بارت 29
ااي الضهر جنت عرمة وهسة نادرة ضحكت وراحت كملنة البيتزا حطيناهه بالفرن وسوينة مقبلات ودنحط الكاكاو ع دونت لعب بينة لعب بالكاكاو وهاي تحط ع خشمي وانة ادمرهه هم بالكاكو غسلنة ورجعنة جاي رتب بيهم بمواعين ودخل فهد وعلي واحمد وكرار وعمو كلهم من بابا المطبخ راحت سارة ركضت لفهد حضنتة هوة لف ادي ع خصرهه ويشتم رگبتهه فهد كلللش يحب سارة لان من نولد لحد ماصار عمرهه 9 سنين يلة طلعوا من البيت كلش متعلقة بي لافة اديهه لا رگبتة وهوة ادية ع خصرهه جنهم كبل مو عم وبت اختة
-مشتاقلي مووو
-طبعا شعندي غيرج
...مدري شنو همست باذنة ضحك عضهه بخدودهه
-اوووي عمووو بدلع بعدين يلة انتبهت ع علي واكف وهية كدامة بتراك ولا حجاب شهگت ودفت راسهه بصدر فهد
-عززززة علاوي لاتباوع دور وجهك خلي افوت
-شنو ماشفتني شطولي بعد اصير ودار وجهه شردت هية انة مصنمة بمكاني باوعلي فهد صفن بعيوني حسيت بنضراتة ندم بس ماهتميت درت وجهي منة
احمد: -امممم هاي منو مسوي يقصد الدونت
-انة و وبعدني مامكملة هجمت علي سارة مدري منين طلعت شبسرعه بدلت
-جذااابة انة وياهه
-انتي انطيتيني مجال اكمل
-انتي خاف تفكرين تجذبين
علي: -ريحت حرك شرگتن
-يمةة عزة البيتزا
سارة: -خرررب نسينة
...طفرت فتحت الفرن فتحت الفرن ويهه لثاني اشو حتى بعهن مامستويات
التفتنة وحدة تباوع ع ثانية باوعتلهم يضحكون علينة
كرار: -قهرتني شون طفرتن
سارة: - كولي امين
-امين
-عساك بمرة عورة عرجة زركة تخرعط بليل كولي اميين
-اميييين
علي: -لا عيني حجي يفيدج مرتي محجوزة قمر وربي
احمد وكرار: -اوووووووو منو هالكمر
-وحدة
...دخلوا جوة واحنة جهزنة العشة وطلعنة البيتزة رتبناهه والمقبلات وام احمد مسوية شوربة وكللشي رتبنة سفرة كعدوا ردت اطلع صاح علية عمو
ابو احمد: -تعالي تعشي يابة وين رايحة
-شكرا عمو ماريد
-ياااولج شنو مااريد اشو ماتغديتي كضيناهه سوالف تعاي كعدي سوالي ابو احمد مكان يمة
-تعالي يابة استحيت افشلة كعدت يمة وسارة اجت يمي فهد وعلي كدامنة
اكلت قطعة وحدة همة يحجون بالشغل لي فهمتة انو عدهم مشكلة بشغل علي همة ماعرف شغلهم شنو بضبط فجاين يتناقشون كمت اول وحدة رحت للمطبخ غسلت ورحت لغرفة سارة جنت واكفة ارتب بشالي صعد هوة خررب هذا شجابة يمي استغفر الله اجة وكف وراي ودارني الة صار ضهري ع الميز وهوة كدامي حط ادي ع ميز حاصرني درت وجهي منة دار وجهي علي دفعتة منصدرة بس ماتحرك
-وخرر مني اكرهك اكرهك عوفني
-تكرهيني؟؟
-اموت منك
-ليش
-كلي لي سويتة بوتكلي لييش
-انتي جبرتيني
-انة جبرتك فهد لو شنو اسوي مايحقلك هيج سوي بية جسمي كلة بي اثار بسببك من اجيت لهسة مانزعت لحجاب واحنة لوحدنة بالغرفة شوف شوف رگبتي فتحت شالي باوووعي كمشت مكان ياذيني هاااي اثر سنونك باووع وانتة شنو سويت ومو بس هذا جسمي كلة وانتة امس شفتني وحتى ماهتميت هسة جاي تكلي ليش تكرهيني جنت احجي وابجي مسح دموعي
ودخلت سارة هوة طلع لفيت شالي
لييش تبجين
-لا شي نزلت لعمو احمد
-عمو ممكن تلفونك شوي
فهد: -شسوي بي
-اتصل ع اخوي يجي ياخذني
-كتلج ماكو روحهه طلعوا كرار واحمد وعلي وسارة بق بس ام احمد وعمو
ابو احمد: -يابة رجعي وية زوجج عوفي سالفة اروح لاهلي
فهد: -يلة ترة تعابة روحي واصلة لخشمي
ام احمد: -شو كومي كدامي يلة الرجال تعبان واخذتني للغرفة لبست الجبة ودموعي صب وام احمد تنصح يابة شكد تنصح كملت نزلت معصبة روحي طالعة صعدت بالسيارة ودايرة وجهي منة هوة كل شوي يجوب حسرة صعدت فوك بعدهه بيومين بدة الدوام وداومت وشهر انة مااحجي وية شكد حاوول كل يوم بليل يجي يحجي يريد يجيب غراض يخليهن يم راسي حلويات وهيج اشياء مااكلهن ولا اگلبهن واشمرهن بالمطبخ يجي يشوفهن يعصب رجع التلفون ويطلع اعصابة بهاي الفترة ناررر لحد ماا بالعشة كاعدين بالصاله كال
-راح اسافر
مريم: -وين تروح
-عندي شغل بدبي شهر هيج وارجع
-يااايمة هووواي
-اي شسوي لازم اروح اكو مشكلة كلللش جبيرة صايرة ولازم اروح
-يعني ماكو غيرك يروح حط ايدة ع جتفهه وابتسم
-لاتخافين كل يوم اتصل عليكم هية ابتسمت رفع عيونة باوعلي درت وجهي منة سافر جان كل يوم يتصل علي ماارد لو اگطعه يوم الاحد كال اجي توني راجعه من الدرسة وهوة اجة سلموا علي ومريم حضنتة انة سحبت نفسي وصعدت سبحت وبدلت ونزلت اصب بالغذة مريم ماكو فوك صبيت انة وام احمد وهمة نزلوا باوعلي صفن بوجهي وكال
-شلونج روان
-اممم بخير ببرود كعدت اكل همة يسولفون ويحجون بالسفرة وكذا كملت اكلي وكمت ارتب بصينية الجاي بالمطبخ اجة هوة يغسل يعني مو اكو مغسلة شكو جاي هنا غسل
-انطين مي من يمج صبيتلة وانطيتي بدون ماانطق تعمد يلمس ايدي ماهتميت شرب مي 🐣🌿😻
