اول ما طلعنا لقيت اية و معاها معاني وميساء وثويبة😍 باقي الشلة برة السودان سلمته عليهم لقيت في واحد🤨 واقف مع ابوي ،و ابوي و بكري لمن شافو هو رحبوا بيهو سالت اية ده منو قالت لي .ود عمتك هدى
قلت ليها .مستحيل يكون رياض😨 قالت لي .هو بيعينو
بعد شوية شفتو جاي علي سلم علي وبعدين مشى ينقل الشنط (رياض ولد عمتو هدى بقرا تخدير عمرو ٢٤ سنة هادي وما بحب الكذب نهاي احسو مفتري مفتري ) بعد شوية
قلت لي ماما .انا بجي وراكم بي عربية اية مع البنات😊
ماما قالت لي .خلاص😊
مشيت ركبت العربية🚘 بي قدام مع اية والبنات ورا عاينت بالقزاز لقيت رياض بيعاين لي استغربت اية قالت لي. اها اتحرك ولا في باقي نظرات😏😏😏
ميساء. اتحركي قبل ما يجي يفتح ليها الباب 😉😉
معاني .لقيتك يا ايثو ما هينة😁😁
انا .خلصتو😒😒 يلا يا اية دوري
المهم اتحركنا وفي أثناء الطريق سألتهم من هالة
اية . والله يا ايثار هالة قافلة😔 الباب وما بترد على اي زول وهي نايمة بتنادي عمو الفاتح الله يرحمو
معاني . حتى يا ايثار اكل زي الناس ما بتاكل 😞
قلته ليهم . اذا كنت انا زاتي كدة حاعمل شنو 😥
ميساء .خلاص يا ايثار كفاية
المهم لمن نمشي خليكي قوية عشن هالة تتقوى بيك🤛
هزيت ليهم راسي بايجاب قلته ليهم انتو قاعدين معانا صح
قالو لي .اي😇
شوية كدة وحصلنا البيت تعالو اعرفكم
(ابوي اكبر زول في اخوانو بعدو عمو النور وعندو ولدو عصام ٢٣ سنة ونور ٢٠ سنة ووليد ١٨ سنة وبعدو عمتو هدى عندها رياض ٢٤ سنة و هنا ١٩ سنة و عمتو نورا عندها وجن ١٩ سنة و بعدو الفاتح )
اول ما حصلنا البيت كان جايط لاقوني عماتي سلمته عليهم😁 ومشيت بعدو اعمامي وكم مرا كدة ما بعرفهم سلمته عليهم قمت طلعتة لي ماما نانا وسلمته عليها كانت في حالة حزن 😔رهيبة صبرتها وبعدو مشيت لي هالة لقيت قاعدين معاها بنات عمي في اوضتنا انا وهالة الزمان لقيته نايمة سلمته على بنات عمي قلته ليهم مالة
نور قالت لي . اديناها حقنة مهدئة💉
طبعا البيت كبير شديد انا وصحباتي وبنات عمي قاعدين في الجناح الفوق ومنو السطوح وطبعا باقي البيت للضيوف طبعا دة بيت العائلة
بنات عمي مشو نامو في اوضة وصحباتي كذلك في اوضة انا بقيت مع هالة دخلته الحمام استحميت💧 وصليت ولبست بجامة عاينته لي هالة بالجد منظرها كان مرهق مشيت البلكونة وانا ببكي بكيت شديد😭😭 تاني جيت قعدت جنبها مررت يدي على شعرها لقيتها صحت اول ما صحت حضنتني
قالت لي. ايثار كويس انك جيتي ما تسيبيني يا ايثار زي ما بابا سابني😭😭
انا . مررت يدي على شعرها قلت ليها حاضر وكمان نفسي ابكي😢 بس اتذكرت كلام ميساء
قلته ليها . هالة عمو الفاتح بالطريقة دي نحنا قعد نعذبو الله يخليك ما تعذبيهو
