خانني مع اختي

البارت 5😊

الحلقة / 5
قصه ليبيه وحقيقية
رواية : خانني مع أختي
حسيت روحي أرتخيت
بعدها خفت قلتله عليوتي نحس في سيارات بيخطمو
وخر شوية
قعدت نشبحله من عيونه دايب فيا
قالي مش كان بستك في الحوش خير والله نخاف عليك مانبي شي يمسك
المهم حطني في الجامعة وجوي كان حلو وماقدرتش نحكي ل سوما علي اللي صار حسيتها اخي وامس قلتلها يبي ويبي
مرت علينا أيام عسل وجو حلو
بعد أسبوع تحديدا أتصل بيا في الليل
قعدنا نحكو وكان مقعمز قدام البحر وقعد يقولي السبت بنطلعو بنمشو للحوش
انا قعدت نقوله لا فوته الحوش مانبيكش تغلط معاي
قعد يقولي والله حاجه مش ب رضاك مستحيل نديرها
أنا قعدت نقوله عليوتي أنا قلت لا ومش راضيا نمشو لمكان بروحنا
قعد يقولي والله نحبك ونبيش نخونك ونبي كل شي نديره معاك
صار نقاش بينا وأنا صكرت راسي وقلتله حتي طلوع في سيارة معاش حنركب معاك تبيني تعالالي في الجامعة
الحق عليوة تكنطي وصكر عليا
ومعاش يبي يرد
أنا تعفلقت وبعتله رسالة
( توقعتكش هكي كنت نحسابك تحبني وتبيني حلالك بس الباين أنك طامع فيا وأنا مافيش يوم كدبت وعليك وخنتك كنت نشوف فيك راجلي )
فاتو يومين وعليوه معاش أتصل ولا رد علي رسالتي
أنا اليومين هدو بكيت هلبا نتفرج علي صورنا وفيديواتنا وقلبي مكسور مانبيش نبين ضعفي قدام حتي سوما أقرب صديقاتي ومدايره روحي قوية هلبا
قعدت علي الحال هدا أربعة أيام وأنا نستنا في رسالة منه أو مكالمة ومافيش فائدة
حسيت أن هده نهاية.علاقتنا وتمت قصة حبنا علي خاطر شهوته بس وأنا حاسة أنه شي تافه كان يحبني را مارضاش يدير معاي هكي
خلي نمشو لعليوة شوية ونشوفو شن مداير في هالأيام هده اللي فاتو
طبعا عليوة عرس صاحبة أحمد وعالق في العرس فرقة وهياجه وأكيد شرب وهبال وفايت بسمة وأصلا حاطها علي جنب ومش هامه الموضوع
بكل أنه متعارك معاها
بكل أنتو الولاد قلبكم قاسي هههه
المهم خلي نرجعوو للرواية
سراج : عليوة روح بات عندي اليوم شن رأيك
عليوة : زعما نخطمو علي الحوش ناخد حاجات ونمشو
سراج : تم ياقدر هي
مشو لحوش سراج وكملوا السهرية
سراج : عليوة عرفت البنت اللي تعرفت عليها في الكافي
عليوة : اي خيرها
سراج : غدوه بنتلاقي أنا وياها وبتجيبها صحبتها وجو صحبتها بتقعد لاكن بتقعمز جيهتنا
شن رأيك تعالا ع أساس تبي مني حاجه وشوفها كان عجباتك نظم الأمور
عليوة : خلاص تم ياقدر أصلا عيت منها بسمة ونبي نغير كل شي لا نحسابها أرتخت تبيني جو مراهقين
سراج : أنت مكلملي فرخه تي هده تسوق وجو مليح وتشوفها أمتي ماتبي المهم شوفها أصلا أكيد بنتضرب فيك ياعشيري
عليوة : ههههه أنت ياواثق خلاص تم نوضني معاك الصبح خلي نرقد

الصبح الساعة 11:00
في الكافي
يتبع . . .
ديرو تاق لاصدقائكم
تفاعلو منشور ميوصليش 1000
دعوه لجميع أصدقائكم بيش نزل حلقه 6