ذهب نادر

البارت الثاني

السلام عليكم

ورجع أبويه الشيخ من وكت طبعا اني جنت راجعة من المدرسه ومبدلة ملابسي ودا اكل ويه نادر حبيبي وجهال واسمع ابويه يصيح ولكم راح مني راح الولد وامي طلعت وجناين واحنه عرفنه انو اخويه علي كاتل واحد من غير قريه بهذا الحجي التمت الناس وناس طابة وناس طالعة وراحوع اهل المكتول ورادو عطوة نطوهم ٣ ايام وانتهت العطوة وماقبلو لا فلوس ولا فصل وبقت هيج السالفة أبويه كال ممنوع أي شخص من البيت يطلع أبد لا جاهل ولاجبير لان يدري جانو يردون شي اكبر وأكثر واحد جان خايف عليه هو اني يطب ويطلع ممنوع تطلعين انتي بذات فد يوم توسلت بي بس اروح استلم النتيجه مالتي عيوني كوة يلا قبل بس يجي ويايه حراس ونطاني مسدس احنه بالعرب يعلمون البنيه ترمي بالسلاح ويعلموهاتسوق حتى لوريات مو بس سيارات وفعلا رحت اني والحراسة اصلا هم جانو ولد عمي وطلعت ناجحه من السادس الحمد لله نجحت وهاي اخر سنه جنت متفقه ويةالشيخ أبويه لان هو ماجان قابل اكمل لان ماكو احد بس الولد البنيه تخلص ابتدائيه وتكعد المدرسه بنفس المنطقه بس المتوسطة والاعداديه جانت بعيدة كلش هوايه واني جنت اول بنيه تخلص السادس وستلمت النتيجة وطلعت اول ماطلعت من المدرسه صار رمي فوكانة كدام المدرسة ولد عمي هم كامو يرمون اني دنكت وقبل مانصعد بسيارة جوي شباب تعاركو وية ولد عمي واجه واحد أخذني ركضت عبالي انهزم بس ماكدرت حتى الجنطه الي بيها المسدس وكعت مني واخذوني لمكان واني مدنكه راسي وانحبست وبعد تعرفين انتي الباقي ياكريمه والعقد من قبلت مجبورة جنت لان جابو نادر ابن اخويه ونظر مجتف وكالي والله ينقتل كدامج واني قبلت بس يخليني احجي وياه وحدنا وجاب السيد وصار العقد ورحت يم نادر هو طفل خايف عمره ٤ سنوات بس عقله مال واحد بالمدرسة فليت عيونه ورجليه وايديه وشافني وحضنته واني ابجي وهو يبجي وكال عمه انتي ليش قبلتي تروحين وياهم وتعوفينه كتلة والله ياعمه مو بيدي سألته ع أبويه الشيخ وامي وكال عمه اليوم الصبح جديتي ودوها للمستشفى لان ابويه شاف جيس مال هدومج مشككات(متمزقات) وجدي نزع العكال من راسه وبعدين اني سمعته يصيح ويكول مهدور دمها واذبحها بيدي ورجع لبسة وعرفت أبويه هدر دمي لان جبتلة العار وهو يحجي واني ابجي كلتة شوف عمه انت هسه رح ترجع وتكول للشيخ فاطمه عمرها مانزلت راسك ولا رح تنزلة وما رح تخليك تشيل اثماها ورح تموت قبل لاتشوفها ولازم تصدك هي بريئة نادر كال عمه لاتبجين اني احبج والله وبس اكبر الا اخليهم يبجون دم مو دموع والله اخذ حقج منهم
يا عيون عمتك انت همه أشرار احنه هم نصير أشرار وجان كيوم ويكول قتل بالقتل والدم بالدم والعرض بالعرض وكتلة ولك هاي مين متعلمها وكال اني رجال جدي كالي كتله شوكت كال هو يوميه يكولي انت رجال وهذا الحجي البارحه سمعته منه وطب محمد للغرفة وكال يلا اني حضنت نادر وكتله مو تنسة الي وصيتك عليه وجاوبني وسفة عليج عمه اني ماانسا ابدا وأخذه محمد وجانت هاي اخر مرة اشوف بيها نادر حبيبي طلع وسد الباب ورى شوية اجةعلية وكال يلا انروح ما حجيت كل شي وجابني يمج ياكريمه لهنا ونهزمت وكل مرة انهزم بيها انضرب من محمد وانتحرت وفوك اذيتي النفسي محمد هم يضربني وعشت تقريبا سنه ونص اني ميته بلا روح بس نفس الي يصعد اتمنى ماينزل

💔💔💔كلمن مشى ع كاع حي يرزق تحسبونه
💔💔💔💔💔اكو عدلين شبعو موت 💔💔💔
💔💔💔💔واكو ميت يفكدونه 💔💔💔💔💔