#أين_هاتفي
#الاول
#زهره_النرجس
اسمي وده عمري ٢٠ سنه مواصفاتي عاديه مثل كل البنات بس الي يميزني جسمي ولاغلطه عبالك مسويه نفخ للخلفيه وشد بس هو طبيعي صدري مرفوع وماعندي لازايده ولاناقصه بجسمي

وشعري كلش طويل اتذكر اخر مره كصيته بصف ثاني ابتدائي


خلصت السادس اعدادي وكعدت بالبيت لان اخواني رفضو ادخل للكليه مايعجبهم جوها والولد الي بيه والمعهد هم ماقبلو اداوم بي يكولون بي بنات متزوجات وسمعتهن موزينه هاي عقليتهم شسويلهم
ابوي متوفي من زمان من جنت صف خامس ابتدائي صعد عنده السكر وتوفه وامي مره فقيره وتحبنه كلش تعبت بتربيتنه كلش هواي
عندي اخوان اثنين قاسم وهمام واخت وحده رحمه ساكنه بااستراليا متزوجه ابن خالتي لان خالتي مهاجره من زمان وساكنه بااستراليا ومن خطبت رحمه اختي اجت خالتي للعراق وشافتني ولزكت لاامي اله تخطبني لاابنه الزغير طبعا اني ماشايفته بس بالصور واخواني صح يتعصبون على كلشي
بس ماادخلو بموضوع زواجي
جنت صف رابع اعدادي بعدني مراهقه وسمعت راح اتزوج بالخارج دراسه براحتي اشتري سياره اطلع بحدي وحياه ثانيه بسرعه انطيت الموافقه ومامصدكه واتباها كدام صديقاتي وفرحانه
وره ١٠ ايام اجه مروان الي هو ابن خالتي وخالتي وزوجه وخطيب رحمه محمد بقو بالعراق ماراحو لحد مااجه مروان
عقدو لرحمه بس مالبست بدله كالو يسون خطوبتنه سوه بنفس اليوم
مروان شاب حلو ومرتب وشكله كلش نضيف بس عنده نوع من التكبر صح حالتنه متوسطه وبيتنه زين حلو ومرتب رحمه كلش جانت تعتني بالبيت وبترتيبه
مروان ... شلونج وده شخبارج
وده ..الحمد لله زينه انت شلونك شخبارك الحمد لله على سلامتك
مروان ... الله يسلمج شكلج احلا من الصور بهواي
وده ... شكراا هذا من ذوقك
قبل الخطوبه بيوم عزمناهم على الغده هم وبيت خالي جنت لابسه تنوره ضيكه وقميص لحد خصري لونه وردي بي دكم وياخه ولابسه شال نيلي
اخوي قاسم متزوج وعنده بنات اثنين متزوج صديقه رحمه اسمه وئام وهمام متزوج وزوجته تصير بنت عمي الي احنه اصلا متعاركين وياهم ودوم مشاكل وعرايك بسبب الورث بابا الله يرحمه جان عنده حصه بيت اهله ورث ابوه عمامي يوميه طلايب ومشاكل زوجه همام مروه وحده خبيثه كلش
ويوميه مشاكل وطلايب ويانه وبس يجي اخوي يشتغل الوز والفتن مالته ماعبالك بنت عمه
ابن عمي سلام يصير اخوها مره كالت يريد يخطبني وامي رفضت رفض قاطع لان امه ماتحب امي ومشاكل هواي بس همام حبه واخذه وقبلو بي بس بعد مشاكل وطلايب يلا وافقو
