لمن وصلت شفت بكري واقف ومنفعل في التلفون 😤
قلت ليهو :مالك شكلك زهجان ووشك تعبان عيان ولا شنو 🤨
قال لي :قابلت واحد من اصحابي كان بشرب سجاير جنبي😡 بس ما اكتر وبعدين انا مصدع
قلته ليهو :ابلع Panadol😌
قال لي: تمام 👍بالمناسبة محتاج لي مترجم يترجم لي إيطالي 😏عشن مترجم الشركة عندو عرس وما فاضي
قلت ليهو :سفرك متين😘
قال لي: بعد اسبوع واسي راسي جايط 😔
قلته ليهو :بشوف واكلمك 😝
سألته قلت ليهو ما شايفة عربات باقي العيلة 🤔
قال لي :عماتك واعمامك مشو 🙄
قلته ليهو: ليه 😨
قال لي :ايثار رجعوا بيوتهم وما تنسي انو شوية وجامعاتهم حتفتح 😇
شوية كدة ناديت هالة بعد ما ركنت السيارة ها خلصتي
هالة: يب
انا :طيب يلا
لمن دخلنا شفنا راجل ومرة وبنت كيوت وولد صغير هالة اول ما شافتهم سلمت عليهم كانوا قاعدين معاهم ماما وبابا وماما نانا سلمت قعدت شوية
هالة :اهلين يا عمو اخبارك😺
الراجل :تمام يا بتي وينك انتي مختفية كدة 😺
هالة :موجودة بس الظروف 😿
المرة :لا ما ظروف ولا شي تجي وتسلمي علينا مهما كان يا بتي نحنا عيلة😻
بعد شوية جاتني مكالمة من صفا طلعت الغرفة ورديت
انا :الو صفووو الحب امورك😍😍
صفا :انا اموري زي الفل الا قوليلي الخروجة كانت ازاي 😝
انا :والله ظابطه بس فايتاك😔
صفا: المرة الجاية ننزل السودان سوا 😌
انا :تمام يا اصلية 🤝
اتونسنا مسافة ساعة وبعدو قفلنا مشيت الحمام اخدت دش🚿 بعدو صليت طوالي و قعت في النوم 🛌🛌
_________________________
في جانب تاني :
كان نايم في شقة في نيويورك🛌 وشعرو نازل لابس تريننق و ما لابس فنيلة كان بحلم" بي بت عيونها زرقا وشعرها طويل وهو كان سرحان وبتاملا وهي بتضحك جات عليهو وقالت ليهو امسك حازم مني ما انت ما ابوهو اسم بس عاين لقى نفسو ماسك ولد تفاصيل وشو ما شاء الله تبارك الله ختاهو في حضنو شوية كدا ونام مشى على اتجاه البت كانت خلصت تلفون طوالي اخدها في حضنو لقاها نعست شالها ختاها في السرير وغطاها بعد شوية لقاها بتفتح وبتقول ليهو انت منو انت منو ماتقول انت منو عاين بقى البيبي ما في استغرب و البت كانت بتبكي " قام مفزوع😳 وختا يدو في قلبو وقال ما ممكن الكابوس ده المرة التالتة في الشهر ده قام أخد دش🧖♂️ صلى وقرا قرآن اتصل لي :امو
حسام :الو امي
الام :الو حسام انت كويس
حسام :اي كويس
الام: طمني شغلك كيف
حسام: والله ماشي تمام
بعد ما رنا ام حسام اطمنت على ولدها قفلو الخط بعدو حسام لبس (بنطلون ازرق على قميص ابيض ولابس جزمة ابيض وساعة ازرق ) ساق عربيتو ومشي كوفي☕ طلب قهوة ومسك اللابتوب حقو فجأة اتصل عليهو رامي
حسام: الو رامي
رامي: وينك انت في ياتو كوفي
حسام في كوفي ☕.......
