عذاب....حااامل
الدكتور....اي الف مبروك
عذاب..يبارك بعمرك
شوق..سمعت اني حامل بس مفرحت مدري ليش احس ما ارريد اتعلق بي لان كل ما احب شخص يروح مني واخسره
بقيت انا واكفا مصدومه معرف شنو من احساس تملكني بلحضتها فرح على خوف بشده على صدمه
كتب الدكتور علاج عباره عن فيتامينات اخذ عذاب الورقه وأجى مسك ايدي وطلعنا
عذاب...تعالي يعمري كعدي على الكرسي هنا لين اجيب العلاج واجي
شوق....تمام
راح عذاب جاب العلاج دخله على الدكتور وطلع اخذني وطلعنا صعدنا بل سياره
عذاب...مبروك حبيبتي
شوق.....
عذاب....شوق شوق احجي وياج شبيج صافنه
شوق...هاا منتبهت
عذاب...شبيج ضايجه
شوق ...مابيه شى
عذاب....لا بيج كولي من سمعت بل حمل ضجتي ليش مرايده طفل مني بعدج كارهتني ومتريدني
شوق...عذاب اطلب منك طلب
عذاب....عيوني الج
شوق...لا تكول على الحمل خايها بيني وبينك
عذاب...ليش شنو بايكا
شوق...عفيه عذاب فدوه لا تكول هسه عفيه
بجيت بحركه ونزلت دموعي على خدي حاره
عذاب...شبيج شوق ليش تبجين منو وياج يروحي وليش تردين ما كول هاذا ثمره حبي الج تدرين الفرحه ما واسعتني ليش شوق كولي
شوق...عذاب يحجي بعبره وصوت مخنوكه شرايين ركبته تبين بحده انا خفت منه بس ابجي
عذاب.....احجي كليلي ليش وج حيرتيني وياج كل يوم بسالفه وانا الي اتعذب وانتي ما هامج
وهسه هاي الناقصه وكملت تضمين حملج ليش بلله خاف ناويه تسقطين ومحد يدري بيج وتجذبيني
شوق ....يحجي وكلماته جمر
تريد تعرف ليش اكلك لو اضل ساكته احجيلك همي تفهني راح ترضى لو كتللك
اخاف ما تفهم وضعي بس صدق متفهم ليش انته شوكت فهمتني
من عفتني ورحت للموصل لو من تزوجتني اغصب وكسرتني وخليتني بصدمه لو من اجيت كملتها بصدمه ثانيه وتزوجت بنت عمك
انته رايد بنت عمك ليش خطبتني وحطمتني بمستقبلي راح بسببك ليش ليش ليش احجي لا تسكت
خله حرك السياره بسرعه وصلنا للبيت ودموعي ما نشفت مسحت دموعي نزلت كبل دخلت للبيت صعدت للغرفه دخلت كعدت بل كاع وضليت ابجي بحركه شوي وصعد عذاب
عذاب....خييير ليش تبجين لا تتعافين نعمه اجتج من الله احمدي ربج لا تصيرين انانيه
شوق....مو انانيه ماكو اناني الا انته كتلك مراح تفهمني ولا عمرك تفهمني
عذاب.....منو اناني لج احجي عدل تحملتج هواي
جبتيها على من رحت للموصل هاذا شغلي قبل لا اتزوجج وهاذ وطني واجبي لازم ادافع عنه ومن اخذتج جان منج السبب صبرت هواي الج وارجع تعبان تتلكيني اكرهك وتصرخين وزواجي من بنت عمي لا تحمليني ذنب انتي متعرفين شى بي
أنت تقرأ
ممرات ضيقه ( عشق النهوة)
Любовные романыقصه تحاكي قساوة اليتم وعذاب الجبر وحيات الشيخه والحب بين كل ما ذكر #عذاب وشوق
