ﻣﺸﻰ ﻣﻬﻨﺪ ﺍﻟﺸﻐﻞ ﻭﺑﻘﻰ ﻗﺎﻋﺪ ﻭﺳﺮﺣﺎﺍﺍﺍﺍﻥ ﺟﺎ ﺻﺎﺣﺒﻮ ﻣﺤﺠﻮﺏ ﻗﺎﻝ ﻟﻴﻮ ﻣﺎﻟﻚ ﺍﻟﻠﻴﻠﺔ ﻣﺎﻋﺎﺟﺒﻨﻲ ﺑﺘﺤﺐ ﻭﻻﺷﻨﻮ
ﻣﻬﻨﺪ ﺩﻧﻘﺮ ﺭﺍﺳﻮ ﻗﺎﻝ ﻟﻴﻮ ﻭﺍﻟﻠﻪ ﺣﺎﺟﺔ ﺑﺎﻟﺸﻜﻞ ﺩﻩ ﻳﺎﻋﻤﻚ ..
ﻣﺎﺗﻘﻮﻝ ﻟﻲ ﺣﺎﺟﺔ ﺑﺎﻟﺸﻜﻞ ﺩﻩ ﻳﺎ ﺍﺍﺍﺍﻱ ﻳﺎ ﻻ ﺩﻩ ﺷﻨﻮ ﺍﻟﻜﻼﻡ ﺍﻟﻤﺒﻬﻢ ﺩﻩ .. ﻭﺩﻱ ﻣﻨﻮ ﻭﺑﺖ ﻣﻨﻮﻭﻭ ﻭﺍﺳﻤﺎ ﻣﻨﻮ ﻭﺷﻐﺎﻟﺔ ﻣﻌﺎﻧﺎ ﻫﻨﺎ ﻭﻻ ﻗﺮﺕ ﻣﻌﺎﻧﺎ ..
ﻣﻬﻨﺪ // ﻫﻴﻴﻲ ﻫﻴﻴﻴﻲ ﻳﺎﺯﻭﻝ ﻣﺎﻟﻚ ﺑﺮﺍﺍﺍﺍﺣﺔ ﻭﻃﻲ ﺻﻮﺗﻚ ﺩﻩ ﺍﻟﻨﺎﺱ ﺑﻘﺖ ﺗﻌﺎﻳﻦ ﻟﻴﻨﺎ ..
ﻳﺎﺯﻭﻝ ﻻﻗﺮﺕ ﻣﻌﺎﻧﺎ ﻻﺷﻐﺎﻟﺔ ﻣﻌﺎﻧﺎ ﺍﻫﺎ ﺍﺭﺗﺤﺘﺎ
ﻣﺤﺠﻮﺏ // ﻳﺒﻘﻰ ﺍﻛﻴﺪ ﺯﻭﻟﺔ ﺟﺎﺗﻚ ﻋﻴﺎﻧﺔ ﻭﻋﺎﻟﺠﺘﺎ ﻭﺣﺒﻴﺘﺎ ﺍﺻﻠﻮﺍ ﺍﻧﺘﺎ ﺑﺘﺠﻴﺒﺎ ﻟﻴﻨﺎ ﻭﺭﺍﻣﺔ ﻣﺎﻳﻜﻮﻥ ﻋﻨﺪﻫﺎ ﻣﺮﺽ ﻣﻌﺪﻱ ﻭﻋﺎﺩﺗﻚ
ﻣﻬﻨﺪ / ﻣﺤﺠﻮﺏ ﻋﻠﻴﻚ ﺩﻳﻨﻚ ﺑﻄﻞ ﻫﺰﺍﺭ ﺩﻩ ﻣﺎﻣﻮﺿﻮﻉ ﺿﺤﻚ ﺩﻩ ﻣﻮﺿﻮﻉ ﺟﺎﺩﻱ ﺟﺪﺍﺍﺍ
ﻣﺤﺠﻮﺏ / ﺧﻼﺹ ﺳﻜﺘﺎ ﺍﻫﺎ ﺍﺣﻜﻲ ﻟﻲ ﻳﺎﺯﻭﻝ ﻻﻗﻴﺘﺎ ﻭﻳﻦ ...
