ذهب نادر

البارت السادس

قصة ذهب نادر

الكاتبة

حلقة وصل

هلو اني ذهب

ومرت الأيام وطلعت الثالثة بالخامس وجتي العطلة الصيفية وكمت اقرة سادس بالبيت لان ابويه ميقبل اطلع ابد حتى البيت خوالي ميقبل ماعرف جنت قبل اروح وية امي لسوك هسه حتى سوك ميقبل ومن اكول لامي تكول يمه يخاف عليج انتي كلش حلوة والف مرة كال لوتلبسين بوشي لو متطلعين
وبدت المدرسه بعد حبسه دامت اربعة اشهر الحمد لله راح اطلع
لحضة

لحضة

نسيت اكول شغلة صارت وياية بس لازم اكولها
من جنت امتحن خامس فديوم جنة طالعين من الامتحان اني والبنات وجانت صدفة نجلاء اخت ضرغام صديقتي ويانه جان عدها شغلة بالمدرسه ماعرفت شنوهي المهم من طبينه بالفرع مالتنا جانو اكو شباب واكفين كبال بيت ام حسين جيرانه همه اصلا اشترو البيت من عمي صارلهم تقريبا ٤ سنوات كاعدين كلش خوش ناس وابنهم حسين دكتور وهذولة الشباب جانو واكفين يم حسين معارفهم اول مرة اشوفهم وجان اكو واحد بس يباوع علية يعني نضراتة الي ماعرف شلون اوصفها مو مثل ضرغام من يباوع علية اصلا اني ما باوعت بس شفت شباب واكفين يم بيتنا وزينب ونجلاء كالن الي حتى ماانتبهت علية بس زنو تكول راد ياكلج المهم هسة وين وصلنا وداومت السادس وضرار كلية هندسة فدوى لعيونة شايل حنية الدنيا كلها ... ....... .............

احمد ..الحمدالله على سلامتك خويه وتاج راسي أهلا وسهلا دكتور والله مشتاقين بكد رحمةالله

ابو عدوان.....بعد ما اتخرجت وصرت طبيب واخذت الماستر في الطب العام من المانيا ورجعت علمود اخدم اهلي وناسي ورى مارجعت باسبوع رحت ع صديق الطفولة والدراسة حسين او الدكتور حسين شفتة واطفالة هم مثلة كلش فقرة عند ٣ وكعدنة
حسين ..ابو عدوان
اسألك سؤال كلبك مافتحته لو بعد مسدود

ابوعدوان ..والله بعدة نفسة اصلا ماشفت وحدة لحد هسة جذبتني علمود احبها وبعدين اني مالحب ياخوي

خليها بكلب تجرح لاتطلع برة تفضح

حسين. الضاهر المانيا ماغيرت صديقي هونفسه لا والجديد شايل الهموم الدنيا على رأسة

ابو عدوان..يلا هم يلا لازم اروح وطلعنة وبقينه واكفين احنة بعدين جوي كرايبة بقينه نسولف شويه ومن بعيد
شفت بنات يمشن جايات علينة هن طريقهن منا واجانت اكو وحدة لابسة عبايه هي تقريبا اطولهن واحلاهن جانت راسها مرفوع لكن عيونها بالكاع ماعرف اكوفدشي خلاني اباوع عليها الي ويها جانن يضحكن الا هي مجرد ابتسامة وبعدين تقربت بقن بس اثنين وبعدين رفعت عيونها وياريت مارفعتهن تكتل عيونها وبعدين طبت بيتهم ذكرتني بإنسانة راحت مني غصب وكلت اني 👇👇👇👇👇👇👇👇👇👇👇👇👇👇👇👇