ﻧﻌﻤﺎﺕ ﺑﺖ ﺭﻳﻔﻴﺔ ﻣﻦ ﺍﻻﻗﺎﻟﻴﻢ ﺯﻭﻟﺔ ﻋﺴﻞ ﻭﺑﺘﺤﺐ ﻧﻔﺴﻬﺎ ﻭﺭﻭﺣﻬﺎ ﺷﺪﻳﺪ ﻳﻌﻨﻲ ﻣﻬﺘﻤﺔ ﺑﻲ ﻧﻔﺴﻬﺎ ﺷﺪﻳﺪ ﺷﺪﺓ ﻣﺎﺳﻤﺤﺔ ﺑﻘﻮﻟﻮﺍ ﻟﻴﻬﺎ ( ﻧﻌﻤﺎﺕ ﺳﺖ ﺍﻟﺒﻨﺎﺕ ) ﻣﺠﻨﻨﺔ ﺍﻟﺤﻠﺔ ﻛﻠﻬﺎ ﻣﻦ ﺍﻭﻻ ﻟﻲ ﺍﺧﺮﺍﺍ
ﻭﺷﺒﺎﺏ ﺍﻟﺤﻠﺔ ﻛﻠﻬﻢ . ﺍﺗﻘﺪﻣﻮﺍ ﻟﻴﻬﺎ ﻛﺎﻧﺖ ﺑﺘﺮﻓﺾ ﻛﺎﻧﺖ ﻓﻲ ﺍﺣﻼﻣﺎ ﻧﻔﺴﻬﺎ ﺗﻌﺮﺱ ﻭﺍﺣﺪ ﻣﻦ ﺍﻭﻻﺩ ﺍﻟﺨﺮﻃﻮﻡ ﻭﻳﻨﺘﺸﻼ ﻣﻦ ﺍﻟﺤﻠﺔ ﺩﻱ ﻭﺗﺮﺗﺎﺡ ﻭﺗﺮﻳﺢ ﻧﻔﺴﻬﺎ ...
ﻧﻌﻤﺎﺕ ﺑﻴﺘﻬﻢ ﻭﺍﻗﻊ ﻋﻠﻰ ﺷﺎﺭﻉ ﻣﺪﻧﻲ ﺍﻟﺨﺮﻃﻮﻡ ﻭﻓﻲ ﻳﻮﻡ ﻓﻲ ﻧﻬﺎﺭ ﺭﻣﻀﺎﻥ ﺟﺎ ﺍﺑﻮﻫﺎ ﻭﻗﺎﻝ ﻟﻴﻬﺎ ﻳﺎﺑﺖ ﺟﻬﺰﻭﺍ ﺍﻟﻔﻄﻮﺭ ﺍﻟﻠﻴﻠﺔ ﻣﻌﺎﻧﺎ ﺿﻴﻮﻭﻭﻑ ﻃﺒﻌﺎ ﻧﻌﻤﺎﺕ ﺍﻟﺸﻤﺎﺭ ﺣﺮﻗﺎ ﻣﺸﺖ ﺗﺘﺎﻭﻕ ﺑﻲ ﺣﻴﻄﺔ ﻣﺒﻨﻴﺔ ﻣﻦ ﻗﺶ ﻭﺗﺸﻮﻑ ﺩﻳﻞ ﻣﻨﻮ ﻟﻤﺤﺖ ﻟﻴﻬﺎ ﻭﻟﺪ ﺣﻠﻴﻮﻭﻭﺓ ﻛﺪﻩ ﻭﺣﻼﺗﻮ ﻭﻣﻌﺎﻫﻢ ﺭﺍﺟﻞ ﻗﺎﻋﺪﻳﻦ ﻗﺎﻟﺖ ﻳﺎﺭﺑﻲ ﺩﻳﻞ ﻣﻨﻮ ﻭﺍﻟﻠﻴﻠﺔ ﺍﻟﺠﺎﺑﻬﻢ ﺣﻠﺘﻨﺎ ﺍﻟﻘﺒﻴﺤﺔ ﺩﻱ ﺷﻨﻮﻭﻭ ﻭﺑﺪﺕ ﺗﺘﺨﻴﻞ ﻭﺗﺴﺮﺡ ﺍﻧﻮ ﺩﻩ ﻓﺘﻰ ﺍﺣﻼﻣﺎ ﺍﺗﻠﻔﺘﺖ ﻳﻤﻴﻦ ﺷﻤﺎﻝ ﻟﻤﺤﺖ ﻭﺩﻋﻤﻬﺎ ﺍﻟﺴﻐﻴﻞ ﺍﻟﻄﺎﻫﺮ ﻗﺎﻟﺖ ﻣﺎﻑ ﺍﻻ ﺍﻟﻄﺎﻫﺮ ﺍﻟﺴﻐﻴﻞ ﺩﻩ ﺍﺳﺌﻠﻮﺍ ﻣﻦ ﺍﻟﺸﻤﺎﺭ ﻧﺎﺩﺗﻮ
