اسعد الله اوقاتكم احبتي
اليوم صار وياي موقف وحبيت اسولفه وياكم
اليوم واني راجع من الدوام شفت طفله حوالي
عمرها ٩سنوات او ٨ حسب تقديري الها مااعرف
اكبر او ازغر. نفسها هاي الطفله شفتها قبل كم يوم
تمسح الجام بلتقاطع واهل الرحمه ينطوها خمسميه
الف كلمن وضميره شكد ينطيها عجبتني قوتها
مسحت جام سياره كبالي نضفتهن وكملت
اشرت لسايق بمعني انطيني اشرلها بمعنى وخري
هيه شسوت رجعت دمرت الجامات مالت السياره
ونطت للرجال خزره بالله تعجبت ع قوتها كام يعيط
عليها وخرت منه مشت السيارات وفات هذا الموقف
اليوم نعاد نفسه وياي واكف بنفس المكان ونفس البنيه
اجتي جاي تمسحلي الجام كتلها اوكفي لتمسحين كالت
ها ماعندك صرف عندي اصرفاك كتلها لااا مو ع الصرف
كالت لعد كتلها شكد تحصلين بليوم كالت حسب احصل
٤الاف بليوم ٣هوه الرزق بيد رب العالمين
والله تعجبت ع كلامها وقوتها كتلها. باباتي حاره الدنيه
انطيج ١٠وترحين لبيتكم سكتت وباوعتلي كالت اعتذر
مااخذ كتلها ليش كالت مامه متقبل ليش متقبل امج
كالت امي تكول لاتاخذين من رجال غريب كتلها لعد انتي موجاي تاخذين
كالت عمو مثل ماانته عندك وضيفه وتشتغل اني هم عندي مهنه
وجاي اشتغل واطلع فلوسي من شغلي
مااريد احد يصدق عليه طبعا صدمتني والله من جوابها
كتلها بس متعتبر هاي صدقه كالت لا صدقه هاي واني مااخذ
الصدقه
كتلها امج وابوج وين اني اساعد كم
ومااخليج تشتغلين هنا
كالت اعتذر منك ماادلي ع اهلي لان اني مااعرفك ولازغر بيك
بس تبقه رجال غريب وراحت
يعني بحياتي مشايف هيج قوه من طفله
يعني كل هذا الفقر العايشتهه بس كرامتهه متسمحلها تاخذ
من بشرر
والله من گد مامصدوم بهذا الموقف حبيت اكتبه
وحته يبقه اتذكره يوميه لان مااريد قوه هاي الطفله
يروح من دماغي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
