك أصلا نبيك في موضوع
أنا عقلي وقف قعدت نفكر زعما من اللي صار اليوم كيف عيطت وخفت لالا مستحيل يزعل مني يعرفني نبيه ونحبه هو من كثر تفكير خداني النوم
نضت مع 5 لقيتش مكالمة
أتصلت بيه صكر عليا وعاودلي صكرت باب الدار وقعمزت علي سريري ورديت عليه بصوت حنين وكلام حلو
هو صوته حسيته متعفلق عليوتي خيرك شن في
عليوة بسومتي حبيبتي نبي ندوي معاك في موضوع
ونبيكش تاخدي موقف ولا تفهمي غلط
يتبع . .
أنت تقرأ
خانني مع اختي
Ficción Generalقصة ليبية حقيقية منقولة تحكي ان شاب خان حبيبته مع اختها💔💔💔 وماينديرش انها اختها الا بعد.......... تابعوهاا تو تعرفو 😊😀