ﺍﻟﻄﺎﺍﺍﺍﻫﺮ ﺍﻟﻄﺎﺍﺍﺍﻫﺮ ﺗﻌﺎﻝ ﺑﺪﻭﺭ ﺍﺳﺌﻠﻚ ﺍﻟﻄﺎﻫﺮ ﺟﺎﻫﺎ ﻳﻨﻜﺮﺵ ﻭﺣﻔﻴﺎﻥ ﻭﻛﺮﻋﻴﻮ ﻣﺸﻘﻘﺎﺕ ﻗﺎﻟﺖ ﻟﻴﻮ ﻛﺎﻥ ﻣﺎﻣﺠﺒﻮﺭﺓ ﻣﺎﺑﻘﻴﻒ ﻣﻌﺎﻙ ﺍﺳﻤﻌﻨﻲ ﺍﻟﺮﺟﺎﻝ ﺍﻟﺒﺮﺓ ﺩﻳﻞ ﻣﻨﻮﻭﻭ ﻗﺎﻝ ﻟﻴﻬﺎ ﺩﻳﻞ ﻧﺎﺱ ﻋﺮﺑﻴﺘﻮﻥ ﺍﺗﻌﻄﻠﺖ ﻭﺍﺑﻮﻙ ﺣﻠﻒ ﻃﻼﻕ ﺍﻻ ﻳﻨﺰﻟﻮﺍ ﻳﻔﻄﺮﻭﺍ ﻃﺒﻌﺎ ﻧﻌﻤﺎﺕ ﻓﺮﺣﺖ ﻭﻗﺎﻣﺖ ﺗﺘﺒﺴﻢ ﻗﺎﻟﺖ ﻟﻴﻮ ﻭﺍﻟﻮﻟﺪ ﺩﻩ ﺍﺏ ﺑﺪﻟﺔ ﻭﻗﻤﻴﺺ ﻛﺤﻠﻲ ﺩﻩ ﺍﺳﻤﻮ ﻣﻨﻮ ﻗﺎﻝ ﻟﻴﻬﺎ ﻭﺍﻧﺎ ﺷﻦ ﻋﺮﻓﻨﻲ ﻧﻬﺮﺗﻮ ﻭﻗﺎﻟﺖ ﻟﻴﻮ ﺍﻣﺶ ﻳﺎﻭﺳﺨﺎﻥ ﻳﺎﺟﺮﺑﺎﻥ 😒😒😒
ﻭﻓﻲ ﺳﺮﻫﺎ ﻗﺎﻟﺖ ﻻﺯﻡ ﻻﺯﻡ ﺍﻧﺎ ﺍﻋﺮﻑ ﺍﻟﻮﻟﺪ ﺩﻩ ﺍﺳﻤﻮ ﻣﻨﻮ ﻭﺍﺛﻨﺎﺀ ﻣﺎﻫﻲ ﻭﺍﻗﻔﺔ ﺑﺘﺴﻤﻊ ﻃﻘﺸﺖ ﺍﺿﺎﻧﺎ ﻛﻠﻤﺔ ﺩﻛﺘﻮﺭ ﻣﻬﻨﺪ ﻭﻫﻨﺎ ﻗﺎﻟﺖ ﻭﺍﺍﺍﺍﻱ ﻛﻤﺎﻥ ﺩﻛﺘﻮﺭ ﻭﻗﺎﻣﺖ ﺗﺪﻋﻲ ﻋﺎﺩ ﻳﺎﻟﻠﻪ ﻳﺎﻟﻠﻪ ﺑﺮﻛﺔ ﻣﻦ ﺻﻠﻰ ﺍﻟﺪﻛﺘﻮﺭ ﺩﻩ ﻳﺒﻘﻰ ﻣﻦ ﻧﺼﻴﺒﻲ ﻭﻳﺴﻮﻗﻨﻲ ﻣﻦ ﺍﻟﻌﻔﻦ ﻭﺍﻟﻘﺮﻑ ﺩﻩ ﻳﺎﺍﺍﺍﺍﺥ ﺯﻫﺠﺘﺎ ﻣﻦ ﺍﻟﺤﻠﺔ ﻭﻧﺎﺱ ﺍﻟﺤﻠﺔ ﺍﻧﺎ ﺯﺍﺍﺍﺍﺍﺗﻲ ﺷﺒﻬﻲ ﺩﻩ ﺷﺒﻪ ﻣﺪﻥ
ﻭﺩﻛﺎﺗﺮﺓ ﺣﻼﺗﻲ ﻳﺤﻠﻔﻮﺍ ﺑﻴﻬﺎ ﻳﺎﻟﻠﻪ ﻳﺎﺥ
يتبع......
