صباح الخير والتفائل والمحبه 🖤🖤
طبعا اليوم لاكو تحشيش ولاخواطر ولاكلشي
حبيت اسولفلكم قبل ٣سنوات مثل هاي الايام
قبل رمضان شصار وياي 💔💔......
بيوم الجو كلش حار اني وجماعتي هواي همه طبعا بس الاصدقاء
العزيزين ع گلبي وطبعا ولد منطقتي. اكلنه سوه وكعدتنه سوه
وشاركتهم بلحلوه والمره
كاعدين تنغده طبعا احنه بواجب بيجي اجانه الامر كال يله شباب
لازم نقتحم هاذا الشارع لان الدواعش دخلو بيه لازم ندخل عليه
كلنه فزعنه حظرنه نفسنه وسلاحنه واحنه نضحك ونتشاقه
مشينه صاح عليه الامر امير انته تعال صير وراهم همه يدخلو
وانته بلخط الثاني كتله بس ليش سيدي كال مو عددهم هواي
انته صير بلخط الثاني كتله حاظر سيدي بقيت اباوع عليهم
يشاقون واحد يضرب الاخ ويتغالطون بيناتهم
صحت عليهم مودعين بالله شباب
اخرر كلمه ويه جماعتي 💔
صارت اشتباكات طبعا اني بقيت بضهرهم ماكدرت ادخل وياهم
لان اوامر بعد 😢
اجانه خبر گال الولد لبهذا القاطع كلهم استشهدو
والفرع القبله اخذو الدواعش
هنا جانت صدمه حياتي والله مااكلكم حالي انشليت كاعد ع الهمر
من كد مااعرف شسوي ذبيت نفسي من فوك وعجزت
عن الحركه
توقفت حياتي بساعتها 💔
كلت للولد يعني شنو كالو حته الجثث منگدرنجيبهن 😢
وبقينه اثنعش يوم حاسبهن يوم يوم اني لااكل ولاشرب
والحته النفس ميدخل بصدري والله العضيم
وحته عندي ذات الرئه صار مزمن بسبب هذا اليوم
وبيوم كدرنه نحرر هذا القاطع واركض ع الفرع البيه جماعتي
والكاهم لان داعش ليكدر يدخل واحنه منكدر ندخل يعني
مواصيلهم داعش
لكيت علاوي والله العضيم والله العضيم صاير جوه شجره
وابد ممتغير هوه تفسه بس من شده الحر متمزق اللحم مالهم
وحيدر جان مصوب لكينا ساحل نفسه بيت بس من النزف هم
مستشهد
والكيت الثالث موجود نايم ع علاوي
عافو وراهم كومه عوائل
اووف اووف والله مااعرف ليش احجيلكم
بس حبيت اتشاركون حزني اتعس ايام حياتي
هاي الايام
وحته كمت اخاف من كلمه الموت اي اخاف
اخسر واحد عزيز عليه
وعذروني والله هذا الكلام طالع من گلبي
الله لايفجع احد بصديق 💔💔
😢😢
ادعولهم برحمه
