بارت 20
سحبني من ايدي للجرباية جريت ايدي حيلل منة
-عمو شنو تريد سوي
-شبيج روان شسوي اريد احجي وياج
-كول اسمعك
...وخر الغطى ونومني وغطاني نام يمي صفح ويلعب بشعي
-ماقتنعتي بحجي البارحة مو
-لاء كلامك مو مقنع ليش تكول علي غريب هوة ابن عمي
-روان ابن عمج مو محرم عليج هذا شي حتى حررام
-بس احنة ماقصدنة شي مو زين ليش حرام بعد
-هية مو بس بالنية هية انو جسمج كان لازك بجسمة قريبة علي كللش
مايصير هذا الشي هسة اتخيلي هذا شي يكون بين امج وابن عمهه كدام
ابوج يصير تشوفيهه لايقة
-لاء
-شفتي نفس الشي الصار انتي بحضن ابن عمج كدام رجلج
-تمام اسفة
-انة ماجاي احجي وياج حتى تعتذرين اريد تقنعين تخلين حواجز بينج وبين ابن عمج مااحرمج منة تجبينة وتعزينة كاأج الج بس مايصير بهاي الطريقة
-اووك
-انتي تلبسين منة حجاب
-اممم
-اي لو لا
-لا
-شنو تلبسين كدامة
البس تراكت قصيرة نص ردن حتى برمودات
-اشتعلوا اهلج
-ياا لاتغلط ع اهلي
-منا ورايح تلبسين حجاب منة ولبس مستور
-لا مااريد البس منة لبس مستور ميخالف بس حجاب ليش
-جا صار لي ساعه شحجي
-اي حجيك صحيح بس
-لابس لا شي سمعي الحجي بنيتي
-تمام
...دنك باسني بخدي وطفى الگلوب وطلع بصراحة اقتنعت بحجية حبيت
اسلوبة استمر الحال 6 حياة روتينة ملل لعبان نفس مريم كاعدتلي عضم
بالبلعوم اما فهد مابينة حجي ولا اي شي عادي لحد مايوم بليل جنت طلعت
من المطبخ وشفت مرة جبيرة نفسهه لي كالت صگر اخذج ورا الفاتحة بيوم وصارت الهوسة وياهه بنية شابة دخلت للصالة سلموا عليهه وفهد حضن لبنية حيل ويشتم بيهه جنة يحبهه حيل كعدوا حجة المرة
-ضب اختك موتتني بعد مااتحملهه
فهد: -لييش شصاير
-اختك كرهتني بعيشتي اربعة وعشرين ساعه تنگ ماريد ابق ورجعيني
-ليش شصاير
-هاي اختك واسئلهه
فهد: -ليش ماتردين تبقين
-فهد مااريد والله موتوني مو نسوان كارثة يتعاركن وية امي يذب حرگتهن بية انة شنو ذنبي والله حتى الدراسة ماكمت اركز بيهه من وراهن مسويني
خدامة مو مشكلة الشغل يخلص بس الغلط والاهاين ماتنحمل والله
-افففا عليج كل هذا وماحاجية ليش ماكتيلي
-اكول عادي مشاكل نسوان وتخلص بس طاقتي خلصت
المرة: -تتعايرين شمسويلج همة وجاية تشكين يم اخوج
...هية ضلت تبجي وتكول بعد ماارجع والله مااريد اخذهه فهد بحضنة
-معليج يابة منو يبجيج وراسي يشم الهوة مالج رجعه هذا بيتج مطلعين منة
المرة: -شنو ماطلعين انة جبتهه تأدبهه مو تخليهه يمك
-يعني تگلي مأذيني ويتعاركون وياي اجعهه مثلا تبقى هنا بيت اخوهه
المرة: -والله ماتبقى رجلهه ع رجلي خوالهه ويمونون
-حجي يفدج اختي ماتطلع من البيت
-ولك يمة بس هية بقتلي تريد تاخذهه مني نوب
-انة ماخذتهه منج اكعدي هنا حالج حالهه طارج انة
-يعني اكعد عدكم
-اي
...ضل يبوس بيهه ويراضيهه بس اريد اربط ماكو شون اختة وهية بنت هاي المرة كلشي مفهت كومتهه نور اخذتهه وطلعن انة اريد افتهم السالفة ماكو عاد طفرت يمة
-شنو السالفة كلشي مافهمت
-المن فاهمه
-اريد افهم فضول
-ابقي بفضولج
-حباب شنو السالفة
-ياسالفه كلشي صار كدلمج شگلج بعد
-بس كلشي مافهمت
-انتي غبيية
-شنو والله موغبية شوف راح اسئل وانت جاوب
-كولي خانم
-وين امك
-يعني ملتعرفين
-ياصبر جاوبني
-هاي واشر ع الحجيه
-لي صعدت شصيراك
-اختي
-شون وهاي المرة تكول بنتي اذا الحجية امك هاي شنو
-مرة ابوي
-شنوووو
ثول شبيج ترة مرة ابوي مو ابوج
-اسم الله بعيد الشر
-ديري بالج لاتموتين
-زين اكول هية الاولة لو الثانية
-الثانية
-ماحبيتهه بصوت ناصي
-احسن شي سويتي بحياتج كمنة نحجي بصوت ناصي حتى لاتسمعنة
-هية شريرة
-حية رمل
-مبينة باوع شون تباوع اصلا مو حلوة
-اي بعلي ابوي مدري شون اخذهه نوب ضربني ع راسي وصاح بصوت عالي نوعا ما دكومي كومي مني انة تالي عمري اخذ غيبة
...ضلوا يضحكون علي ومريم نار كامت تطافر من عيونهه كمت منة صعدت للصالة لكيتهن كاعدت نور والبنية
-سلام
وعليكم
-شنو اسمج
-زينب
-انة روان
-اعرفج مرة فهد موو
-ااي
نور: -بالله عليج هاي الزطوطة عمتي
-اي والله شكد عمرج
-16
-يعني انتي اكبر من عمتج بسنة
نور: -ليش طفرتي منهن مو جانن زينات وياج
-خايبة يازينات جنت اجذب حتى لاصير هوسة بس طفح الكيل والاحد مدارس بعد يومين انة خامس كلت يكرهني عيشتي ماخلني ادرس ويطيح حظي
...عززة صدك المدارس بعد 3 ايام شون انة ادوام لو شنو نزلت اركض
-فهد فهد
-ياستار شكو
لزكة روحي يمة اكو مكان صغيرون يمة كعدت بس
-اكوول
-خير
-المدارس بعد 3 ايام
-المطلوب
-انة اداوم مو؟؟
-الله كريم
-شنو يعني اي لو لا
-بعدين نحجي
-تمام
رحت كعدت وية البنات زينب نامت يم نور🐣🌿😻
