#زهره_النرجس
#اين_هاتفي
#السادسه_عشر
اجاني اشعار رساله وطلب صداقه وافقت على مروان موقصدي اسولف وياه مثل قبل بس جنت اريد افهمه اني تزوجت وزوجي مايقبل اضيفه داز الي (وين اختفيتي راح يصير اسبوع وانتي ماكو مو عوايدج اطولين )
(مروان اني تزوجت وزواجي صار بسرعه اتمنى مادزلي رساله بعد لان زوجي مايقبل)
(تزوجتي شنو راح اتصل فتحي خط وفهميني شنو الزواج هذا )
اتصل ارتبكت ومافتحت خط غلقته بوجه بعدني توه اريد انزل واتصل عليه صدام ارتبكت وخفت منه ومن خوفتي ابدال ماادوس اتصال دست رفض
ونوب ماعندي رصيد اتصل رجع اتصل مره ثانيه
صدام ... بت الكلب بت النعال التلفون هسه تشمرينه على الميز ماتلزمينه ولاتمسحين شي لحد مااجي
وده ... لاتغلط منو انت وتغلط عليه
صدام... انه هسه جاي واعلمج منو انه اله اكسرج اليوم
سد التلفون بوجهي واني تخبلت شلون يغلط على ابوي وهو ميت ماكو عشر دقايق واجه للبيت سمعته كبل صعد فوك
صدام.... تعاي ولج كلبه اليوم ارويج انه منو
وده ... لاتصيح ومااسمحلك تغلط عليه لو على اهلي
بسرعه اجه لزمني من شعري حيل
صدام.. انه موكتلج اكره الجذب كتلج لو لا
مارديت عليه ولاحجيت شي ولابجيت ضجت منه ومن طريقه حجيه ومافهمت شنو يقصد
وده ... عوف شعري مااسمحلك تمد ايدك عليه
صدام... والله اثاري اخوانج ماينلامون من يكتلونج
ولج سئلت تحبين مروان لولا كلتي لا وماعندج احد بحياتج اريد اعرف شنو راد منج مروان من خابر فهميني وشعنده وياج مواحجي وياج احجي كحب.....
وده ... عوف شعري ولاتغلط اني اشرف منكم اذا اني مثل ماتكول شكو تزوجتني
صدام ... لاتردين من احجي وياج اتخبل من المره الي ترد خذيتج حته اخوانج مايكتلونج
وده ... مروان ابن خالتي ومن ماصار نصيب بقى ابن خالتي وصديقي وعلاقتنه عاديه واختي الجبيره تعرف بهذا الشي واصلا هو عنده حبيبه يعني مابينه شي وعوف شعري جاي تأذيني
صدام ... وين كاعدين بااوربا وصديق ومدري شنو
وده ... ابن خالتي هو ومن خابر مارديت عليه عوفني شعري والله يأذيني
صدام ... تلفون تحلمين بعد يبقى عندج انه صوجي كلت ماامن لااي مره كلجن نفس الصنف
وده ... حرامات امنت بيك وتزوجتك لوباقيه اخواني كاتليني احسن من الغريب وهذا التلفون اخذه ولاتحجي وياي ولااحجي وياك ولو عنده ثقه ١%جاشفت اني ماسمحتله يحجي وياي واني على ذمتك
