ذهب نادر

البارت الثامن

السلام عليكم ورحمة الله وبركاته

ذهب نادر

حلقة وصل

ابو عدوان.....

من رجعت لمطار النجف رحت بوجهي لامام علي عليه السلام زرت واندعيت وطلعت اخذت تكسي ورحت لهلي وصلت دنيا ليل سلمت ع اخوتي وعماتي وامي وابوية وضلينه كاعدين جان ابوية الشيخ كال يلا يابه كومو نامو هسه بس انتو الشباب عندي حجي باجر ورحت سبحت ونمت
ثاني يوم جان السبت

كعدنة بالمضيف ورى الغدة وكال الشيخ شوفو اليوم يومكم انتو الشباب اجة الوكت الي الشيخ الجبير رادة يوم الخميس الحق يرجع لهلة يوم الخميس ناخذ حق فاطمه من النذل علمود نعلمه هاي السنين كلها من سكتنه مو معناها احنا خايفين بس احنه من رد الظلم بقاطاتت والعين بالعين والسن بالسن والبادي اظلم الي
البينه بعدها لاقارين فاتحتها ولاكاطعين مهرها يعني محد اله عدنا حق ولازم قبل لاتوصل لبيت ابوها هي هنا والي
رح يشيل المهمة احمد وحيدر ونادر كولو يالله
كلهم كالو
يالله

وفعلا كله دكت ع صدرها لشيخ

يوم الخميس الساعه ١٠ الصبح الشيخ وابو عدوان

هم الساعة ٢ يروحون لصالون ومادري شوكت يطلعون

انتو الساعة ١ هناك ماعرف بعد شيصير اريد وكت العشا انتو هنا وكلشي كامل

ابو عدوان هاهيه امرك شيخ
احمد
حيدر يلا شباب

وفعلا الساعة ١ احنه يم الصالون بس صارت الساعة ٢:١٠ طبكت سيارةيم الصالون نزلن منها نسوان وبعدين وحدة رجعت وحجت وي السايق وطبت لصالون
وصارت الساعة ٤
جتي نفس السيارة بس ويا السايق مرة طبت المرة

احنه تحضرنه لبسنة الاقنعه والمسدسات بأيدينا وطلعو وهلاهل تراسة الشارع نزل احمد حط المسدس براس الولد واني رحت ع عروس وحيدر رافع المسدس مالته ع نسوان
احمد اي حركه افرغ المسدس براسه منية امه

امه صاحت عيوني عوف وليدي شتريد اخذ بس عوف ابني

نادر بسرعة رحت ع عروس وكامت تعيط تجريتها وصعدت بسيارة وامها كامت تعيط ماكدرو يتحركون

ابد ع سريع صعدنة بسيارة ومشت والبنية بس تعيط امي امي يمه هو مقفلها بس تنفتح وجان تفتح الباب وتوكع ضرب بريك كلش قوي والبنيه انهزمت ع اهلها

عاد اني طلعت المخدر خليت منه بخاولي وركضت عليها كبل خلتها تشتم وخدرت وشلتها بسيارة بس
السيارة لحكتنه لازم ادوسه احمد دوسها علمود انتيهة
وتيهنا

نادر خابرت الشيخ كتلة بشارتك شيخ حق عمتي رجع شيييييييخ رجع حضرو الذبايح وصلنا
اطلع كبل ترى البنية راسة يرادلة خياط وخشمها يجري دم يلا يلا بسرعة وجان السيارة ورانه وكوة يلا تيهه
طبينا للقصر وناس لكينا الناس ملتمه بس طبت السيارة صار الرمي والذبايح انذبحت طبك احمد السيارة يم البيت مالتنا كل نسوان جني نزلت من السيارة وشلتها وصحت بسرعة اريد العدة مالتي من الغرفه طبيت لغرفة امي ودم البنيه يجري نيمتها ع جرباية وكل النسوان تباوع جان اعيط كلجن برة يلا بعد ماطلعن النسوان كلهن عمتي حياة جتي عيون عمتك هاك هاي الجنطة وكمت اشتغل خيطت راسها وكطعت الدم وامي كل شويه يمه والله حرام تغطيها
اني يمه ليش هي شبيها كالت يمه متشوف صدرها كل طالع من البدلة الله اكبر يامي تدرين اني اصلا مامن تبه عليها اصلا غير الا من هسه كلتي جتي عمتي وخطتها واني ورا ما خلصت هذا الوجه اني وين شايفها مادري وبعدين كلت لامي والعمتي يلا اني طالع البدلةكلها دم بدولها وعمتي بس تبجي وكالت صدك عمه هاي للبنية بت فاطمه فدوة كولي كتله اي عمة والله العظيم يلا اني اروح ومحد يطب اذا كعدت احنه مندري شنو تسوي ورحت يم الزلم كلها باركتلي
عمامي ولد عمامي بصراحه اني صح اخذت حق عمه فاطمه بس ماعرف اكو شي يجذبني الها شكد تشبه ذهب اف ياكلبي لشوكت اتحمل مرة شفتها لكن شدتني الها لحد هاي الحضة