تكلت رأسها على السرير
وقالت لي . حاضر
وبعد كدة نمنا. بعد مرور شهر الناس مشت وبقينا نحنا وناس عمي وعماتي ، وطبعا كلنا بنحاول نطلع من جو الاكتئاب خصوصا عشن ناس هالة و التوأم صحباتي اقترحو علي نعمل برنامج ظريف قلته ليهم تمام كلمته هالة في البداية ابت لكن اقنعتها بس البرنامح كان ببدا من العصر . كلمته ماما
قلته ليها البنات عازمني انا وهالة
قالت لي . الليلة ماف طريقة لانو في ضيوف جايين ☺
قلته ليها. يا ماما من ما جيت ما طلعته وبعدين انا والبنات🙁 عايزين نطلع هالة من الحالة بتاعتها 😔
قالت لي . يا ايثار كدة عيب 😡
حاولت اقنعها قلته ليها .جايين متين
قالت لي . العصر 😊
قلته ليها .نحنا الظهر بنطلع وبنجي بدري☺☺
قالت لي .تمام
طلعت لي هالة قلته ليها قومي انجزي اجهزي
قالت لي من الساعة ١٠ مش بالعصر 🙄🙄
قلته اجهزي وبفهمك الحاصل جهزنا حوالي ١٢ ونص انا (لبست بنطلون جينز ازرق و تشيرت ابيض وساعة زرقا على جزمة ازرق لي ابيض وعاملة شال فيهو دوائر ابيض وازرق وشنطة ازرق وفاكهة شعري )
هالة (بنطلون اسود وتييشرت اصفرر بي ابيض وجزمة وساعة بيضاء وفاكهة شعرها وشنطة ابيض )
قالت لي .حنمشي بي شنو😂 قلت ليها الا اشوف عربية بابا
مشيت أستاذنت منو وشلتا المفتاح وطلعنا هالة قالت لي .اسي حنمشي وين
قلته ليها .ما عارفة 🤣🤣
اتصلته علي اية قلته ليها .جهزي لي نسكافيه انا وهالة انا بعد عشر دقايق معاك ☺☺
اية .يابت بسم الله مالك 😨😨
انا .جهزي وبعدين بشرح ليك 😇
قفلت الخط واتجهت على بيت اية
هالة .لكن اية ما اتدبست 😁😁
انا .اي لمن اتخلعت قايلة في مصيبة 🤣🤣🤣
هالة .
وصلنا البيت سلمنا على خالتو شرحت لي اية الحاصل قالت لي عفيت منك
قلته ليها .ما توصي حريص
هالة . لكن بعد ده مفروض نتحرك عشن نرجع بدري اتونسنا لي ٣ بعدين اتحركنا قابلنا البنات في عفراء حضرنا فلم 🙂بعدو مطعم😋 بعدو مشينا الساحة 😙قاعدين وبتتونس المغرب اذن قلته ليهم انتو جادين ده المغرب
معاني .لا العصر 🤗
انا. نننننن ظريفة 😒😒
عاينت لي التلفون قلته ليهم الحقو امي 😱😱ضاربة لي ١٣ مرة مكالمةوبكري ١٠ مرات
رديت لي امي .الو
ماما .ايثار مالك اتأخرتي 😡
انا. والله يا ماما مشيت لي خالتو ام اية اطمن عليها وبعدين ما حسيت بالزمن 😔
ماما. خلاص الضيوف قبل ساعة وصلو تعالو بعد دة
انا حاضر نكمل غدا ونجي
ماما. يلا بسرعة
قفلت المكالمة وانا ما مصدقة قلته ليهم يلا اعزموني قهوة انا ماشة 😝
هالة .الضيوف وصلو 😐
انا .اتخيلي يا دوب قبل ساعة 🤨
هالة. يا دوب 🤨
المهم شربنا قهوتنا ☕واتخارجنا ووصلت البيت ولمن وصلت شفت ........
يتبع......
