دع الحياة تفعل ما تشاء وعش لنفسك بلامبالاه فغدا راحلا ان شت او لا ولن يبقى لك سوى آلله معاه
الكاتبه خديجه العلي
شوق ...فتحت الباب لكيت نسوان ثنين واكفات بل باب اهلا وسهلا كل الها شرفتونا تفضلن
ام عذاب....وبيج اكثر النا الشرف زاد فضلج
شوق...دخلن النسوان وحده منهن شافت جدتي وعرفتها
ام عذاب...الله بل خير ان علي شونج حجيه شخبارج
جدتي....هلا ومرحبا ام عذاب الحمدالله والله نورت القريه كل الهلا بيج وبام سامر
ام سامر...حجيه تعرفيني
جدتي...جا شلون ما عرفج جنتي كبل تجين ويه الوالده الله يرحمها
شوق...انا صافنه عليهن طلعن وحده تعرف الثانيه
جدتي....تفضلن للصاله
شوق....دخلن للصاله وانا رحت جبت مي ونطيتهن
ردت اطلع وحده كالتلي تعالي يمه خل نشوفج
اي هسه كعدت بصف جدتي وانا ما خذا دور المستمع هنه يسولفن عن ايام كبل
بس وحده منهن كصتني كص عبالك طالعه كشف
كمت اجيب عصير دخلت للمطبخ صبيت عصير واجيت كبل لا ادخل أسمعهن يكلن لجدتي عليه وانا تبسمرت بمكاني
ام عذاب....حجيه ام علي احنا داخلين عليكم بل خير وجايين نطلب ايد شوق لشيخ عذاب
حجيه....كل الهلا وانشالله خير
شوق....انا هنا نشف دمي وتذكرت ها هوه نفسه هاذا الي اشتره المزرعه
بس جدتي ليش ما كلتلهم عني انا نخطبت البن خالي
كطعت صوت افكاري وشريط الذكريات المرت عيله ليش القدر دائما يخيرنه بين اصعب خيارين او بل احرى بين نارين
دخلت نطيتهن العصير خليت وطلعت واسمع جدتي تكلهن شرب عصيرجن وهسه نسولف
شربن العصير وكتلهن جدتي شوق امس خطبها ابن خالها وقرينا فاتحتهم
ام عذاب....ها بيها الخير انشالله وموفقين
احنا نسترخص لان طولنا على عذاب
طلعن النسوان وجدتي سلمت عليهن راحن وانا وجدتي دخلنا لغرفت امي
شيخ عذاب.....بعد ما وصلتهن طلعت للمزرعه ولكيت ابو شوق السلام عليكم
ابو شوق...وعليكم السلام ورحمة هلا والله بشيخ عذاب
عذاب.. ..وبيك اكثر ابو شوق شونك شخبارك
ابو شوق....تمام الحمدالله بهل دنيا مكضيها بل مزرعه
عذاب...الله يساعدك
ابو شوق...تسلم شيخ
عذاب....ضلينا نسولف وشوي ودك تليفوني عرفت امي علمود نروح
سترخصت من ابو شوق وطلعت صعدت بسيارتي ورحت لبيت ابو شوق لكيت امي وخالتي منتضراتني
صعدن بل سياره وحركت
ها يمه بشري
ام عذاب....يمه ماكو نصيب
عذاب...كالت هيج واحس كلبي رجف
ليش يمه
ام عذاب...يمه البنيه امس خاطبها أبن خالها ومنطينها اله
أنت تقرأ
ممرات ضيقه ( عشق النهوة)
Roman d'amourقصه تحاكي قساوة اليتم وعذاب الجبر وحيات الشيخه والحب بين كل ما ذكر #عذاب وشوق
