مرحبا اعرفكم ع نفسي.. اسمي (اديان)
امي سمتني هالاسم لان من غير ديانه
هيه مسيحيه وابويه شيعي
طبعا اني وحيده الهم عمري18تاركه الدراسه وابويه ماضغط عليه من الناصرية احنه افيش يريحة الناصرية شكلي قزومه بيضه عيوني عسلي شعري يجنن لا طويل ولا گصير وسط
اشبه امي الله يرحمها طبعا
امي اتوفت
وانه عمري 3سنين وابويه رباني
وحاول بكلشي يسد مكان الفراغ الي تركته امي بس رغم كلشي سواه الي
الام متتعوض ف
كلشي اريده ابويه يسوي الي
بس ماخذه كلشي بتحشيش وضحك ومرات احجي مثل لزلم لان اكثر وكتي وي ابويه ف اتعودت احجي مثله
واكثر شي يقهرني من اشوف لبنات وي امهاتهم طولت عليكم
نجي لحياتي ونكول الو😂
اديان.. بويه بويه بويه
ابو اديان.. بعد ابوج وعمره
اديان.. بويه فدوه خلي نروح للسوگ
محتاجه هواي شغلات اريد اشتريهن
فدوه فدوه
ابو اديان.. ليش شعندي غير اميرتي حظري روحج بويه هسه نروح
اديان.. ركضت ع ابويه بسته
عسا ربي لا يحرمني منك يعافيتي
وركضت احظر روحي لبست بنطرون
وبدي وفوكه جبه وشال ونص شعري طالع
كملت واجيت يلا بويه كملت طلعنه
عنده سايبه ابويه رحنه للسوگ نزلت اخذت احتياجاتي ابويه شال العلاليك
وانه نسيت اشتري شغله ركضت اشتريها وجان انرگعت بشخص
باوعت بي گبل كتله شبيك
اعمى متشوف بشر شكبره كدامك
......اعرفكم ع نفسي اسمي انس
عمري25خاطب بنت خالتي
شكلي شاب طول بعرض
مااحب امدح نفسي
بس لبنات ماكو وحده تشوفني
ومتباوعلي بنظره اعجاب
طبعا اني من بغداد مااحب الدراسه
اعداديه وتركت واشتغل بمحل
موبايلات عندي اخت وحد واخواني ثنين واحد اكبر مني ومزوج ولثاني اخر لعنقود مدلل ماما وبابا
عندي بيت صديقي بالناصريه
ولولد يريد يزوج ولح عليه اله احظر حنه وعرس ابقه عنده سمعت بيها ركص ماصدكت رحت ركض😂
وصلت بيوم لحنه لصبح
طلعت اشتري هديه للولد
اشو دامشي ومااحس اله بنيه اجت تركض ضربت بيه وفوك ماهيه الغلطانه
لسانها شطوله😒
نرجع للحدث العالمي الي اديان اكيد راح تطلع الرابحه من وره لسانها 😂👌
اديان..شبيك اعمى متشوف بشر شكبره كدامك
انس..ع كيفج عيوني منو الي ضرب بمنو شو متعرفين تحجين
اديان..لا بله وفوگاهه انته الي معاجبك الوضع
انس..شوفي اكولج تره انتي الي ضربتي بيه لتاخذين كولشي بالسانج
اديان.. هله هله من اهل ماما غطيني وخر عن وجهي يلا خلي انگلع انوب عليه المايعين😑
انس.. تعالي اشوفج المايع ع اصوله
اديان.. ههههههه اوي عيني خفت
ابو اديان.. ديونه بويه وينج
اديان.. ها بويه اجيت باوعتله
ضحكت بستهزاء وعفته ورحت لابويه
عبالي هاي اول واخر مره اشوفه
ماجنت ادري منا وبدت قصتي...💙
احلى من كل الزلم بعيوني شفتك
ولگ ساعة البيضه العرفتك ..
