#زهره_ النرجس
#السابع
#اين_هاتفي
وده_همام انت متخيل حجيك شنو انه تعبت على روحي واريد احصل الشهاده
همام ... انجبي ولاتحجين زايد كلت ماكو كليه يعني ماكو كليه
ام وده ...يما صلي على محمد هاي يتيمه وهيج تسوي بيه حسبي الله ونعم الوكيل يمه هاي امانه ابوك الله يرحمه هيج دير بالك عليه
وده ... والله بس يجي قاسم اكله عليك والله موكيفك مرته من تزوجته موجانت اداوم وخليته تكمل كليه لوبس ع اختك جاي طلع مراجلك
همام ... كلبه طايحه الحظ شنو قصدك انه مورجال
وهجم عليه يكتل بيه وامي تبعد بي كوه رحت للغرفه ابجي من الضيم مالته حاجيت وده وسولفت اله شنو سوه بيه
وهي تصبر بيه وتكلي يجي قاسم وهو يتفاهم وياه وبعد وكت على الدوام شوي حسيت نفسي هديت
مر اسبوع وانه وامي مانحجي ويا همام ولامرته تنزل النه لورادت تطلع كبل تنزل وتطلع ماتسلم
قاسم يومين ويجي ومن حجتله وئام على همام كله لاتحجون وياه وتفتحون الموضوع من اجي احجي وياه
الضهر وئام كلت لاامي تروح وياها للسوك تشتريله فستان حلو قبل لايجي قاسم وخطيه امي خذته وراحت العصر كالت امشي ويانه بس جنت مالي خلك اطلع عافو البنات يمي
صار فتره ماحاجيه ويامروان ويدز ومرات ارد ومرات اغلس مااعرف الصداقه مالتنه وين توصل اخر مره كال متعرف على سوريه ومنعجب بيه مااعرف ليش ضجت وقللت حجي وياه كرهت الزلم كلهم وشكد مايتقدمولي ارفض مااحب اكرر هاي التجربه الفاشله
كاعده بالمرجوحه بالحديقه والبنات يلعبن بالطارمه كبالي جنت اتصفح بالفيس بسرعه اجاني اتصال من الفيس من مروان
هو كل مره يدز مايتصل واني جنت بوقته ماله ومالي خلك رديت عليه
مروان ... هلا بالصديقه الكاطعه هلا بت خالتي
وده ...هههههه هلا بيك شلونك شخبارك
مروان .. زين الحمد لله انتي شخبارج شخبار القبول مالتج
وده ... يمعود اسكت وخليه همام تخبل عليه وكال ماكو كليه وتعارك وياي
مروان ... استغفر الله شنو من اخو هذا هو شعليه موعنده مرته امج موجوده وهي مسؤله عنج وبعدين انتي عبرتي السن القانوني لازم انتي تختارين تكملين لوتبطلين
وده .... ههههههه ضحكتني والله ولك احنه بالعراق العظيم عايشين يعني البنيه بالعراق لوتموت لوتتزوج لوتنحبس بالبيت يمعوده احنه والاموات سوه
مروان ...لاموكله سوه هواي مواهب ونساء من العراق جاي نفتخر بيهن وبانجازاتهن عندج سهى حديد وهدى بيوتي كل وحده عده مجاله الخاص واكو كاتبات وشاعرات هواي