ﺑﺪﺍ ﺩﻛﺘﻮﺭ ﻣﻬﻨﺪ ﻳﺤﻜﻲ ﻟﻲ ﻣﺤﺠﻮﺏ ﺑﻲ ﻧﻌﻤﺎﺕ ﻭﻛﻴﻒ ﺍﻟﺼﺪﻓﺔ ﺍﻟﺠﻤﻌﺘﻬﻢ ﻭﻛﻞ ﺍﻟﺤﺎﺟﺎﺕ ﺍﻟﺤﺴﺎ ﺑﻴﻬﺎ ﻣﻦ ﺍﻭﻝ ﻣﺮﺓ ﺷﺎﻓﺎ ﻭﻗﺎﻝ ﻟﻴﻮ ﺷﻮﻑ ﻣﻌﺎﻱ ﺧﻄﺔ ﻧﻘﺪﺭ ﻧﻘﻨﻊ ﺍﻣﻲ ﻛﻴﻴﻴﻴﻒ ﺑﺎﻟﻜﻼﻡ ﺩﻩ ﺍﻧﺎ ﺣﺒﻴﺖ ﻧﻌﻤﺎﺕ ﺩﻱ ﺻﺪﻗﻨﻲ ﺍﻟﺤﺐ ﻣﻦ ﺍﻭﻝ ﻧﻈﺮﺓ
ﻭﺍﻟﻠﻪ ﻳﺎﻣﻬﻨﺪ ﺻﺎﺣﺒﻲ ﻃﻠﻌﺘﺎ ﺑﺘﺤﺐ ﻭﺍﻧﺴﺎﻥ ﻃﺒﻴﻌﻲ
ﻗﻮﻭﻭﻭﻡ ﻣﻦ ﻭﺷﻲ ﻳﺎﺣﻴﻮﺍﻥ ﻣﺎﻣﻨﻚ ﻏﻠﻄﺎﻥ ﺍﻧﺎ ﺍﻟﺒﺤﻜﻲ ﻟﻲ ﻭﺍﺣﺪ ﺯﻳﻚ ...
ﻛﺪﻱ ﺍﻫﺪﻯ ﻳﺎﻣﻬﻨﺪ ﺍﻧﺎ ﺑﻬﺰﺭ ﻣﻌﺎﻙ ..
ﻳﺎﺯﻭﻝ ﺍﺳﻤﻌﻨﻲ ﺍﺑﻮﻙ ﺩﻩ ﻛﻠﻤﺘﻮ ﻣﺴﻤﻮﻭﻭﻭﻋﺔ ﻟﻠﺼﻐﻴﺮ ﻭﺍﻟﻜﺒﻴﺮ ﻛﻠﻤﻮ ﻭﻟﻮ ﻭﺍﻓﻖ ﺑﻘﺪﺭ ﻳﻌﺼﺮ ﺍﻣﻚ ﺗﻮﺍﻓﻖ ﺑﻌﺪﻳﻦ ﺍﻣﻚ ﺩﻱ ﺑﺘﺘﺤﻨﻚ ﺧﺎﻟﺘﻮ ﺑﺴﻤﺎﺕ ﺩﻱ ﺯﻭﻟﺔ ﻋﺴﻞ ﺑﺲ ﺧﻠﻴﻬﺎ ﻟﻲ ﺑﺤﻨﻜﺎ ﻟﻴﻚ
ﻭﺳﻤﻊ ﻣﻬﻨﺪ ﻛﻼﻡ ﺻﺎﺣﺒﻮ ﻣﺤﺠﻮﺏ ﺿﺮﺏ ﻟﻲ ﺍﺑﻮ ﺗﻠﻔﻮﻥ
ﺍﻟﻮﻭﻭ ﺍﺑﻮﻱ ﻛﻴﻔﻚ ﻗﻴﻠﺘﺎ ﻛﻴﻒ ...
ﺍﻫﻼ ﻳﺎﻭﻟﺪﻱ ﺍﻟﺤﻤﺪﻟﻠﻪ ﺍﻧﺘﺎ ﻛﻴﻒ ﻭﺍﻟﻌﺮﺑﻴﺔ ﺍﻥ ﺷﺎﻟﻠﻪ ﻣﺎﻭﻗﻔﺖ ﺗﺎﻧﻲ ..
ﻻﻻ ﻳﺎﺍﺑﻮﻱ ﺍﻟﺤﻤﺪﻟﻠﻪ ﻣﺎﻭﻗﻔﺖ ﻭﻫﻨﺎ ﺑﺪﺍ ﻳﺘﻤﺘﻢ ﻣﻬﻨﺪ ﻳﺎﺍﺑﻮﻱ ﻗﻮﻟﺘﺎ ﻟﻴﻚ ...
ﺍﻱ ﻳﺎﻣﻬﻨﺪ ..
ﺍﻧﺎ ﺩﺍﻳﺮﻙ ﻓﻲ ﻣﻮﺿﻮﻉ ﻣﻬﻢ ﻛﺪﻩ ﻭﻳﺎﺭﻳﺖ ﻧﺘﻼﻗﻰ ﺑﺮﺓ ﺍﻟﺒﻴﺖ ..
ﺧﻴﺮ ﻳﺎﻭﻟﺪﻱ ﺍﻧﺘﺎ ﻛﻮﻳﺲ ??
ﺍﻧﺎ ﻛﻮﻭﻭﻳﺲ ﻳﺎﺍﺑﻮﻱ ﻣﺎﺗﻘﻠﻖ ...
ﺧﻼﺹ ﻳﺎﻭﻟﺪﻱ ﺷﻮﻑ ﻧﺘﻘﺎﺑﻞ ﻭﻳﻦ ﻭﺭﺳﻞ ﻟﻲ ﺍﻟﻠﻮﻛﻴﺸﻦ ﻭﺣﺪﺩ ﻟﻲ ﺍﻟﺰﻣﻦ ..
ﺣﺎﺿﺮ ﻳﺎﺍﺑﻮﻱ ﻓﻲ ﺍﻣﺎﻥ ﺍﻟﻠﻪ ... ﻭﻗﻔﻞ ﺍﻟﺨﻂ
يتبع......