في بيت ابو ضرار

ضرغام يتصل ع ضرار

الحكلي خطفو ذهب ناس ماعرفهم الحلكككككككك

ضرار هسه انت وين ضرغام لحكتهم وتاهو تاهو راحت ذهب رااااااااااااااحت ذههههههههبببببب ضرااااار
رجعت لبيت وكلها طلعت ابوها واخوها راحت راحتتت البنيه اخذوها الي مايخافون من الله

حجية كريمه تعيط بنتي ليش فدواتك ربي محمممممممممممممممممد وينك محمممممممممممممد

بنتك راحت اخذوها ضرار يبجي يمه شلون راحت
شلون كدرو ياخذوها شلللللللللللللونن ضرغام خليتهم

محمد كبل وكع هو واكف وكال هذا الي جنت خايف منه مخليت بنتي تعيش مثل اي تطلع وطب جنت حابسها وبعدين راحت اخذوها رااااااااااااااحتتت

حجيه كريمه شوف كلة من وراك انت محمد طول فترة ٢٠ سنة كتلك روح صالحهم روح وبيت ابو ضرار صار بس البجي بي ذهب ماكو خطفوها اني اعرف خوالها هم الي خطفوها بس بنتي ربيتها بعيوني وراحت عروس صار المغرب العالم كلها راحت لأهلها
راحت فرحت بيتي راحت بنيتي ذهبه راحت وكمت اعيط ليش يمه ليش

ضرار.... سمعت امي تعيط رحت عليها كبل خطية لكيتها بغرفة ذهب يمه ذهبايتي وينج هسه بنيتي و
كالتلي يمه روح ع اختك جيبها عيوي وليدي
كوم يلا يمه والله مااتحمل ماشوفها
اريد ذهبايني اريدها بنتي

بيت الشيخ

اذن اذان العالم كلها صلت كامو يصبون ويحضرون الاكل وكامت العالم تنقل الاكل العزيمه كلش كبيرة عزيمه عرس لا اكثر من العرس ثواب ع روح فاطمه وروح الشيخ الجبير لان الحق الي رادة الشيخ من جان عايش مارجعة محمد ابو ضرار واليوم رجع الحمد لله

ابو عدوان ...بعد ماداويت البنيه شكد اشتغلت وبالي يمها خطية هي شنو ذنبها الله يرحمها لعمتي تشبها خلصنه الاكل كل توزع للفقرة وكعدنة نشرب جاي اني واخوتي ولد عمامي

حسين ..ع خير عيني دكتور العروس إن شاء الله الولد الصالح
إن شاء الله ربك يرزقني مثلك

عباس ..عمي حظوظ هي كوة بلا احنه كل واحد من عدنه شكد صارف ع عرسة ملايين وعيني نادر افندي اجته عدلة لافلس ولابارة
شايف كل الخير اخويه الغالي وآلله مافرحتلك بكد ما حسدك لان بلاش مرة ابلاش هنيييالك عمي

طب الشيخ ابو احمد
نادر باجر لازم تخلص الشغل مالتك اني ماريدها تبقى لازم تختفي هاي البنيه ماريد احد يشوفها لازم نحرك كلب ابوها مثل ماحتركت كلوبنه ب بعد مااحجي
يلا تصبحون على خير

كلهم ردو صار شيخ

حسن معقولة عمي يريد البنيه تموت حرام ليش هيج

نادر هاولكم محد فكرني غير عباس وحسين

ارتاحيتو هسه الله اليعلم باجر شسوي بالبنيه
يلا كومو نامو مانعستو
الساعة ١ باليل مادكولون باجر عندكم شغل

كلهم ردو وانت من اهل الخير حجي

اجا منتظر ابن عمي يكول عمتي ادور عليك وانت هنا

للازم يجي يلا عمي جاي .......

الى ينتهي البارت الثامن من قصة ذهب نادر

حلقة وصل