وااي ي سير كان شوفتي الحصل شنو لمن كنته ف الاستوب
سير:ف شنو
فاطمه :الناس مروقو مظاهرات وجرينا مشينا ليهم وبقينا نكورك معاهم(حريه سلام وعداله والثوره خيار الشعب) والناس يقولو ونحنا نقول وراهم لحد م جو التاتشرات وبقو يسكو ف الناس ويجدعو بمبان
وفي ناس اعتقلووهم
سير:بأنفعال 😡وانتي البوديك وراهم شنو مالك ومالهم وعسي كان حصلت ليك حاجه انا اقبل وين دي لو اعتقلو واحد فيهم اهلهم بجو بطلعوهم لكن انتي البطلعك منوو تاني اياااك تباري ناس المظاهرات فاهمه ولا لا
فاطمه:ي سير لو الحكومه دي سقطت نحنا ح نعيش الناس ونلقي حتي نقعد فيها ونرتاح من الظلم ده
سير:فاطمه م تكتري معااي تاني م تمشي وخلاص
فاطمه :سمح لكن
سير:م تقولي لي لكن تاني م تباريهم وخلاص وجيبي الكرتونه ديك عشان ترقدي فيها
فاطمه: وانتي ترقدي وين لالا ارقدي فيها انتي انا م نعسانه
سير :لي والكرتونه التانيه الشالها منو
فاطمه:....
سير:فاطمه بتكلم معاك انا الشالها منو
فاطمه:شالها فارس قلعها مني
سير:خليك هنا بعد اجي
فاطمه:لالا ماشه معاك
سير:طيب ارح
سير:فااارس. ي فارس
فارس :ماالك
سير:ي زول قالع الكرتونه من فاطمه مالك قوم منها
فارس :م قايم انتي قايله نفسك بتخوفي منوو
إلهام :قوم ليها ي فارس وهمسه ليو ف اذنو
فارس:😳
هووي هاكي معليش تاني م بشيلها
سير:😒😒كدي تاني ابقي راجل وشيلها يلا ي فاطمه ورحكي
سير فرشت لي فاطمه ونامو تاني يوم فاطمه قالت ليها سير انا الليله ماشه ابيع ف الشارع التاني
سير :لشنو
فاطمه:سااي
سير :طييب
ومشو ااي وحده ع شغلها
فاطمه لمن خلصت شغلها لاقت المعز اها ي فاطمه الليله م ماشه الموكب
فاطمه:والله انا دايره المشي ي المعز خاصتا بعد الموقف العملو معاي الاسره الفي برري ديك دخلووني بيتهم وبتها قالت لي كلام سمح شديد عاملووني كأني بتهم هسي صحي ي المعز بعد الحكومه دي تسقط ويجيبو وخده تانيه نحنا ح نعيش ذي الناس ونخش مدارس
المعز:ااي ي فاطمه انشاءالله انتي قولي ي رب
فاطمه:ي رب
المعز :طيب يلا ارح الموكب عشان م نتأخر
فاطمه :لكن ي المعز سير قالت لي م امش بعتقلوني
المعز:انا معاك م بتحصل ليك حاجه
فاطمه:سمح ارح وانا بقنع سير تمرق معانا المواكب
المعز :هو انشاءالله تقتنع ليك
فاطمه بتقتنع انشاءالله
وفي جانب تاني
يتبع......
