مروان :بجد انا شفته بنات كتير بس ماف وحده تشدني ليها زيك
سير عايزه تتكلم قرب عليها وخته يدو ف خشمها
مروان م تقولي ااي حااجه انا م عايز رد منك هسي
طبعا ده كلو وسير ساكته بس بتحاول تستوعب ف كلام مروان
مروان يلا خلينا ندخل جوا لانو الزمن اتٲخر واحمد بكون منتظرني. ودخلو
مروان :يلا ي احمد اتٲخرنا
احمد:طيب يلا
الصباح احمد ومروان جو يشربو الشاي مع سير ورانيا وكلهم كانو متحمسين للمليونيه
مروان:يلا ي جماعه اسرعو
سير:انا جااهزه يلا
رانيا واحمد مرقو ركبو العربيه وصلو محل التجمع لاقو كميه من الناس وزحفا الي القياده العامه للقوات المسلحه وكان احلي يوم لانو كان بداية النصر🌸
قضينا اليوم وبليل مروان جاني قال لي يلا عشان اوصلكم البيت انتي ورانيا انا واحمد ح نبيت هنا
سير:لا طبعا انا م ماشه اي مكان حابيت هنا وما ماشه ٳلا بعد السرقو حقوقنا يتعاقبو وبلدنا ترجع لينا
مروان:طيب😊م حتتعبي??
سير :اتعب من شنو انا متعوده علي اكتر من كدا حياتي كلها عشتها ف الشارع البتعبني شنو ده بالنسبه لي عادي جدا
مروان:طيب رانيا حتمشي?!
رانيا:لا انا قااعده جمب سير
مروان:تمام
وبقينا قاعدين في القياده اسبوع وكان احلي اسبوع بالنسبه لسير حست فيو بالامان العمرها م حست بيو وبالدفئ والوحده وحست انها بجد بتنتمي للناس ديل وحست انو الناس كلها يد وحده وكلهم اهل من تعاملهم مع بعض ولقت البنات والاولاد الكانو معاها ف الشارع كلهم جو القياده والقياده بقت ليهم مٲوي والناس بقو ليهم اهل وفي الفتره دي سير اتعلقت بمروان شديد وبقت منتظره اليوم الحتعترف ليو بحبها
يتبع....