رامي: ١٠ دقايق واكون عندك سلام
حسام :سلام
بعد ١٠ دقايق
رامي وصل واتونس مع حسام شوية دخولو في الشغل
رامي :عندنا موعد زي بعد اسبوع
حسام :وين وهو بعاين اللابتوب🤔
رامي :الشركة الإيطالية
حسام: اه اه متذكر حتى درست الملف حقهم شوفته المكسب خصوصا انو الشراكة بين رجل أعمال أجنبي ورجل أعمال إيطالي صحي احجز التذاكر لانو الاجتماع بعد اسبوع كدة
رامي: تمام 😊
_________________________
صحيت من الصباح صليت لقيت هالة نايمة خليتها ونزلت اشرب قهوة☕ لقيت ماما وماما نانا صاحين صبحت عليهم لقيت ماما قعت تعمل الشاي طلبت منها قهوة ومشيت اتونست مع ماما نانا لحدي ما جا بابا وقعدنا اتونسنا شوية كدا جا بكري اتونس معانا بعد شوية قامو ناس ماما يعملو الفطور وبابا كان مستني اصحابو وبكري طلع أوضتو وانا طلعت لقيت هالة صحت وماسكه جوالها
انا : صباح الخير😀
هالة : صباح النور😁 امبارح نمتي بدري
انا : من التعب ما اكتر 🙄
هالة: كان تقعدي تتونسي معانا 🤨
انا :خير ما مشكلة بتتعوض😉 صحي منو الناس الامبارح ديل😆
هالة: دي خالتو نعمة وعمو جاسم وبتو أروى وولدو علي
انا: اوكي طيب ديل ببقو لينا
هالة :لا ديل عيلة رامي حبيبي 😍
انا :انتي جادة 😏
هالة: يب😉
قمت فيها ضربتها ضرب يا جزمة ماتكلميني
هالة :يابت مالك ما ياهو وريتك صورتو
انا : بالجد هو صاحب الصورة 🙄 طيب احكي
هالة: ما معقولة يا ايثار استكيني
انا: انا خلاص احكي
هالة: شوفي يا ستي رامي حبيبي بقرا إدارة أعمال اتقابلنا في الجامعة كان بجي مراات يوصل أروى واروى صحبتي وبتقرا معاي هندسة نفس المجال لانها معاي في نفس الجامعة بمرور الوقت حبيينا بعض
انا :اتاريكي وقعت وما في زول سما عليكي 😏
هالة :😂😂😂😂
انا : اها وهو اسي وين😃
هالة شغال هو وصحبو في شركة وبسافرو كتير😎
انا :ان شاء ربما يجمعكم سوا 😉
هالة : امين يارب😔 وعقبالك كمان 😌
انا: انا مستحيل Nooo😰
هالة :ليه😱😱
انا: والله ما فاضية لي حب وكدة 😖
وفي أثناء ما بتتكلم هالة قاطعتني وقالت :عليك الله😏 بكرة حتحبي واحد وحتكوني زي الغنماية بي وراه 😝😝
انا: رفعت ليها حاجبي🤨 يا شيخة 🤨🤨🤨
هالة: بي ضحة والله 😂😂😂
انا :ما مشكلة يا هالة انا وانتي والزمن طويل 😒
هالة: وحترجعي وتقولي لي كلامك صح 😂😂
قعدنا كدة وبقينا نحضر وبقيت بفكر في موضوع السفر مع بكري مشيت ليهو لقيتو واقف في البلكونة قلته ليهو
انا: بكري 😁
بكري: نعم 😊
انا: خلاص انا وافقت على عرض الشغل ده 😊
بكري :تمام انا حاحجز ليك معاي 😎
انا :احم احم بيكو يا بكبك😉
بكري :خير🙄
انا :ممكن اسوق معاي هالة
بكري: والله .....يعني😲 قاطعتو: ...الله يخليك😔😔 قال لي :طيب 😕
قلته ليه :اوك 😜
انا: بكري انا زهجانة دايرة اطلع😓
بكري: ما ياهو معاك العربية وهالة في شنو تاني 🤨
انا :مافي شي ارح معانا 🤗
بكري: انا معزوم عرس 😅
انا :طيب دا ما ظابط انا ما حصل شفته عرس سوداني خليني امشي معاك 🤩🤩
بكري :مع انو فيهو لبش 😏بس ما دام حتفكي لي أزمة في الشغل تمام👍
انا :يلا ماشة اجهز واكلم هالة😍
داير يتكلم😨 حضنتو وجريت😁😁 كلمت هالة واتظبتنا لبسنا فساتينا وجهزنا لقيت بكري مستنينا قدام العربية ركبنا وحصلنا العرس ونحنا داخلين على القاعة قلته لي بكري :نسيت جوالي في العربية 😱
بكري :انا ماشي اسلم على اصحابي لانهم شافوني امشي انتي وهالة
مشينا انا وهالة أفتش جوالي وبكري راكن العربية في الباركينج الورا لي الصالة هالة جاها تلفون مشت تتكلم بعيد وانا في أثناء ما بفتش بس انا ما حسيت الا بي واحد مسك😱😱 يدي......
يتبع.....
